మీరు చదివింది కరెక్టే. ఇప్పుడు ప్రియాంకా చోప్రా, నిక్‌ జోనస్‌ కొనబోతున్న ఇంటి ఖరీదు దాదాపు 140 కోట్లు అని సమాచారం. గత ఏడాది ఈ ఇద్దరూ పెళ్లి చేసుకున్న విషయం తెలిసిందే. పెళ్లయ్యాక లాస్‌ ఏంజిల్స్‌లోని బెవెర్లీ హిల్స్‌లో ఉన్న నిక్‌ ఇంట్లో ఈ దంపతులు ఉంటూ వచ్చారు. ఆ ఇంటి ఖరీదు దాదాపు 50 కోట్లు అట. 5 పడక గదులు, 5 బాత్రూమ్‌లు, ఈత కొలను.. ఇలా హంగామా ఉన్న ఆ ఇంటిని ఇటీవల అమ్మేశారట నిక్‌. ఇదే పెద్ద ఇల్లు అంటే ఇంతకన్నా పెద్ద ఇంటికి మారాలని ఈ క్రేజీ కపుల్‌ అనుకున్నారని హాలీవుడ్‌ కథనం. బెవెర్లీ హిల్స్‌లోనే సుమారు 140 కోట్లు విలువ చేసే ఇంటిని కొనుగోలు చేయబోతున్నారట. అయితే తన సోదరులతో కలిసి నిక్‌ జోనస్‌ ‘హ్యాపీనెస్‌ బిగిన్స్‌ టూర్‌’ ప్లాన్‌ చేశారు. ఈ మ్యూజికల్‌ టూర్‌ కోసం నిక్‌ పలు ప్రదేశాలను సందర్శిస్తారు. అందుకని కొత్త ఇల్లు కొనుక్కుని, తమ అభిరుచికి తగ్గట్టు అన్ని ఏర్పాట్లు చేసుకోవడానికి టైమ్‌ పడుతుంది కాబట్టి వచ్చే ఏడు నిక్, ప్రియాంక గృహప్రవేశం అవుతారని సమాచారం. ఇక సినిమాల విషయానికి వస్తే.. ప్రియాంకా చోప్రా నటించిన ‘ది స్కై ఈజ్‌ పింక్‌’ రిలీజ్‌కి రెడీ అవుతోంది. ఇంకొన్ని చిత్రాలకు సైన్‌ చేశారామె.

లాస్‌ఏంజెల్స్‌ : అమెరికాలోని  బెవెర్లీ హిల్స్‌లో గ్లోబల్‌ స్టార్‌ ప్రియాంక చోప్రా, అమెరికన్‌ సింగర్‌ నిక్‌ జొనాస్‌ల నివాసం హాట్‌ టాపిక్‌లా మారింది. ప్రియాంకకు ప్రపోజ్‌ చేసేందుకు మూడు నెలల ముందు నిక్‌ జొనాస్‌ 65 మిలియన్‌ డాలర్లు వెచ్చించి ఈ ఇంటిని కొనుగోలు చేశాడు. ఐదు పడకగదులు, నాలుగు స్నానపు గదులతో 4129 చదరపు అడుగుల విస్తీర్ణంలో అత్యాధునిక సౌకర్యాలతో ఈ లగ్జరీ మాన్షన్‌ను ఇటీవల కొత్త జంటకు అనుగుణంగా తీర్చిదిద్దారు. ఇండోర్‌, అవుట్‌డోర్‌ లైఫ్‌స్టైల్‌తో నివసించేలా ఇంటిని డిజైన్‌ చేయడం ఆకట్టుకుంటోంది. లివింగ్‌ ఏరియా, మాస్టర్‌ బెడ్‌రూమ్‌, కోర్ట్‌యాడ్‌ల మధ్య ఖరీదైన స్లైడింగ్‌ గ్లాస్‌ వాల్స్‌తో పార్టీలకు సరైన ప్లేస్‌గా మలిచారు. ప్రధాన ప్రాపర్టీ పక్కనే సకల సౌకర్యాలతో గెస్ట్‌ హౌస్‌ను నిర్మించారు. డెవలప్‌మెంట్‌ కంపెనీ గ్రౌండప్‌ లాస్‌ ఏంజెల్స్‌, ప్రముఖ ఆర్కిటెక్చర్‌ కంపెనీ స్పేస్‌ ఇంటర్నేషనల్‌, ల్యాండ్‌స్కేప్‌ డిజైనర్‌ కాత్లీన్‌ ఫెర్గూసన్‌లు ఈ ప్రాజెక్టును నిక్‌, ప్రియాంకల అభిరుచికి అనుగుణంగా రూపొందించారు.వచ్చే ఏడాదే నిక్‌, ప్రియాంకలు వివాహ బంధంతో ఒక్కటై ఈ విలాసవంతమైన భవనంలో విడిది చేస్తారని భావిస్తున్నారు. డైలీమెయిల్‌ పోర్టల్‌ నిక్‌ నివాసానికి సంబంధించిన వివరాలను వెల్లడిస్తూ ఫోటోలను బహిర్గతం చేసింది.


