తిరుపతి : యువ హీరో నానీ ఛాన్సు సుమ కొట్టేసింది. ఇది ఎలాగబ్బా అనుకుంటున్నారా?  అదేనండి ప్రముఖ దర్శకుడు రాజమౌళి ప్రతిష్టాత్మకంగా రూపొందించిన 'బాహుబలి' ఆడియో విడుదల కార్యక్రమానికి యాంకరింగ్ చేసే అవకాశం సుమకు దక్కింది.  హీరో నానీ ఈ కార్యక్రమానికి యాంకర్గా వ్యవహరించాల్సి ఉండగా, ప్రమాదవశాత్తు షూటింగ్లో అతడు గాయపడినట్లు సమాచారం. దాంతో నానీ యాంకరింగ్ చేసేందుకు వీలులేకపోవటంతో అతని స్థానంలో సుమ వచ్చినట్లు తెలుస్తోంది. ఈ విషయాన్ని దర్శకుడు రాజమౌళి ట్విట్ చేశాడు. కాగా ఈ ఆడియో కార్యక్రమానికి వచ్చే అభిమానులు కుటుంబ సభ్యుల అంగీకారంతోనే రావాలని ఆయన కోరారు.
 
 ఇక పవిత్ర పుణ్యక్షేత్రం తిరుపతిలో  బాహుబలి ఆడియో విడుదల వేడుకలకు ఎస్వీయూ స్టేడియం సిద్ధమైంది. శనివారం సాయంత్రం 6 గంటలకు ఈ కార్యక్రమం జరగనున్నది. ఈ  కార్యక్రమానికి సుమారు వెయ్యి మంది సినిమా పరిశ్రమకు చెందిన ప్రముఖులు, టెక్నీషియన్స్, సిబ్బంది హాజరుకానున్నారు. వీరంతా శనివారం ఉదయమే తిరుపతికి చేరుకున్నారు.
 
 Unfortunately Nani got hurt in his Shoot and is unable to make it to the event… It will be Suma garu all the way, tomorrow..
 — rajamouli ss (@ssrajamouli) June 12, 2015