గాయం కారణంగా ఆస్ట్రేలియా వైస్ కెప్టెన్ డేవిడ్ వార్నర్ ఇంగ్లండ్ పర్యటన నుంచి వైదొలిగాడు. రెండో వన్డేలో ఇంగ్లండ్ పేసర్ స్టీవెన్ ఫిన్ వేసిన బంతి తగిలి వార్నర్ ఎడమ చేతి బొటన వేలి ఎముకలో చీలిక వచ్చినట్లు ఎక్స్‌రేలో తేలింది. దీంతో అతను ఆరు వారాల పాటు ఆటకు దూరంకానున్నాడు. ఫలితంగా బంగ్లాదేశ్‌తో జరగనున్న తొలి టెస్టుకు కూడా అందుబాటులో ఉండటంపై సందిగ్ధత నెలకొంది.