అనంతపురం సెంట్రల్‌ : నూతన ఎస్పీ గోరంట్ల వెంకటగిరి అశోక్‌కుమార్‌ ఆదివారం రాత్రి జిల్లాకు చేరుకున్నారు. హైదరాబాద్‌ నుంచి రోడ్డు మార్గాన వచ్చిన ఆయన, నేరుగా అనంతపురంలోని పోలీసుగెస్ట్‌హౌస్‌కు వెళ్లిపోయారు. నూతన ఎస్పీకి అదనపు ఎస్పీ మాల్యాద్రి, డీఎస్పీలు మల్లికార్జున, మల్లికార్జునవర్మ, చిన్నికృష్ణ తదితరులు స్వాగతం పలికారు. కాసేపు వారితో మాట్లాడిన ఎస్పీ వెంటనే విశ్రాంతి గదిలోకి వెళ్లారు.  సోమవారం ఉదయం 10.15 గంటలకు ఆయన పోలీసుకార్యాలయంలో బాధ్యతలు తీసుకోనున్నారని పోలీసు వర్గాలు వెల్లడించాయి. 


 అనంతపురం : తెలుగుదేశం పార్టీ జాతీయ ప్రధాన కార్యదర్శి నారా లోకేష్‌ ఈ నెల 16న జిల్లాలో పర్యటించనున్నారని పార్టీ జిల్లా అధ్యక్షుడు బీకే పార్థసారథి   తెలిపారు. 16న ఉదయం జిల్లా కేంద్రం సమీపంలోని పీవీకేకే కళాశాలలో విద్యార్థులతో ముఖాముఖి ఉం టుందన్నారు. మధ్యాహ్నం రాంనగర్‌లోని ఎస్‌ఆర్‌ కన్వెన్ష¯ŒS హాల్‌లో పార్టీద్వారా లబ్ధి పొందిన వారితో ఆత్మీయ సమావేశం ఏర్పాటు చేసినట్లు చెప్పారు. అనంతరం ఇన్సూరె¯Œ్స పొందిన లబ్ధి దారులతో సహపంక్తి భోజనం, తర్వాత జనచైతన్య యా త్రలు, సభ్యత్వ నమోదుపై జిల్లా సమన్వయ కమిటీ సభ్యులతో సమీక్షిస్తారు. సాయంత్రం జన చైతన్య యాత్రలో పా ల్గొంటారు.