ఏ హీరో అయినా తన సినిమా రిలీజ్‌ రోజు థియేటర్ల వద్ద భారీ కటౌట్లు ఉండాలని కోరుకుంటాడు. ఎన్ని కటౌట్లుంటే అంత స్టార్‌డమ్‌ ఏర్పరచుకున్నట్టు లెక్క. కానీ తమిళ నటుడు శింబు మాత్రం తన తర్వాతి సినిమా నుంచి కటౌట్లు ఏర్పాటు చేయొద్దని ఫ్యాన్స్‌ని కోరారు. ‘అత్తారింటికి దారేది’ చిత్రం రీమేక్‌ ‘వందా రాజావాదాన్‌ వరువేన్‌’ సినిమాలో నటì ంచారు శింబు. ఈ చిత్రానికి సుందర్‌ సి. దర్శకుడు. మేఘా ఆకాశ్, కేథరీన్‌ థెరీసా కథానాయికలుగా నటించిన ఈ సినిమా ఫిబ్రవరి 1న విడుదల కానుంది. ఈ సందర్భంగా ఫ్యాన్స్‌ను ఉద్దేశిస్తూ ఓ వీడియో పోస్ట్‌ చేశారు శింబు. ‘‘నా సినిమా రిలీజ్‌ అని పెద్ద పెద్ద కటౌట్లు, బ్యానర్లు కట్టి మీరు కష్టపడి సంపాదించిన డబ్బు వృథా చేయకండి. దానికి బదులు మీ ఇంట్లో వాళ్లకు కొత్త దుస్తులు కొనండి, చిన్నపిల్లలకు చాక్లెట్లు కొనండి. అప్పుడు నేనింకా హ్యాపీగా ఫీల్‌ అవుతాను’’ అని శింబు పేర్కొన్నారు. 

గతేడాది సిల్వర్‌ స్క్రీన్‌ మీద ఒక్కసారే కనిపించారు క్యాథరీన్‌. అదీ తమిళ చిత్రం ‘కలకలప్పు 2’లో. 2018లో తనను స్క్రీన్‌ మీద బాగా మిస్‌ అయిన ఫ్యాన్స్‌కు ఈ ఏడాది పాంచ్‌ పటాకా ఇవ్వనున్నారు. ఈ ఏడాది క్యాథరీన్‌కు 5 రిలీజులున్నాయి. ‘అత్తారింటì కి దారేది’ తమిళ రీమేక్‌ ‘వందా రాజావాదాన్‌ వరువేన్‌’లో హీరోయిన్‌గా చేస్తున్నారు. ‘నీయా’ సీక్వెల్‌ ‘నీయా 2’, ‘అరువమ్‌’, ఏడేళ్ల తర్వాత మలయాళంలోకి కమ్‌బ్యాక్‌ ఇస్తూ చేసిన ‘అన్నెకిల్లమ్‌ అల్లెన్‌కిల్లమ్‌’ సినిమాలు రిలీజ్‌కు రెడీ అయ్యాయి. ఇంకా తెలుగులో సంతోష్‌ శివన్, రవితేజ కాంబినేషన్‌లో చేయనున్న సినిమాలో హీరోయిన్‌గా సెలెక్ట్‌ అయ్యారు. ఇవే కాకుండా విజయ్‌ దేవరకొండ సినిమాలోనూ చాన్స్‌ కొట్టేశారని టాక్‌. క్రాంతి మాధవ్‌ దర్శకత్వంలో విజయ్‌ దేవరకొండ హీరోగా ఓ సినిమా ప్రారంభం అయిన సంగతి తెలిసిందే. ఈ సినిమాలో రాశీఖన్నా, తమిళ భామ ఐశ్వర్యా రాజేశ్, బ్రెజిల్‌ మోడల్‌ ఇసబెల్లా హీరోయిన్స్‌గా కనిపించనున్నారు. ఇందులో మరో హీరోయిన్‌గా క్యాథరీన్‌ కూడా ఎంపికైనట్టు సమాచారం. మొత్తానికి గతేడాది వచ్చిన గ్యాప్‌ని ఈ ఏడాది గ్యాప్‌ లేకుండా సినిమాలతో నింపేసినట్టున్నారు క్యాథరీన్‌.

