కోల్‌గేట్ పామోలివ్ ఇండియా లిమిటెడ్ 2020-21 ఆర్థిక సంవత్సరానికిగాను ఆదాయపు పన్ను శాఖ నుంచి రూ.248.74 కోట్ల ట్యాక్స్‌ డిమాండ్ నోటీసును అందుకుంది. ధరల బదిలీలో సమస్యల కారణంగా జులై 26న ఈ నోటీసులు అందినట్లు కంపెనీ రెగ్యులేటరీ ఫైలింగ్‌లో తెలిపింది.ఈ ఆదాయ పన్ను నోటీసుల వల్ల కంపెనీ ఆర్థిక కార్యకలాపాలపై ఎలాంటి ప్రభావం ఉండదని ఫైలింగ్‌లో పేర్కొంది. ‘ఆదాయ పన్ను శాఖ నుంచి కంపెనీకు జులై 26న నోటీసులు అందాయి. 2020-21 ఆర్థిక సంవత్సరానికిగాను రూ.248,74,78,511 కోట్ల ట్యాక్స్‌ చెల్లించాలని ఉంది. దానికి వడ్డీ రూ.79.63 కోట్లుగా నిర్ణయించారు. ధరల బదిలీలో సమస్యల కారణంగా ఈ నోటీసులు జారీ చేసినట్లు ఆదాయ పన్ను శాఖ తెలిపింది. దీనికి సంబంధించి అప్పీలేట్ ట్రిబ్యునల్‌లో అప్పీల్ చేస్తాం. ట్యాక్స్‌ డిమాండ్‌ నోటీసుల ద్వారా కంపెనీ ఆర్థిక వ్యవహారాలపై ఎలాంటి ప్రభావం ఉండదు’ అని తెలిపింది.ఇదీ చదవండి: అప్పు చెల్లించని వైజాగ్‌ స్టీల్‌ప్లాంట్‌!కోల్‌గేట్ పామోలివ్ ఇండియా లిమిటెడ్ ఓరల్ కేర్, పర్సనల్ కేర్‌లో ఉత్పత్తులు తయారుచేస్తోంది. 2023-24 ఆర్థిక సంవత్సరంలో సంస్థ రూ.5,644 కోట్ల విలువైన నికర విక్రయాలు నమోదు చేసింది.


 హైదరాబాద్: ఎఫ్‌ఎంసీజీ రంగంలో ఉన్న కోల్గేట్ పామోలివ్ తాజాగా సెన్సిటివ్ క్లోవ్ టూత్‌పేస్ట్‌ను మార్కెట్లోకి తెచ్చింది. లవంగం నూనె, పొటాషియం నైట్రేట్‌తో తయారైన ఈ ఉత్పాదన దంతాల్లోకి లోతుగా చేరుకుని సూక్ష్మ ప్రదేశాలను శుభ్రపరుస్తుందని కంపెనీ తెలిపింది. 80 గ్రాముల ప్యాక్ ధర రూ.105 ఉంది.


  హైదరాబాద్: కోల్గేట్ పామోలివ్ (ఇండియా) తాజాగా ‘పెయిన్ ఔట్’ ఉత్పత్తిని మార్కెట్‌లోకి తీసుకువచ్చింది. నొప్పి ఉన్న పంటిపై ఒక చుక్క ‘పెయిన్ ఔట్’ను ఉంచితే తాత్కాలికంగా తక్షణ ఉపశమనం పొందొచ్చని కంపెనీ ఒక ప్రకటనలో తెలిపింది. చాలా మంది పంటి నొప్పితో బాధపడుతున్నారని, ఇది ఎటువంటి ముందస్తు సూచన లేకుండా వస్తుందని, అలాంటి సమయాల్లో ‘పెయిన్ ఔట్’ ప్రాథమిక నొప్పి నివారణ కోసం ఉపయోగపడుతుందని పేర్కొంది. వినియోగదారులకు మరింత చేరువకావడానికి ‘పెయిన్ ఔట్’ ఉత్పత్తి తమకెంతో ఉపయోగపడుతుందని కోల్గేట్ పామోలివ్ (ఇండియా) మార్కెటింగ్ డెరైక్టర్ ఎరిక్ జంబర్ట్ తెలిపారు.