సినిమాల్లో స్టార్స్ వాడిన వస్తువులకు యమా డిమాండ్ ఉంటుంది. అందుకే భారీ హైప్ క్రియేట్ చేసిన చిత్రాల్లో స్టార్ వాడిన దుస్తులు, బైక్స్ లాంటివి వేలానికి పెడుతుంటారు. అలా వచ్చిన సొమ్మును సామాజిక కార్యక్రమాలకు వినియోగిస్తుంటారు. అదే బాటలో జనతా గ్యారేజ్ సినిమాలో ఎన్టీఆర్ వాడిన బైక్ ను వేలం వేశారు. ఈ బైక్ ను జూనియర్ వీరాభిమాని రాజ్ కుమార్ రెడ్డి 10 లక్షల రూపాయలు చెల్లించి సొంతం చేసుకున్నారు.
 
 మంగళవారం జరిగిన కార్యక్రమంలో విజేతకు హీరో ఎన్టీఆర్, దర్శకుడు కొరటాల శివ చేతుల మీదుగా బైక్ ను అందజేశారు. ఈ వేలం ద్వారా వచ్చిన సొమ్మును బసవతారక రామారావు చారిటబుల్ ట్రస్ట్ కు అందజేయనున్నారు. జనతా గ్యారేజ సక్సెస్ తరువాత గ్యాప్ తీసుకున్న జూనియర్ ప్రస్తుతం బాబీ దర్శకత్వంలో ఓ సినిమా చేస్తున్నాడు. కళ్యాణ్ రామ్ నిర్మిస్తున్న ఈ సినిమాలో ఎన్టీఆర్ త్రిపాత్రభినయం చేస్తున్నాడన్న టాక్ వినిపిస్తోంది.


 ప్రత్యేకంగా తయారు చేయించిన బైక్‌ 
  
 బెంగళూరు: బాలీవుడ్‌లో విజయం సాధించిన ఓమైగాడ్‌కు రీమేక్‌గా కిచ్చ సుదీప్, ఉపేంద్రలతో ప్రధాన పాత్రధారులుగా నందకిశోర్‌ దర్శకత్వంలో తెరకెక్కిన ముకుందమురారి చిత్రం కన్నడలో కూడా ఘనవిజయాన్ని సొంతం చేసుకుంది. ఈ చిత్రం కోసమే చిత్ర దర్శకనిర్మాతలు ప్రత్యేకంగా తయారు చేయించిన బైక్‌ కూడా అందరిని ఆకర్షించింది. కాగా ఇపుడు ఆ బైక్‌ను నవంబర్‌11 న వేలం వేయనన్నారు. వేలం వేయగా వచ్చిన డబ్బును హీరోలు కిచ్చ సుదీప్, ఉపేంద్రలు తుమకూరు సిద్ధగంగ మఠానికి విరాళంగా ఇవ్వనున్నారని చిత్ర దర్శక నిర్మాతలు తెలిపారు. 
  


 హీరో రామ్చరణ్ బైకు అమ్మకానికి పెట్టనున్నారు. ఇంతకుముందు బాలకృష్ణ 'లెజెండ్' బైకును అమ్మకానికి పెట్టారు. ఇప్పుడు అదే తరహాలో చరణ్ బైకును వేలం వేయనున్నారు. 'గోవిందుడు అందరి వాడేలే' సినిమాలో రూ. 30 లక్షల విలువ చేసే హర్లీ డేవిడ్సన్ బైకు వాడాడు. ఈ సినిమా కోసం దీన్ని ప్రత్యేకంగా తయారు చేయించారు.
 
 సినిమా విడుదలైన తర్వాత ఈ బైకును వేలం వేయాలని నిర్మాత బండ్ల గణేష్ భావిస్తున్నారట. వేలం ద్వారా వచ్చే డబ్బును దాతృత్వ కార్యక్రమాలకు వినియోగించాలను కుంటున్నారదన్నది చిత్రసీమ సమాచారం. 'లెజెండ్' సినిమాలో తాను వాడిన బైకును వేలం వేయడం ద్వారా సొమ్మును బసవతారకం ఇండో-అమెరికన్ కేన్సర్ ఆస్పత్రికి అందజేశారు బాలకృష్ణ. క్రియేటివ్ దర్శకుడు కృష్ణవంశీ తెరకెక్కించిన 'గోవిందుడు అందరి వాడేలే' సినిమా అక్టోబర్ 1న విడుదల కానుంది.