ఉత్తరాఖండ్ తేహ్రీ జిల్లాలో కారు లోయలో పడి నలుగురు వ్యక్తులు మరణించారని పోలీసులు శనివారం వెల్లడించారు. మరోకరు తీవ్రంగా గాయపడ్డారని తెలిపారు. క్షతగాత్రుడు చంబ ఆసుపత్రిలో చికిత్స పొందుతున్నాడని చెప్పారు. గత అర్థరాత్రి చంబ - ముస్సోరి రహదారిపై వెళ్తున్న కారు ప్రమాదవశాత్తు అదుపు తప్పి చౌపారియల్ గ్రామ సమీపంలోని లోయలో పడిందని తెలిపారు. ఆ ఘటనలో నలుగురు వ్యక్తులు అక్కడికక్కడే మరణించారన్నారు. కేసు నమోదు చేసి దర్యాప్తు చేస్తున్నట్లు చెప్పారు.