లాస్ ఏంజిలెస్: అమెరికాలోని లాస్ ఏంజిలెస్లో ఓ వ్యక్తి తన తొమ్మిది నెలల కూతురును పార్కింగ్ వద్ద కారులో ఒంటరిగా వదిలి, స్ట్రిప్ క్లబ్కు వెళ్లినందుకు ఆరేళ్ల జైలుశిక్ష పడే ప్రమాదాన్ని ఎదుర్కొంటున్నాడు. నిందితుడు ఆవిన్ డార్గిన్ (24)పై పిల్లలను  హింసించారనే సెక్షన్ కింద కేసు నమోదు చేసినట్టు లాస్ ఏంజిలెస్ జిల్లా అటార్నీ జాకీ లేసీ చెప్పారు. గత మార్చి 9న ఈ సంఘటన జరిగింది. వివరాలిలా ఉన్నాయి.
 
 డార్గిన్ బాధ్యత మరిచి కారులో పాపను ఒంటరిగా వదిలి స్ట్రిప్ క్లబ్లో ఎంజాయ్ చేసేందుకు వెళ్లాడు. పాప ఏడుపు విని సమీపంలో ఉన్నవారు, స్ట్రిప్ క్లబ్ సిబ్బంది వెళ్లి కారులోంచి ఆ పాపను రక్షించి పోలీసులకు సమాచారం అందించారు. క్లబ్లో డాన్స్ చేస్తూ ఆనందంలో మునిగిపోయిన డార్గిన్కు క్లబ్ మేనేజర్ ఈ విషయం చెప్పాడు. పాపకు సరిగా ఊపరి ఆడక అస్వస్థతకు గురవడంతో చికిత్స కోసం సమీపంలోని ఆస్పత్రికి తరలించారు. కాగా తాను తప్పు చేయలేదని డార్గిన్ చెబుతున్నా.. నేరం రుజువైతే ఆరేళ్ల వరకు జైలుశిక్ష పడే అవకాశముంది.
  


 తల్లిదండ్రుల నిర్లక్ష్యం ఓ పసిపాప ప్రాణాలు పోవడానికి కారణమైంది. అమ్మానాన్నల నిర్లక్ష్యం ఆ చిన్నారి పాలిట మృత్యుపాశంగా మారింది. తమ కలల పంటను కన్నవారే చేతులారా చిదిమేసుకున్న హృదయ విదారక ఘటన స్విట్జర్లాండ్ తో జరిగింది. 16 నెలల చిన్నారిని కారులోనే వదిలేయడంతో ఊపిరి ఆడక ఆ పసిగుడ్డు ప్రాణాలు వదిలింది. పశ్చిమ స్విట్జర్లాండ్ లోని లా చాక్స్-డీ-ఫాండ్స్ పట్టణంలో చోటు ఈ ఘటన స్థానికంగా కలకలం రేపింది.
 
 తల్లి దండ్రులిద్దరూ చిన్నారిని కారులో వదిలేసి కార్యాలయానికి వెళ్లిపోయారు. విధులు ముగించుకుని వచ్చిన తర్వాత మళ్లీ కారు బయటకు తీయడంతో వారికి విషయం అర్థమైంది. కానీ అప్పటికే చిన్నారి ప్రాణాలు కోల్పోయింది. నిర్లక్ష్యంగా వ్యవహరించి సొంతబిడ్డ మరణానికి కారుకులైన తల్లిదండ్రులపై క్రిమినల్ కేసు నమోదు చేశారని స్థానిక మీడియా తెలిపింది. కోర్టు ఏం తీర్పు చెబుతుందో చూడాలి.