చీరాల : ప్రకాశం జిల్లా చీరాల స్వతంత్ర ఎమ్మెల్యే ఆమంచి కృష్ణమోహన్ వర్గంపై తెలుగుదేశం పార్టీ వర్గీయులు రాళ్లదాడి చేశారు. చీరాల మున్సిపల్ వైస్ ఛైర్మన్గా వైఎస్ఆర్ కాంగ్రెస్ పార్టీ అభ్యర్థికి ఆమంచి వర్గం మద్దతు తెలిపింది. ఈ నేపథ్యంలో వైఎస్ఆర్ కాంగ్రెస్ పార్టీకి మద్దతు ఇవ్వడాన్ని నిరసిస్తూ టీడీపీ  కార్యకర్తలు రాళ్లతో దాడి చేశారు. ఈ సంఘటనలో ఎస్ఐ రామిరెడ్డి గాయపడ్డారు. అక్కడ పరిస్థితి ఉద్రిక్తంగా మారటంతో పోలీసులు రంగ ప్రవేశం చేసి, పరిస్థితిని అదుపులోకి తీసుకొచ్చేందుకు యత్నిస్తున్నారు.