ప్రపంచానికి కరుణ, ప్రేమ వంటి ఉదాత్త భావాలను అందించిన కరుణామయుడైన ఏసుక్రీస్తును నిరంకుశ పాలకులు శిలువ వేసిన రోజైన శుక్రవారాన్ని.. జిల్లావ్యాప్తంగా క్రైస్తవులు భక్తిశ్రద్ధలతో ‘గుడ్‌ ఫ్రైడే’గా నిర్వహించు కున్నారు. ఈ సందర్భంగా వివిధ చర్చిల్లో ప్రత్యేక ప్రార్థనలు చేశారు. జీసస్‌ ప్రబోధించిన ఏడు ఉపదేశాలను పాస్టర్లు వివరించారు. పలుచోట్ల క్రీస్తు శిలువ యాత్రలు నిర్వహించారు.