తిరుమల : ఈ నెల 25న విడుదల కానున్న 'చిన్నదాన నీకోసం'  సినిమా ప్రతిఒక్కర్నీ ఆలరిస్తుందని హీరో నితిన్ ధీమా వ్యక్తం చేశాడు. కుటుంబమంతా కలిసి చూడదగ్గ చిత్రమని నిత్ తెలిపాడు.  వచ్చే గురువారం సినిమా విడుదల సందర్భంగా....  నితిన్‌ కుటుంబ సభ్యులతో కలిసి శనివారం ఉదయం తిరుమల శ్రీవారిని దర్శించుకున్నాడు. దర్శనాల విరామ సమయంలో అతను స్వామివారి సేవలో పాల్గొన్నాడు. అనంతరం అర్చకులు నితిన్‌ను ఆశీర్వదించి  తీర్ధప్రసాదాలు అందజేశారు.
 
 ఈ సందర్భంగా చిత్ర విజయంపై ఇష్క్‌ హీరో ధీమా వ్యక్తం చేశారు. తన ప్రతి సినిమా విడుదలకు ముందు స్వామివారిని దర్శించుకోవటం తనకు సెంటిమెంట్గా మారిందన్నాడు. తొలిప్రేమ చిత్రంలాగా 'చిన్నదాన నీకోసం' కూడా అందర్ని ఆకట్టుకుంటుందన్నాడు. ప్యూర్ లవ్ స్టోరీతో పాటు కామెడీ కూడా ఉంటుందని తెలిపాడు. గత రెండు సినిమాల్లో పాటలు పాడిన... తాను ఈ చిత్రంలో పాట పాడలేదని...విలేకర్ల అడిగిన ప్రశ్నకు సమాధానం ఇచ్చాడు. ఇక  'కొరియర్ బాయ్ కళ్యాణ్' సినిమా మార్చిలో ప్రేక్షకుల ముందుకు వస్తుందని చెప్పాడు. ఈ సందర్భంగా నితిన్తో ఫోటోలు దిగేందుకు పలువురు పోటీ పడ్డారు.


  ‘‘ఇప్పటి ప్రేక్షకులు రొమాంటిక్ ఎంటర్‌టైనర్లనే కోరుకుంటున్నారు. వారి అభిరుచి మేరకే... కథలు ఎంచుకుంటున్నాం. నితిన్ శారీరకభాషకు తగ్గట్టుగా ఈ సినిమా ఉంటుంది’’ అని నిర్మాత నిఖితారెడ్డి అన్నారు. నితిన్ హీరోగా కరుణాకరన్ దర్శకత్వంలో నిఖితారెడ్డి, సుధాకరరెడ్డి నిర్మించిన చిత్రం ‘చిన్నదాన నీకోసం’ ఈ నెల 25న విడుదల కానుంది. ఈ సందర్భంగా నిఖితారెడ్డి మాట్లాడుతూ -‘‘నితిన్ గత విజయాలకు తీసి పోని రీతిలో ఉండాలనే కసితో ‘చిన్నదాన నీకోసం’ చిత్రాన్ని నిర్మించాం. నితిన్‌ది పక్కింటి అబ్బాయి తరహాలో ఉండే పాత్ర. భిన్నమైన శైలిలో సాగే ప్రేమకథ కావడం వల్ల... ఫ్రెష్‌నెస్ కోసం కొత్తమ్మాయి మిస్తీ చక్రవర్తిని కథానాయికగా తీసుకున్నాం. తనకు తెలుగు రాకపోయినా.. భావం అర్థం చేసుకొని చక్కగా నటించింది. కథానాయికల్ని అందంగా చూపించడంలో కరుణాకరన్ దిట్ట. ఈ సినిమాలో మిస్తీని ఆయన చాలా అందంగా చూపించారు’’ అని చెప్పారు.
  


  గతుకుల రోడ్డుపై ప్రయాణిస్తున్న కారు... ఒక్కసారి హైవే ఎక్కితే ఎలా ఉంటుంది? అచ్చంగా నితిన్ కెరీర్ అలాగే ఉంది. వరుస విజయాలతో విమాన వేగంతో దూసుకుపోతున్నాడు నితిన్. ఇష్క్, గుండెజారి గల్లంతయ్యిందే, హార్ట్ ఎటాక్ చిత్రాలతో హ్యాట్రిక్ కొట్టేశాడు. ఈ విజయాలను ఇలాగే కొనసాగించాలనే దృఢ నిశ్చయంతో ఉన్నాడు నితిన్. అందుకే తన ఇమేజ్‌కు తగ్గట్టుగా చక్కని ఫీల్‌గుడ్ లవ్‌స్టోరీలనే ఎంచుకుంటున్నాడు. ప్రస్తుతం కరుణాకరన్ దర్శకత్వంలో ఆయన నటిస్తున్న విషయం తెలిసిందే. ఈ సినిమాకు ‘చిన్నదాన నీకోసం’ అనే పేరును ఖరారు చేశారనేది తాజా సమాచారమ్. తను నటించిన ‘ఇష్క్’ చిత్రంలోని ‘చిన్నదాన నీకోసం...’పాట పల్లవిలోని తొలి పదాన్నే తన సినిమా టైటిల్‌గా చేసుకోవడం విశేషం. నితిన్ సొంత నిర్మాణ సంస్థలో ఈ చిత్రం రూపొందుతోంది.