అనంతపురం: కారు బోల్తాపడటంతో ఇద్దరు మృతిచెందగా మరో నలుగురు గాయపడ్డారు. ఈ ఘటన అనంతపురం జిల్లాలో ఆదివారం మధ్యాహ్నం చోటుచేసుకుంది. వివరాలిలా ఉన్నాయి... గొరెంట్ల మండల పాలసముద్రం సమీపంలో 44వ జాతీయ రహదారి వద్ద కారు బోల్తా పడింది. ఈ ప్రమాదంలో కర్ణాటకకు చెందిన మునుస్వామి, హేమలత మృతిచెందగా, మరో నలుగురు గాయపడ్డారు. ఈ ఘటనలో గాయపడిన వారిని చికిత్స నిమిత్తం వెంటనే కర్ణాటకలోని చిక్బల్లాపూర్ జిల్లా ప్రభుత్వ ఆసుపత్రికి తరలించారు. ఈ ప్రమాదానికి సంబంధించిన పూర్తివివరాలు ఇంకా తెలియరాలేదు.