ఫ్రెండ్‌ అనే పదంలోనే.. ఏదైన సమస్య వస్తే మనల్ని బయటపడేలా అండగా నిలబడే వాడని అర్థం. సాయం చేయలేకపోయినా.. కనీసం మనకు పరిష్కరమైనా చెప్పి సమస్య నుంచి బయటపడే యత్నం చేస్తాడు. మంచి స్నేహితులను పొందడం అనేది ఓ గొప్ప వరం. ఇంతకీ ఇదంతా ఎందుకు చెబుతున్నానంటే..ఇక్కడొక స్నేహితుడు వాకింగ్‌ చేయడానికి రావడం లేదని అతడి దోస్తులంతా చేసిన పని నిజంగా నవ్వు తెప్పిస్తుంది. ఏం చేశారంటే.. పాపం అతడు కూడా తమతో వాకింగ్‌కి వచ్చి సరదాగా గడపడమే కాకుండా ఆరోగ్యంగా కూడా ఉండాలని కోరుకున్నారు. ఎంతలా చెప్పి చూశారో ఏమో మనోడు అస్సలు వాకింగ్‌ వెళ్లకుండా తప్పించుకు తిరుగుతున్నాడు కాబోలు. దీంతో విసిగిపోయిన అతడి స్నేహితులు లాభం లేదనుకుని ఏకంగా బ్యాండ్‌ బాజాలతో అతని ఇంటికి వెళ్లి మరీ స్వాగతం పలికారు. దీంతో ఆ స్నేహితుడు ఒక్కసారిగా ఆశ్చర్యపోయి.. వస్తాన్రా బాబు అని దండం పెట్టి మరీ వేడుకుంటున్నాడు. ఆపండ్రా ఆ బ్యాండ్‌ బాజాలు వాయించడం ఓ రెండు నిమిషాలు టైం ఇవ్వండి అని అడుగుతున్నా..ఆపద్దు వాయించండి వచ్చేంత వరకు అంటున్నారు అతడి దోస్తులు. స్నేహం అంటే ఇది కదా! స్నేహితుడి బద్ధకం వదిలించి మరీ వాకింగ్‌ తీసుకువెళ్లాలనుకుంటున్నా అతడి దోస్తులు నిజంగా గ్రేట్‌!. మేలు కోరే స్నేహితులు దొరకడం కూడా ఓ అదృష్టం కదూ!. Friend not coming for morning walk.. morning walk friends decided to go home with band baza... pic.twitter.com/yGimAsuS2z — Rakesh Reddy (@rakeshreddylive) October 31, 2023 (చదవండి: అద్భుతమైన డెవిల్స్‌ బ్రిడ్జ్‌! ఆ నిర్మాణం ఓ అంతుచిక్కని మిస్టరీ!)

