న్యూఢిల్లీ: బ్రిటీష్ లగ్జరీ సూపర్ కార్ల తయారీ సంస్థ, మెక్‌లారెన్ ఆటోమోటివ్ భారత మార్కెట్లోకి ఎట్టకేలకు ఎంట్రీ ఇస్తోంది.  మరో  రెండునెలలోనే మెక్‌లారెన్ జీటీ, ఆర్టురా, 720ఎస్‌లతో  లాంచింగ్‌తోపాటు, తన సూపర్, డూపర్‌ కార్లను భారత్‌కు తీసుకొస్తోంది. అంతేకాదు మెక్‌లారెన్‌ తొలి రిటైల్ అవుట్‌లెట్ ఈ ఏడాది అక్టోబర్‌లో ఓపెన్‌ చేయనుంది. ఈ స్పోర్ట్స్‌కార్ మేకర్‌ ఎట్టకేలకు మెక్‌లారెన్ అధికారికంగాతన బబ్రాండ్‌ ఉత్పత్తులను మొత్తంభారత్‌ కస్టమర్లకు అందించనుంది.  మెక్‌లారెన్ ఇండియా జీటీ ఐకానిక్ జీటీ త్వరలో భారతీయ రోడ్లపై సందడి చేయనుంది. మెక్‌లారెన్ జీటీ  దేశంలోనే తొలి అధిక-పనితీరు గల హైబ్రిడ్‌ కారుగా నిలవనుంది. ఆర్టురాతో సహా భారతీయ వినియోగ దారులకు తన ఉత్పత్తులను అందిచనుంది.  మెక్‌లారెన్ ఇండియా 720ఎస్‌ కూపే స్పైడర్ వేరియంట్‌లలో వస్తోంది. ప్రపంచంలోని అత్యంత ప్రసిద్ధ సూపర్‌ కార్‌లను ఆవిష్కరించాలనేది రేసర్, ఇంజనీర్, వ్యవస్థాపకుడు, బ్రూస్ మెక్‌లారెన్ కల. దాదాపు 6 దశాబ్దాలుగా, మెక్‌లారెన్ ప్రతి సూపర్‌కార్ , హైపర్‌కార్లతో  హైపెర్‌ ఫామెన్స్‌ ఆటోమోటివ్ ఇంజనీరింగ్‌లో అగ్రగామిగా ఉంది. కాగా ప్రపంచ విస్తరణ ప్రణాళికలలో కీలకమైన మార్కెట్‌గా ఇండియాను భావిస్తోంది. అయితే రానున్న మెక్‌లారెన్స్  కార్లు లంబోర్ఘిని, మెర్సిడెస్-బెంజ్ ఏఎంజీ, BMW M, మసెరటి, పోర్స్చే, జాగ్వార్  లాంటి సూపర్‌ మోడల్‌కార్లకు గట్టి పోటీ ఇవ్వనుంది. 


 కొత్త వస్తువు
  
  పై వాక్యం సరదా కోసం రాసింది కాదు. నిజ్జంగానే నిజం! ఇంతకీ విషయం ఏమిటంటే, బ్రిటీష్ కంపెనీ ఒకటి శునకాల కోసం ప్రత్యేకమైన టీ బ్యాగులను తయారుచేసింది. ఏడు వెరైటీలతో తయారుచేసిన ఈ టీ బ్యాగులు శునకాల ఆరోగ్యానికి మేలు చేస్తాయని, ముఖ్యంగా తాజా శ్వాసకు ఈ టీ బ్యాగులు ఉపయోగపడతాయని ‘వూఫ్ అండ్ బ్రూ’ కంపెనీ చెబుతోంది.
  
 ‘‘ఇప్పటికే యజమానుల నుంచి టీ బ్యాగులకు మంచి స్పందన వస్తోంది’’ అంటున్నాడు టీ బ్యాగుల సృష్టికర్త స్టీవ్ బెన్నెట్. నలభై ఎనిమిది సంవత్సరాల స్టీవ్‌కు బిల్లి, ఏంజెల్ అనే ముద్దుగారే శునకాలు ఉన్నాయి. వాటికి ఆయన తయారుచేసిన టీ తెగ నచ్చేసిందట. దాంతో ఇప్పటి వరకు రెండు వందలకు పైగా శునకాలకు  ఈ టీ రుచి చూపించాడు స్టీవ్.  ‘‘మొదటి ఆమోదం నా పెంపుడు శునకాల నుంచి లభించింది. ఇక తిరుగు లేదు అనిపించింది’’ అని మురిసిపోతున్నాడు స్టీవ్. విశేషమేమిటంటే శునకాల కోసం ప్రత్యేకంగా కెఫేలు పెట్టడం గురించి కూడా ఆలోచిస్తున్నాడు స్టీవ్.
 
  ‘‘నేను టీ తాగుతున్నప్పుడల్లా మా శునకం ఆశగా నా వైపు చూసేది. కానీ ఎలా తాగిస్తాం? టీలో ఉండే కెఫిన్, పాలు వాటి ఆరోగ్యం మీద దుష్ర్పభావాన్ని కలిగిస్తాయి. కానీ ఇప్పుడు మాత్రం భేషుగ్గా వాటితో టీ తాగించవచ్చు’’ అంటున్నాడు ఒక యజమాని ఆనందంగా. కాగా, ఈ ఉత్పత్తిని ప్రపంచవ్యాప్తంగా విస్తరించే సన్నాహాల్లో ఉంది ‘వూఫ్ అండ్ బ్రూ’ కంపెనీ.
  
  ‘అతిథి మర్యాదలు’లాగే రాబోయే రోజుల్లో ‘శునక మర్యాదలు’ కూడా ప్రముఖ స్థానాన్ని ఆక్రమించవచ్చు. అంటే ఏమీ లేదు, మీ పొరుగింటాయన తన శునకంతో సహా మీ ఇంటి వచ్చినప్పుడు ఆ శునకం కోసం ప్రత్యేకంగా టీ కాచి ఇవ్వడమన్నమాట!