నెల్లూరు: టీడీపీ అధ్యక్షుడు నారాచంద్రబాబు నాయుడు ఇచ్చిన హామీలు నమ్మి బీసీలంతా ఓట్లేశారని ఏపీ బీసీ సంక్షేమ సంఘం రాష్ట్ర అధ్యక్షుడు కే. శంకరావు అన్నారు. నెల్లూరులోని ఓ కల్యాణమండపంలో ఆదివారం ఏర్పాటు చేసిన విలేకరుల సమావేశంలో మాట్లాడుతూ..టీడీపీ ప్రభుత్వం బీసీలపై చిన్న చూపు చూస్తోందని విమర్శించారు.
 గత ఎన్నికల సమయంలో టీడీపీ మేనిఫెస్టోలో బీసీలకు సంబంధించి పొందుపరిచిన హామీలు నెరవేర్చటంలేదని మండిపడ్డారు. బీసీలంతా కలిసి టీడీపీకి ఓట్లేసినా ఇంత అన్యాయం చేశారని మండిపడ్డారు. బీసీలు కలిసికట్టుగా ఉండి సమస్యలు పరిష్కరించుకుందామని అన్నారు. త్వరలో విజయవాడలో బహిరంగ సభ ఏర్పాటు చేయనున్నట్లు శంక ర్‌రావు తెలిపారు.


  సాక్షి, హైదరాబాద్: ఆచరణ సాధ్యం కాని హామీలిస్తున్నారనే విషయాన్ని ముఖ్యమంత్రి చంద్రబాబుకు నిక్కచ్చిగా చెప్పినట్టు అనంతపురం ఎంపీ జేసీ దివాకర్‌రెడ్డి తెలిపారు. తెలంగాణ సీఎల్పీ నేత జానారెడ్డిని కలవడానికి మంగళవారం ఆయన తెలంగాణ అసెంబ్లీ లాబీల్లోకి వచ్చిన  సందర్భంగా మీడియాతో మాట్లాడారు. ‘ఆంధ్రప్రదేశ్ ప్రభుత్వం వద్ద డబ్బే లేదు. రైతుల రుణాలు మాఫీ ఎలా చేస్తారు? ’ అని జేసీ వ్యాఖ్యానించారు.  ఏపీ శాసనసభలో ప్రతిపక్ష నేత జగన్ పనితీరు బాగుందన్నారు.