తెలుగులో హిట్టయిన ‘100% లవ్‌’, ‘అర్జున్‌ రెడ్డి’ చిత్రాలు తమిళంలో రీమేక్‌ అవుతున్నాయి. ఇప్పుడీ దారిలో మరో సినిమా చేరింది. ఆ సినిమా ‘అత్తారింటికి దారేది’. త్రివిక్రమ్‌ దర్శకత్వంలో పవన్‌ కల్యాణ్‌ హీరోగా బీవీయస్‌యన్‌ ప్రసాద్‌ నిర్మించిన ఈ చిత్రం ఘనవిజయం సాధించింది. ఈ చిత్రం రీమేక్‌ రైట్స్‌ను ప్రముఖ నిర్మాణ సంస్థ లైకా ప్రొడక్షన్స్‌ దక్కించుకుంది. నవంబర్‌ 29న విడుదల కానున్న రజనీకాంత్‌ ‘2.0’ని నిర్మించింది లైకానే. ఇంకా పలు భారీ చిత్రాలను నిర్మించడంతో పాటు విడుదల కూడా చేస్తుంటుంది. ‘అత్తారింటికి దారేది’ తమిళ రీమేక్‌లో హీరోగా ఎవరు నటిస్తారు? అనేది ఇంకా ఫైనలైజ్‌ చేయలేదని సంస్థ ప్రతినిధులు పేర్కొన్నారు. అత్త పాత్రకు మాత్రం నదియానే తీసుకుంటారని ఊహించవచ్చు. ఎందుకంటే తెలుగు వెర్షన్‌లో అత్త పాత్రను ఆమె బ్రహ్మాండంగా చేసిన విషయం సినిమా చూసినవారికి గుర్తుండే ఉంటుంది.


 18వ అంతర్జాతీయ బాలల చలన చిత్ర ముగింపు కార్యక్రమం సందర్భంగా 'ఆరడుగుల బుల్లెట్' అంటూ పవన్ కళ్యాణ్ గురించి గవర్నర్ నరసింహన్ అనడం వేదికపైనే కాక పెద్దల నుంచే కాకుండా, పిల్లల నుంచి అనూహ్య స్పందన వచ్చింది. తనకు వచ్చిరాని తెలుగులో అత్తారింటికి దారేది చిత్రంలోని పాటలోని కొన్ని లైన్లను చదువుతూ గవర్నర్ అందర్ని ఆకట్టుకున్నారు. ఆరడుగుల బుల్లెట్.. ధైర్యం విసిరిన రాకెట్.. గవర్నర్ అంటున్నపుడు పవన్ కళ్యాణ్ సిగ్గు పడుతూ, ముసి ముసి నవ్వులు నవ్వారు. 
  
 అత్తారింటికి దారేది ద్వారా పవన్ కళ్యాణ్ పవర్ చూపించారు.. అయితే ఇంట్లో పవన్ కళ్యాణ్ లా మాత్రమే ఉండాలని గవర్నర్ సూచించారు. అంతర్జాతీయ బాలల చలన చిత్రోత్సవం ముగింపు కార్యక్రమానికి పవన్ కళ్యాణ్ ముఖ్య అతిధిగా హాజరయ్యారు. 
  
 18వ అంతర్జాతీయ బాలల చలనచిత్రోత్సవాలకు హైదరాబాద్ శాశ్వత వేదికగా మారడం ఆనందంగా ఉంది. హైదరాబాద్ లోని పబ్లిక్ గార్డెన్ లోని లలిత కళాతోరణం లో జరిగిన ముగింపు కార్యక్రమానికి పవన్ కళ్యాణ్ హాజరై ప్రధాన ఆకర్షణగా నిలిచారు.