అవినీతి అక్రమాలతో పెట్రేగిపోతూ సమాజాన్ని భ్రష్టు పట్టిస్తున్న కొంత మందిని ఓ పోలీస్ అధికారి ఎలా ఎదుర్కొంది? పోలీస్ పవర్‌ని ఎలా చూపించింది? అనే కథాంశంతో తెలుగు, కన్నడ భాషల్లో ఏకకాలంలో రూపొందుతున్న చిత్రం ‘బుల్లెట్ రాణి’. నిషా కొఠారి ప్రధాన పాత్రలో ఎం.ఎస్. యూసుఫ్ ఖాన్ నిర్మిస్తున్న ఈ చిత్రానికి సాజిత్ ఖురేషి దర్శకుడు. గుణవంత్ స్వరాలందించారు. దర్శకుడు మాట్లాడుతూ- ‘‘గ్లామర్, యాక్షన్, కామెడీ ఎంటర్‌టైనర్‌గా తెరకెక్కించిన  ఈ చిత్రం అందరినీ ఆకట్టుకుంటుంది. ఇప్పటికే ఈ చిత్రంలోని పాటలకు మంచి స్పందన లభిస్తోంది’’ అని చెప్పారు. ఈ చిత్రానికి సాహిత్యం: చంద్రబోస్, కరుణాకర్ అడిగర్ల.


  ఓ లేడీ పోలీస్ ఆఫీసర్ అక్రమార్కుల ఆగడాలను ఎలా ఎదుర్కొందనే కథాంశంతో తెరకెక్కిన చిత్రం ‘బుల్లెట్ రాణి’. నిషా కొఠారీ ప్రధాన పాత్రలో ఎం.ఎస్. యూసుఫ్ నిర్మిస్తున్న ఈ చిత్రానికి సాజిద్ ఖురేషీ దర్శకుడు. ఈ సినిమా ప్రచార చిత్రం ఇటీవలే హైదరాబాద్‌లో విడుదల అయింది. ఈ సందర్భంగా నిర్మాత మాట్లాడుతూ -‘‘తెలుగు, కన్నడ భాషల్లో ఏకకాలంలో ఈ చిత్రాన్ని తెరకెక్కిస్తున్నాం. త్వరలోనే పాటలను విడుదల చేయనున్నాం. నిషా కొఠారీ గ్లామర్ ఈ చిత్రానికి ప్లస్ పాయింట్స్‌గా నిలుస్తాయి’’ అని చెప్పారు.
  ఈ కార్యక్రమంలో చిత్ర నిర్మాత యూసుఫ్, ఇంకా చిత్ర యూనిట్ పాల్గొన్నారు.