హైదరాబాద్‌: అడ్వరై్టజింగ్‌ ఏజెన్సీస్‌ అసోసియేషన్‌ ఆఫ్‌ ఇండియా (ఏఏఏఐ) డైరెక్టరుగా శ్లోకా అడ్వరై్టజింగ్‌ ఎండీ, సీఈవో కె. శ్రీనివాస్‌ తిరిగి ఎన్నికయ్యారు. డైరెక్టర్ల బోర్డుకు తెలుగు రాష్ట్రాల నుంచి వరుసగా రెండోసారి ఎవరైనా ఎన్నికవడం ఇదే ప్రథమం. అడ్వరై్టజింగ్, మార్కెటింగ్‌లో శ్రీనివాస్‌కు 30 ఏళ్ల పైగా అనుభవం ఉంది. డైరెక్టర్ల బోర్డుకు మరోసారి ఎన్నికవడంపై శ్రీనివాస్‌ హర్షం వ్యక్తం చేశారు. ఉత్తమ వ్యాపార విధానాలు అమలయ్యేలా చూసేందుకు బోర్డు సభ్యులతో కలిసి పని చేస్తానని తెలిపారు. ఏఏఏఐ ప్రెసిడెంట్‌గా గ్రూప్‌ ఎం మీడియా సీఈవో (దక్షిణాసియా) ప్రశాంత్‌ కుమార్‌ మరోసారి ఎన్నికయ్యారు. అలాగే, హవాస్‌ మీడియాకు చెందిన రాణా బారువా ఏకగ్రీవంగా వైస్‌–ప్రెసిడెంట్‌గా ఎన్నికయ్యారు.  


 భీమవరం : భీమవరం యూత్‌ హాస్టల్స్‌ అసోసియేషన్‌ ఆఫ్‌ ఇండియా ఆధ్వర్యంలో డిసెంబర్‌లో లంబసింగి, భద్రాచలం, కొల్లేరు తదితర ప్రాంతాల్లో ట్రెక్కింగ్‌ క్యాంప్‌ నిర్వహించనున్నట్టు యూత్‌ హాస్టల్స్‌ అసోసియేషన్‌ భీమవరం శాఖ అధ్యక్షుడు డాక్టర్‌ మట్లమూడి చెప్పారు. భీమవరంలో శుక్రవారం అసోసియేషన్‌ ఆధ్వర్యంలో ఏర్పాటు చేసిన విలేకరుల సమావేశంలో క్యాంప్‌ వివరాలను వెల్లడించారు. ఇటీవల పట్టణంలో యూత్‌ హాస్టల్స్‌ అసోసియేషన్‌ నాయకులు డాక్టర్‌ వీవీజె సోమరాజు, డాక్టర్‌ సతీష్, డాక్టర్‌ ఉష, డాక్టర్‌ రమేష్, మైథిలీ బృందం కాంచనగంగ, పాండిమ్‌గొలుచా పర్వతాలపై ట్రెక్కింగ్‌ నిర్వహించారన్నారు. డిసెంబర్‌లో నిర్వహించే ట్రెక్కింగ్‌లో పాల్గొనే వారు 94926 89575 ఫోన్‌ నంబర్‌లో సంప్రదించాలని మట్లపూడి కోరారు. సమావేశలో డాక్టర్‌ సోమరాజు, సతీష్‌  పాల్గొన్నారు.