 లాస్ ఏంజెలెస్: హాలీవుడ్ లో ఇళ్ల అమ్మకాలు, కొనుగోళ్లు జోరుగా సాగుతున్నాయి. నిన్నకాక మొన్న పాప్ స్టార్ జెన్నిఫర్ లోపెజ్ దాదాపు 1800 కోట్ల రూపాయలు పెట్టి విలాసవంతమైన భవనాన్ని కొనుగోలు చేసింది. తాజాగా పాప్ సింగర్ అడిలె కూడా లగ్జరీ సౌధాన్ని సొంతం చేసుకుంది. లాస్ ఏంజెలెస్ లోని బెవెర్లీ హిల్స్ గేగెట్ కమ్యూనిటీలో ఉన్న భవంతిని సుమారు రూ.63 కోట్లు (9.5 మిలియన్ డాలర్లు) పెట్టి కొనుక్కుంది.
 
 6,600 చదరపు విస్తీర్ణంలో నిర్మించిన ఈ ఇంటిలో నాలుగు బెడ్రూములు, ఆరు బాత్రూములు, స్విమ్మింగ్ పూల్ ఉంది. త్వరలోనే కొత్త ఇంట్లోకి మారాలని అడిలె భావిస్తోంది. ఆమెకు జెన్నిఫర్ లారెన్స్, అస్టన్ కుచర్, మిలా కునిస్, కెమెరాన్ డియాజ్ వంటి సెలబ్రిటీలో ఇరుగుపొరుగుగా ఉన్నారు. మరోవైపు సింగర్ పింక్, కేరె హర్ట్ దంపతులు కాలిఫోర్నియాలోని తమ విలాసవంతమైన భవనాన్ని సుమారు రూ. 86 కోట్లకు అమ్మకానికి పెట్టారు.


 ఫోటో జర్నలిస్టులను తప్పించుకోవాలనే ప్రయత్నంలో సంచలన పాప్ స్టార్ జస్టిన్ బీబర్ స్వల్ప కారు ప్రమాదానికి కారణమయ్యాడు. ఈ ఘటన బేవెర్లీ హిల్స్ లో చోటు చేసుకుంది. 
  
 ఫోటో జర్నలిస్టులను తప్పించుకోవాలనే తొందరలో డ్రైవర్ కారును వెనక్కి తీయగా మరో బీఎండబ్ల్యూ కారును ఢీ కోట్టినట్టు తెలుస్తోంది. ప్రమాదం జరిగినపుడు బీబర్ కారు వెనుక సీటులో ఉన్నట్టు సమాచారం. 
  
 బెవెర్లీ హిల్స్ లో లోని బౌచోన్ రెస్టారెంట్ వద్ద జరిగినట్టు మీడియాలో కథనం వెల్లడైంది. ఈ ఘటనలో ఎవరూ గాయపడలేదని.. కేసు కూడా నమోద చేయలేదని బెవెర్లీ హిల్స్ పోలీస్ డిపార్ట్ మెంట్ వెల్లడించింది. గతంలో వెంటాడుతున్న ఫోటో జర్నలిస్టులను తప్పించుకునే క్రమంలోనే ప్రిన్సెస్ డయానా కారు ప్రమాదంలో మరణించిన సంగతి తెలిసిందే. 
 Follow @sakshinews