సాక్షి, హైదరాబాద్‌: భాగ్యనగరం భిన్న సంస్కృతులు, సంప్రదాయాలకు నెలవు. ప్రపంచంలోని ఏ జీవన విధానానికి చెందిన వారైనా ఇక్కడ ఇమిడిపోయే వాతావరణం సిటీ సొంతం. విభిన్న భాషల మేలు కలబోతతో విలసిల్లుతున్న హైదరాబాద్‌.. భాషలో, యాసలో ఆంగ్ల అనుకరణం కారణంగా కొన్నాళ్లుగా తెలుగుపై కాస్త మక్కువ తగ్గింది. ప్రస్తుతం నగర వేదికగా సంగీత వేదికలపై తెలుగు కొత్త పుంతలు తొక్కుతోంది. ఒకప్పుడు ఇంగ్లిష్‌ రాక్‌ మ్యూజిక్‌తో ఉర్రూతలూగించిన వేదికలపైనే ఇప్పుడు తెలుగు పాటలు, జానపద సాహిత్యం కొత్త ట్రెండ్‌గా మారింది. ప్రపంచవ్యాప్తంగా పేరొందిన మ్యూజిక్‌ బ్యాండ్స్‌ నగరంలో సందడి చేసేవి. కానీ ఇప్పుడు దాదాపు పాతిక తెలుగు బ్యాండ్స్‌ ప్రాంతీయ భాషలో అలరిస్తున్నాయి. నగరంలోని బార్లు, పబ్‌లలో జస్టిన్‌ బీబర్‌ సాంగ్స్‌కు బదులు బుల్లెట్టు బండి పాటలు మార్మోగుతున్నాయి. క్రికెట్‌ మ్యాచ్‌లో సిక్స్‌ కొడితే ఎలక్ట్రిక్‌ మ్యూజిక్‌కు బదులు టాలీవుడ్‌ మాస్‌ పాటలు వినిపిస్తున్నాయి.     నగర జీవన విధానంలో పాశ్చాత్య సంగీతానికి ప్రత్యేక స్థానముంది. బంజారాహిల్స్, హైటెక్‌ సిటీ, మాదాపూర్, గచ్చిబౌలి తదితర ప్రాంతాల్లోని రెస్టారెంట్లు, బార్, క్లబ్‌లలో ఇంగ్లిష్‌, హిందీ సంగీతం వినిపించేది. కొన్నేళ్లుగా ఈ స్పాట్‌లలో తెలుగు పాటలు ప్రారంభమయ్యాయి. కొన్ని బార్‌ అండ్‌ రెస్టారెంట్లు మాత్రం కేవలం తెలుగు సాహిత్యమే ప్రధానాంశంగా ప్రారంభించాయి. అయిదేళ్ల క్రితం ఇలాంటివి రెండు, మూడు ఉంటే ఇప్పుడు 40 వరకు పెరిగాయి.     ఈ మధ్య కాలంలో అనూహ్యంగా తెలుగు బ్యాండ్స్‌ కూడా ప్రేక్షకులను విపరీతంగా ఆకట్టుకుంటున్నాయి. స్టేజ్‌పైన లైవ్‌ మ్యూజిక్‌ బ్యాండ్‌తో మెలోడీ, మాస్, క్లాస్, జానపద పాటలు అలరిస్తుంటే ఫుడ్, సిప్‌ను ఆస్వాదిస్తున్నారు నగరవాసులు. ఈ పరిణామంతో తెలుగు బ్యాండ్స్‌కు ఉపాధి పెరిగింది. తెలుగు మ్యూజిక్‌ కన్సర్ట్స్‌ కూడా బాగానే ప్రాచుర్యంలోకి వచ్చినప్పటికీ కోవిడ్‌ కారణంగా కాస్త నెమ్మదించాయి. నైట్‌ కల్చర్‌ బాగా అభివృద్ధి చెందిన ప్రదేశాల్లో మాత్రం తెలుగు పాటలే కొత్త ట్రెండ్‌. నగరం నలుమూలల్లోని ఏ బార్, రెస్టారెంటైనా తెలుగు పాటే క్రేజీనెస్‌. తెలుగు సాహిత్యం ఉన్న రిసార్ట్స్, బార్‌లకు కస్టమర్లు కుటుంబ సమేతంగా వస్తుండటం విశేషం.    తెలుగు సాహిత్యమే ప్రస్తుత నేపథ్యం..   నగరవాసులు ఇప్పుడు తెలుగు పాటల ట్రెండ్‌నే అమితంగా ఇష్టపడుతున్నారు. కేవలం తెలుగు సాహిత్యాన్ని మాత్రమే ప్రదర్శించాలనే నేపథ్యంతోనే తబులా రాసా బార్‌ అండ్‌ రెస్టారెంట్‌ను ప్రారంభించాం. ప్రస్తుతం ఎక్కడ చూసినా తెలుగు పాటలే వినిపిస్తున్నాయి. తెలుగు లైవ్‌ మ్యూజిక్‌ బ్యాండ్‌లకు మంచి వేదికను ఏర్పాటు చేశాం. ఈ మధ్యకాలంలో తెలుగు పాటలను వింటూ కుటుంబంతో సరదాగా గడపాలనే వారి సంఖ్య పెరిగింది. నైట్‌ కల్చర్‌కు పేరొందిన ప్రదేశాల్లో తెలుగు పాటలున్నవాటినే ముందు రిజర్వ్‌ చేసుకుంటున్నారు.    – జువ్వాడి శ్రవణ్, తబులా రాసా వ్యవస్థాపకుడు, జూబ్లీహిల్స్‌


