ఇండోర్: తాజా బ్లాక్ బస్టర్ చిత్రం బజరంగీ భాయ్‌జాన్‌ను మూకీ చిత్రంగా డబ్బింగ్ చేసేందుకు ఏర్పాట్లు జరుగుతున్నాయి. పాకిస్తాన్‌లో తప్పిపోయిన భారత్‌కు చెందిన మూగ-చెవిటి యువతి గీత కోరిక మేరకు సల్మాన్ ఖాన్ నటించిన ఈ చిత్రాన్ని సైగలతో రూపొందిచనున్నారు. భారత్‌లో తప్పిపోయిన ఓ పాకిస్తానీ చిన్నారిని ఆమె తల్లి దగ్గరకు చేర్చే వృత్తాంతంతో బజరంగీ భాయ్‌జాన్ సినిమా నిర్మించిన సంగతి తెలిసిందే. ఈ చిత్రం తన జీవితానికి దగ్గరగా ఉందని.. ఈ చిత్రాన్ని మూగ భాషలో డబ్బింగ్ చేస్తే.. తనలాంటి చాలా మంది చూసి ఆనందిస్తాని గీత కోరినట్లు ఇండోర్‌లోని మూగ పిల్లల సహాయ కేంద్రం సంరక్షకుడు జ్ఞానేంద్ర పురోహిత్ తెలిపారు. ఆమె కోరిక మేరకు తమ సంస్థే డబ్బింగ్ పనులు చూస్తుందన్నారు.


 ఇటీవల విడుదలైన బజరంగీ భాయ్‌జాన్ ఘన విజయం సాధించాలన్న ఆకాంక్షను ‘ఎస్‌బీఎస్ బయోటెక్’ వ్యక్తంచేసింది. ఈ సంస్థ కీళ్ల నొప్పులకు మందుగా ‘డాక్టర్ ఆర్థో’ను ఉత్పత్తి చేస్తున్న సంగతి తెలిసిందే. కష్టాల్లో ఉన్న వారిని ఆ బాధ నుంచి విముక్తి కల్పించాలన్న కథాగమనం.. ఎస్‌బీఎస్ బయోటెక్‌ను ఆకర్షించినట్లు కంపెనీ ప్రతినిధి శర్మ పేర్కొన్నారు. డాక్టర్ ఆర్థో ఉత్పత్తి వెనుక కూడా ఇదే లక్ష్యం ఉందన్నారు. వ్యాధి గ్రస్తులను వారి బాధల నుంచి విముక్తి చేయడమే తమ సంస్థ ఉత్పత్తి ఉద్దేశమన్నారు.