హిందూపురం అర్బన్‌ : హిందూపురం శ్రీకంఠపురంలో అశ్వత్థప్ప(70) వడదెబ్బకు గురై బుధవారం మృతి చెందినట్లు బంధువులు తెలిపారు. మంగళవారం మధ్యాహ్నం ఎండ తీవ్రతకు తీవ్ర అస్వస్థతకు గురైన ఆయన్ను కుటుంబ సభ్యులు పుట్టపర్తి ఆస్పత్రిలో చికిత్స చేయించారు. తరువాత రాత్రి ఇంటికి చేరుకున్న ఆయన  ఉదయాన్నే మృతి చెందాడని వారు విలపించారు.


 హిందూపురం అర్బన్‌ : హిందూపురం సమీపంలోని ఇందిరమ్మ కాలనీలో నివాసముంటున్న అశ్వత్థప్ప(40) గురువారం విద్యుదాఘాతానికి గురై తీవ్రంగా గాయపడ్డాడని పోలీసులు తెలిపారు. మిద్దెపై నుంచి 220 కేవీ విద్యుత్‌ లైన్‌ వెళ్లింది. ఇది గమనించకుండా అశ్వత్థ ఇంటిపై నీళ్లు పోయడానికి వెళ్లడంతో ఒక్కసారిగా విద్యుదాఘాతానికి గురయ్యాడన్నారు. ముఖం, శరీరం తీవ్రంగా కాలిపోయాయి. వెంటనే స్థానికులు స్థానిక ప్రభుత్వాస్పత్రికి తరలించారు. ఈ మేరకు వన్‌టౌన్‌ పోలీసులు కేసు నమోదు చేసుకుని విచారణ చేస్తున్నారు.


 హిందూపురం అర్బన్‌ : పట్టణంలోని సోమందేపల్లి మండలం మండ్లి గ్రామానికి చెందిన అశ్వర్థప్ప(48) శనివారం గుడ్డం సమీపంలో రైలు కిందపడి మతి చెందాడు. రైల్వే ఎస్‌ఐ ప్రభాకర్‌ తెలిపిన మేరకు .. మతుడి భార్య మూడేళ్ల క్రితం చనిపోయింది. ఇతని కుమారులు కూడా బెంగళూరు ఉంటున్నారు. దీంతో ఒంటరిగా ఉండలేక జీవితంపై విరక్తి చెంది రైలు కింద పడి ఆత్మహత్య చేసుకున్నట్లు ఎస్‌ఐ తెలిపారు. కేసు దర్యాప్తు చేస్తున్నట్లు చెప్పారు.