ప్రకాశం జిల్లా అద్దంకి ఎమ్మెల్యే గొట్టిపాటి రవికుమార్ పై టీడీపీ నేతల దాడిని కదిరి వైఎస్సార్సీపీ ఎమ్మెల్యే చాంద్ బాషా తీవ్రంగా ఖండించారు. ఎన్నికల హామీల అమలులో విఫలమైన  అధికార పార్టీ ప్రతిపక్ష పార్టీ ఎమ్మెల్యేలపై దాడులు చేయడం హేయమైన చర్యగా అభివర్ణించారు.
 రాష్ట్రంలో రౌడీ రాజ్యం నడుస్తోందని ఆగ్రహం వ్యక్తం చేశారు. గొట్టిపాటిపై దాడికి పాల్పడిన వారిని పట్టుకొని తీవ్రంగా శిక్షించాలని డిమాండ్ చేశారు. ఇలాంటి ఘటనలు పునరావృతం కాకుండా చూడవలసిన బాధ్యత అధికార పార్టీపై ఉందన్నారు. ఇలాంటి ఘటనల్లో పోలీసులు ఏకపక్ష వైఖరి విడనాడాలని హితవు పలికారు.