ఆదిలాబాద్(ఖానాపూర్): ఆదిలాబాద్ జిల్లా ఖానాపూర్‌లో రోడ్డు ప్రమాదం సంభవించి ఇద్దరు వ్యక్తులు తీవ్రంగా గాయపడ్డారు. ఈ ఘటన ఆదివారం మద్యాహ్నం చోటుచేసుకుంది. ఖానాపూర్‌లో శివారులోని నిర్మల్- ఖానాపూర్ రోడ్డులో బైక్‌ను బొలేరో వాహనం ఢీకొట్టింది. దీంతో బైక్‌పై వెళుతున్న ఇద్దరు వ్యక్తులు తీవ్రంగా గాయపడ్డారు. క్షతగాత్రులు స్థానిక ఏరియా ఆస్పత్రిలో చికిత్స పొందుతున్నారు. బాధితులు కరీంనగర్ జిల్లా మెట్‌పల్లికి చెందిన వారిగా పోలీసులు గుర్తించారు.