తిరువంతనపురం: రోడ్డు ప్రమాదంలో ఆరుగురు ఇంజనీరింగ్ విద్యార్థులు దుర్మరణం చెందిన ఘటన గురువారం ఉదయం కేరళలో చోటు చేసుకుంది. ఓ కారు అతి వేగంగా దూసుకుని లారీలోకి చొచ్చుకుపోవడంతో ఆరుగురు అక్కడిక్కడే ప్రాణాలు కోల్పోయారు.  కోల్లాం జిల్లాలో చోటు చేసుకున్న ఈ ఘటన స్థానికంగా కలకలం సృష్టించింది. వార్కలా బీచ్ లో న్యూఇయర్ వేడుకలకు హాజరైన టీకేఎమ్ కోలమ్ ఇంజనీరింగ్ విద్యార్థులు కారులో తిరిగి వస్తుండగా ప్రమాదం బారిన పడ్డారు.
  
 ఆ విద్యార్థులు పయనిస్తున్న కారు అతి వేగంగా లారీ క్రింది భాగంలోకి దూసుకుపోవడంతోనే ఈ ఘోరం సంభవించిదని లారీ డ్రైవర్ మీడియాకు తెలిపారు. ప్రస్తుతం ఆ మృతదేహాలను బయటకు తీయడం కష్టతరంగా  మారింది.