గుంటూరు జిల్లా ఈపూరు మండలం ముప్పాళ్ల గ్రామంలో పంచాయతీ ఉద్యోగిపై గ్రామ టీడీపీ అధ్యక్షుడు దాడికి పాల్పడ్డాడు. బిల్ కలెక్టర్ నర్రా శ్రీనివాసరావు ఆదివారం పంచాయతీ కార్యాలయంలో ఉండగా... టీడీపీ స్థానిక అధ్యక్షుడు పులుకూరి రంగ విచక్షణా రహితంగా కొట్టారు. అడ్డుకోబోయిన మరో వ్యక్తిని కూడా చితక బాదాడు. తమపై రంగ అకారణంగా చేయి చేసుకున్నాడని.. అతడిపై చర్యలు తీసుకోవాలని బాధితులు పోలీసులకు ఫిర్యాదు చేశారు. అయితే దాడికి గల కారణాలు తెలియ రాలేదు.