 
 
 న్యూఢిల్లీ: బ్యాండ్‌ బాజా భారాత్‌.. అని పేరు వినగానే పెళ్లిళ్లకు బ్యాండ్‌ మేళం వాయించే బృందమని స్ఫురిస్తుంది. కానీ ఈ పేరుగల బృందం వాయింపునకు పెళ్లి కొడుకు, పెళ్లి కూతురు కుటుంబ సభ్యులేకాదు, పెళ్లికి హాజరయ్యే అతిథులంతా అయ్యో, వామ్మో! అంటూ అరవాల్సిందే. ఈ బృందంలోని సభ్యులు పెళ్లి మంటపాలను, పెళ్లి వారి ఇళ్లను లక్ష్యంగా చేసుకొని ఎవరిని వదలిపెట్టకుండా ఖరీదైన నగలు, నట్ర, నగదు, గిఫ్టులను దోచుకుంటారు.
 
 పర్సులను బయటకు తీసి వాటిని జేబుల్లో పెట్టేసుకొనేలోగానే వాటిలోని డబ్బును కొట్టేస్తారు. పెళ్లి కూతురు అలంకరించుకునే ఖరీదైన నెక్లెస్‌లను కూడా క్షణాల్లో మటుమాయం చేస్తారు. ఈ బ్యాండ్‌ బాజా బృందం నాయకుడు రాకా (32)ను ఆదివారం నాడు ఢిల్లీ పోలీసులు అరెస్ట్‌ చేయడంతో బండారం బయట పడింది. రాకా నుంచి బంగారు, వెండి నగలతోపాటు నాలుగు లక్షల రూపాయల నగదు, ఎనిమిది లక్షల రూపాయల పెళ్లి గిఫ్టులను పోలీసులు స్వాధీనం చేసుకున్నారు. 
  
 ఈ బ్యాండ్‌ గురించి రాకా వెల్లడించిన విషయాలు దిమ్మ తిరిగిపోయేలా ఉన్నాయి. రాకాతోపాటు మరో మహిళ నాయకత్వం వహిస్తున్న ఈ బృందంలో అంతా 9 నుంచి 15 ఏళ్ల మధ్య వయస్సు పిల్లలే ఉన్నారు. వారంతా మధ్యప్రదేశ్‌లోని రాజ్‌గఢ్‌ జిల్లాలోని గుల్ఖేరి, సుల్ఖేరి, కడియా గ్రామాలకు చెందిన వారే. 12 నుంచి 15 మంది వరకు బాలబాలికలు ఈ బృందంలో ఉండవచ్చని అనుమానిస్తున్న పోలీసులు సీసీటీవీ కెమేరాల ద్వారా వారిలో అరేడుగురిని గుర్తించారు. వారిని విచారించేందుకు సోమవారం ఆ గ్రామాలను సందర్శించిన డిల్లీ పోలీసు బృందానికి చుక్కలు కనిపించాయి. ఏం చేయాలో తోచక వారు చివరకు రాయ్‌గఢ్‌ జిల్లా పోలీసులను ఆశ్రయించారు. ఈ రోజు వారు అక్కడే ఉన్నారు. దొంగతనాలతో సంబంధం ఉన్న పిల్లలకు, వారి తల్లిదండ్రులకు మానవ హక్కులు, బాలల హక్కుల గురించి క్షుణ్నంగా తెలుసు.
 
