హైదరాబాద్: మహిళలపై అసభ్యకరంగా వ్యాఖ్యానించిన ప్రముఖ సీనియర్ నటుడు చలపతిరావు, యాంకర్ రవిలపై పోలీసులు కేసు నమోదు చేశారు. ఇటీవల జరిగిన రారండోయ్‌ వేడుక  చూద్దాం సినిమా ఆడియో రిలీజ్ కార్యక్రమంలో మహిళలపై తీవ్ర అసభ్యకర పదజాలంతో వ్యాఖ్యానించిన నటుడు చలపతిరావు, ఆయన వ్యాఖ్యలను బలపరుస్తూ హేళన చేసిన టెలివిజన్ ప్రముఖ యాంకర్ రవిలపై చట్టపరమైన చర్యలు తీసుకోవాలని కోరుతూ బండ్లగూడకి చెందిన మహిళా సంఘం నేత దెయ్యాల కల్పనా కుమారి సరూర్ నగర్ పోలీసులకు ఫిర్యాదు చేశారు. ఫిర్యాదు స్వీకరించిన సరూర్ నగర్ పోలీసులు ఐపీసీ 354 ఏ (IV), 509 సెక్షన్ల కింద కేసు నమోదు చేసినట్లు తెలిపారు.
 
 అక్కినేని నాగ చైతన్య, రకుల్ ప్రీత్ జంటగా నటించిన రారండోయ్ వేడుక చూద్దాం ఆడియో ఫంక్షన్‌లో ముందు వరుసలో కూర్చున్న చలపతినుద్దేశించి 'అమ్మాయిలు మనశ్శాంతికి హానికరమా' అని యాంకర్‌  ప్రశ్నించినపుడు చలపతి ఇచ్చిన సమాధానంతో అక్కడున్నవారంతా నివ్వెరపోయిన విషయం తెలిసిందే. ఈ సీనియర్‌ నటుడి వల్గర్‌ కామెంట్లపై తీవ్ర విమర్శలు వెల్లువెత్తుతున్నాయి.


 
 ఏలూరు (ఆర్‌ఆర్‌పేట) : ఆర్యవైశ్యులు ఐకమత్యంతో ఆదర్శంగా నిలవాలని ఆర్యవైశ్య సంఘం రాష్ట్ర ఉపాధ్యక్షుడు అంబికా రాజా పిలుపునిచ్చారు. సోమవారం ఆలపాటి అనసూయమ్మ రామచంద్రరావు ఆర్యవైశ్య కార్తీక వన సమారాధన కమిటీ ఆధ్వర్యంలో ఏర్పాటుచేసిన  ఆత్మీయ కలయిక కార్యక్రమంలో ఆయన మాట్లాడారు. ఆర్థికంగా అభివృద్ధి సాధిస్తూ కులమత రహితంగా అన్నివర్గాల ప్రజలకూ సహకరించి, ఆదర్శంగా నిలవాలన్నారు. ఏలూరు కో–ఆపరేటివ్‌ అర్బన్‌ బ్యాంక్‌ చైర్మన్‌ అంబికా ప్రసాద్‌ మాట్లాడుతూ ఆర్యవైశ్యులు అన్ని రంగాల్లోనూ అభివృద్ధి సాధించాలన్నారు. ముఖ్య అతిథిగా పాల్గొన్న సినీ నటుడు చలపతిరావు మాట్లాడుతూ తల్లిదండ్రుల పేరి ట సేవా కార్యక్రమాలు నిర్వహిస్తున్న అంబికా సోదరులు అభినందనీయులన్నారు. కార్తీక వన సమారాధనకు సహకరించిన ప్రముఖులను, సినీనటుడు చలపతిరావును సత్కరించారు. కూర్మాల శ్రీరామచంద్రమూర్తి, దేసు నరసింహరావు, పైడేటి రఘు, చెన్నా వెంకట్రామయ్య, బీవీ కృష్ణారెడ్డి, బ్రహ్మానందం, చలువాది శివకృష్ణ, తుమ్మలపల్లి అయ్యప్ప పాల్గొన్నారు.
 
  
 
  


 నవీన్, గౌతమ్, ప్రియాంక, సరయు, చలపతిరావు, సమీర్ ముఖ్యపాత్రల్లో నటించిన చిత్రం ‘ఎవరో తానెవరో’. బాబ్జీ దర్శకత్వంలో ఎస్.కె.రెహమాన్ (చంటి) నిర్మించారు. టీజర్‌ను నిర్మాత రాజ్ కందుకూరి, లోగోను నటుడు చలపతిరావు విడుదల చేశారు. నిర్మాత మాట్లాడుతూ- ‘‘చిన్నప్పటి నుంచి నాకు సినిమాలంటే ఇష్టం. ఆ ఆసక్తితో ఈ చిత్రంలో ఓ పాత్రలో నటించడంతో పాటు నిర్మించా’’ అన్నారు. ‘‘ఎప్పటికైనా డెరైక్టర్ అవుతావని నటుడు శ్రీహరిగారు అనేవారు. ఈ చిత్రంతో అది నెరవేరింది’’ అని దర్శకుడు చెప్పారు. ఈ చిత్రానికి ఎగ్జిక్యూటివ్ ప్రొడ్యూసర్: కపిల్ వరికూటి.
  


 వివేక్‌నగర్‌:  తెలుగు చలనచిత్ర రంగంలో నాలుగు దశాబ్దాలుగా తనకంటూ ప్రత్యేక శైలిని చాటుకున్న చలపతిరావు స్వయం కృషితో ఉన్నత స్థానానికి ఎదిగిన మనసున్న మంచి మనిషి అని రచయిత్రి డా.నందమూరి లక్ష్మీ పార్వతి అన్నారు. తేజస్విని కల్చరల్‌ అసోసియేషన్‌ ఆధ్వర్యంలో శుక్రవారం త్యాగరాయ గానసభలో జరిగిన అక్కినేని గీతామృత వర్షిణి, అక్కినేని విశిష్ఠ పురస్కార ప్రదానోత్సవ సభకు ఆమె ముఖ్య అతిథిగా హాజరయ్యారు. నాలుగు తరాల నటులతో నటించే అరుదైన అవకాశం చలపతి రావుకు దక్కిందన్నారు.
 ఆయన క్రమశిక్షణ నేటి యువ నటులకు ఆదర్శమన్నారు. డా.ఓలేటి పార్వతీశం మాట్లాడుతూ స్వర్గీయ ఎన్‌.టి.ఆర్‌కు అత్యంత సన్నిహితులైన చలపతిరావు విలన్‌గా, కారెక్టర్‌ నటుడిగా ప్రేక్షకుల అభిమానాన్ని చూరగొన్నారన్నారు. అనంతరం చలపతిరావును అక్కినేని విశిష్ట పురస్కారంతో ఘనంగా సత్కరించారు. కార్యక్రమంలో డా.కె.వి.కృష్ణకుమారి, జె.నారాయణ రావు, డా.విజయలక్ష్మి, రవికుమార్, యస్‌.యన్‌.సుధారాణి, పురస్కార గ్రహీత చలపతిరావు తదితరులు పాల్గొన్నారు.