వాషింగ్టన్‌: చికెన్ బిర్యానీ ఆర్డర్ చేస్తే మరొకటి తెచ్చి ఇచ్చారని ఆగ్రహంతో రెస్టారెంట్‌కు నిప్పు పెట్టాడు ఓ వ్యక్తి. బకెట్‌ పెట్రోల్ పోసీ తగలబెట్టాడు. ఇందుకు సంబంధించిన వీడియో సామాజిక మాధ్యమాల్లో వైరల్‌గా మారింది. మద్యం మత్తులో విధ్వంసం సృష్టించిన నిందితుడ్ని పోలీసులు అరెస్టు చేసి కోర్టులో హాజరుపరచగా అతడు నేరాన్ని అంగీకరించాడు. అమెరికా న్యూయార్క్‌ క్వీన్స్‌లోని ఓ బంగ్లాదేశీ రెస్టారెంట్‌లో అక్టోబర్‌ 14న ఈ ఘటన జరిగింది. నిందితుడ్ని చాఫెల్‌గా గుర్తించారు అధికారులు. సీసీటీవీ ఆధారంగా కేసు నమోదు చేసి అదుపులోకి తీసుకున్నారు. అయితే ఈ వీడియోలో రెస్టారెంట్‌కు నిప్పంటించిన తీరుపై కొందరు నెటిజన్లు జోకులు పేల్చారు. రెస్టారెంట్‌ ఎంట్రెన్స్ దగ్గర పెట్రోల్ పోసిన నిందితుడు అది తన చుట్టూ వ్యాపించి ఉందనే సోయి కూడా లేకుండా నిప్పంటించాడు. దీంతో అతనికి కూడా మంటలు అంటుకున్నాయి. అదృష్టవశాత్తు ఏమీ కాలేదు. షూస్ మాత్రం పాక్షికంగా కాలిపోయాయి. తగలబెట్టడం కూడా తెలియని ఇలాంటి వాడితో సమాజానికి నిరూపయోగం అని ఓ నెటిజన్ కామెంట్ పెట్టాడు. “A Queens man set a #Bangladeshi restaurant on #fire in a wild caught-on-video arson he told cops he committed because the eatery botched his order of the savory rice dish(chicken biryani), according to court records.”#NewYork #USA #Bangladesh pic.twitter.com/PkzxracIUg — Siraj Noorani (@sirajnoorani) October 18, 2022 చదవండి: ఆ రెండు గంటలే వాళ్ల టార్గెట్.. తలుపు తీసి ఉందో.. ఇక అంతే..!


 జనగామ : ఐఎస్‌ఐ ఉగ్రవాది అబ్దుల్‌ ఖాజాను పోలీసులు మంగళవారం జనగామ కోర్టు కు తీసుకొచ్చారు. చంచల్‌గూడ  జైలు నుంచి ఖాజాను నేరుగా జనగామ ప్రిన్సిపల్‌ ఫస్ట్‌ క్లాస్‌ జ్యుడీషియల్‌ మెజి స్ట్రేట్‌ టి.న ర్సిరెడ్డి ఎదుట హాజరుపరిచారు. ఈ కేసును ఈ నెల 16కు వాయిదా వేస్తున్నట్లు న్యాయమూర్తి తీర్పు వెలువరించారు.
  
 అనంతరం ఎస్కార్టు సిబ్బంది ఉగ్రవాది ఖాజాను తిరిగి చంచల్‌గూడ జైలుకు తరలించారు. 2011 నవంబర్‌ 11న వికారొద్దీన్‌ గ్యాంగ్‌ను వరంగల్‌ జైలు నుంచి హైదరాబాద్‌కు తరలిస్తుండగా జనగామ సమీపంలో బిర్యానీ కోసం ఎస్కార్టు పోలీసులతో అబ్దుల్‌ఖాజా గొడవకు దిగి దాడి చేశాడు. ఎస్కార్టు పోలీసుల ఫిర్యాదు మేరకు జనగామ పోలీసులు కేసు నమోదు చేశారు. ఈ కేసులో ఉన్న వికారొద్దీన్‌తో పాటు మరో నలుగురు ఆలేరు సమీపంలో జరిగిన ఎన్‌కౌంటర్‌లో మృతిచెందిన విషయం తెలిసిందే.