కురుపాం ఎమ్మెల్యే  పాముల పుష్పశ్రీవాణి
  జియ్యమ్మవలస: వైఎస్సార్ సీపీ సీనియర్ నేత, ఎమ్మెల్యే భూమా నాగిరెడ్డి అరెస్ట్ అన్యాయమని కురుపాం ఎమ్మెల్యే పాముల పుష్పశ్రీవాణి అన్నారు. ఆమె ఆదివారం చినమేరంగిలో విలేకరులతో మాట్లాడుతూ ఎమ్మెల్సీ ఎన్నికల సందర్భంగా భూమాను అరెస్టు చేయడం దారుణమన్నారు. అనారోగ్యంతో బాధపడుతున్న నాగిరెడ్డిని కనీసం వైద్యం కోసం హైదరాబాద్ పంపమని అభ్యర్థించినా ప్రభుత్వం స్పందించకపోవడం శోచనీయమన్నారు. రాష్ట్రంలో అక్రమాలు చేసి సంపాదించిన డబ్బు తో తెలంగాణా రాష్ట్రంలో ఎమ్మెల్సీ ఎన్నికల్లో ఎమ్మెల్యేలను కొనడానికి ప్రయత్నించి అడ్డంగా దొరికిపోయిన చంద్రబాబుకు ప్రజలే తగిన బుద్ది చెబుతారన్నారు.