 
 
 వారిని రక్షించేందుకు తల్లిదండ్రులు, ఊరు పెద్దలు ఏకమవడమే కాదు, న్యాయవాదులతో మంచి రక్షణ వలయం కూడా ఉంది. 
 పోలీసులు పట్టుకునేందుకు వస్తే పిల్లలు తమ చేతులకు, కాళ్లకు తమంతట తామే గాయాలు చేసుకుంటారు. పోలీసులు గాయపర్చారంటూ గోల చేస్తారు. వారికి న్యాయవాదులు వత్తాసు పలుకుతారు. కొన్ని సందర్భాల్లో ఇంటి మొదటి అంతస్తు నుంచి తల్లిదండ్రులే తమ పిల్లలను కింద పడేసి పోలీసులు చంపేస్తున్నారంటూ అల్లరి చేస్తారని, వారికి ఊరి పెద్దలు వత్తాసు పలుకుతారని రాజ్‌గఢ్‌ పోలీసులు తెలిపారు. ఈ మూడు గ్రామాల ప్రజలను దోపిడీలు, దొంగతనాల మీదనే బతుకుతున్నందున దొంగతనాల కోసం తమ పిల్లలను లీజుకు ఇస్తున్నారు. దగ్గరదగ్గరుండే ఈ గ్రామాల్లో 600 ఇళ్లు, దాదాపు ఐదు వేల జనాభా ఉంది. 
  
 పిల్లల అందచందాలు, చలాకీతనం ఆధారంగా లీజు రేట్లు ఉంటాయట. ఏడాదికి రెండు లక్షల నుంచి తొమ్మిది లక్షల రూపాయల వరకు చెల్లించి నేరస్థులు వీరిని లీజుకు తీసుకుంటున్నారు. ఏడాదిలో రెండు, మూడు వాయిదాల్లో ఆ లీజు మొత్తాన్ని పిల్లల తల్లిదండ్రులకు చెల్లిస్తారు. లీజులో కొంత వాటా గ్రామ పెద్దలకు వెళుతుంది. న్యాయవాదులకు మాత్రం కేసును బట్టి చెల్లింపులు ఉంటాయట. 
  
 ఢిల్లీ పోలీసుల కథనం ప్రకారం ఈ పిల్లలను లీజుకు తీసుకొచ్చిన బ్యాండ్‌ బాజా భారత్‌ వారికి నెల రోజులపాటు చోర విద్యలో శిక్షణ ఇచ్చింది. దొంగతనాలకు వెళ్లేది పెద్దింటి పెళ్లిళ్లకు కనుక ఖరీదైన దుస్తులు వేసుకోవడం, స్టైల్‌గా ఉండడం కూడా నేర్పింది. ఖరీదైన చాక్లెట్లు, స్టాటర్లు తింటూ పెళ్లి వారితో ఎలా కలపుగోలుగా తిరిగాలో కూడా చెప్పింది. అద్దె ఇళ్లలో ఉంచి మంచి ఆహారంతో వీరిని పోషిస్తున్న ముఠా సభ్యులు ఖరీదైన పెళ్ళిళ్ల మంటపాల వద్ద స్వయంగా వదిలేసి వెళతారు. కొన్ని సందర్భాల్లో ఎప్పటికప్పుడు చోరీ చేసిన వస్తువులను తరలించేందుకు పెళ్లి మంటపాలకు సమీపంలోనే వ్యాన్లలో నిరీక్షిస్తారు. మంచి ఆహారంతోపాటు, మంచి వసతి కల్పించడం, తరచుగో తమ తల్లిదండ్రులతో మొబైల్‌ ఫోన్లలో మాట్లాడించడం వల్ల పిల్లలు నిక్షేపంగా ముఠాతోనే ఉంటున్నారు.