సాక్షి, న్యూఢిల్లీ : ప్రముఖ సినీ నటి శ్రీదేవీ అకాలమరణంపై కాంగ్రెస్‌ పార్టీ ఓ ట్వీట్‌ను చేసి వెంటనే తొలగించింది. ఆ ట్వీట్‌పై సోషల్‌ మీడియాలో వెంటనే విమర్శలు రావడంతో కొద్ది సేపటికే దానిని తొలగించి మరో ట్వీట్‌ చేసింది. ఇంతకు కాంగ్రెస్‌ పార్టీ చేసిన ఆ తొలి ట్వీట్‌ ఏమిటి ? ఎందుకు తొలగించాల్సి వచ్చిందంటే.. కాంగ్రెస్‌ పార్టీ తన అధికారిక ట్విటర్‌ ఖాతాలో ఆదివారం ఉదయం 10.20గంటలకు శ్రీదేవీ అకాల మరణంపట్ల తీవ్ర విచారం వ్యక్తం చేస్తున్నామని పేర్కొనడమే కాకుండా.. ఆమె ఎప్పటికీ అందరి హృదయాల్లో నిలిచిపోతారని ట్వీట్‌ చేశారు. అలాగే, ఆమెకు యూపీఏ ప్రభుత్వ హయాంలో 2013లో పద్మశ్రీ అవార్డు ఇచ్చి సత్కరించామంటూ కూడా అందులో పేర్కొన్నారు. దీంతో సోషల్‌ మీడియాలో యూపీఏ ప్రభుత్వ హయాంలో పద్మశ్రీ ఇచ్చారని ఈ సమయంలో చెప్పుకోవడం అవసరమా అంటూ తీవ్రస్థాయిలో చర్చ రావడంతో వెంటనే కాంగ్రెస్‌ పార్టీ ఆ ట్వీట్‌ను తొలగించింది. వెంటనే శ్రీదేవీ పలు అవార్డులు సొంతం చేసుకున్నారని, అందులో పద్మశ్రీ అత్యున్నత అవార్డు అని, ఆరు ఫిల్మ్‌ఫేర్‌ అవార్డులు వచ్చాయని, ఇలా పలు విషయాలు పేర్కొంటూ మరో ట్వీట్‌ చేసింది. అయితే, సోషల్‌ మీడియాలో మాత్రం ఓ వ్యక్తి చనిపోయిన సమయంలో రాజకీయాలు చేయడానికి సిగ్గు లేదా.. ఇప్పుడు అవార్డుల గురించి చెప్పడం అవి తామే ఇచ్చామంటూ చెప్పుకోవడం అవసరమా అంటూ తీవ్రంగా నెటిజన్లు విమర్శిస్తున్నారు.   (కాంగ్రెస్‌ పార్టీ తొలిసారి చేసిన ట్వీట్‌ )   We regret to hear about the passing away of Sridevi. An actor par excellence. A legend who will continue to live in our hearts through her stellar body of work. Our deepest condolences to her loved ones. pic.twitter.com/RPagwsnX9h — Congress (@INCIndia) 25 February 2018 (సవరించుకొని కాంగ్రెస్‌ పార్టీ రెండోసారి చేసిన ట్వీట్‌)


 ఆదిలాబాద్‌ రిమ్స్‌ : మాజీ ఎమ్మెల్యే విఠల్‌రావు దేశ్‌పాండేకు శనివారం వైఎస్సార్‌ కాంగ్రెస్‌ పార్టీ నాయకులు నివాళులర్పించారు. భుక్తాపూర్‌ కాలనీలోని విఠల్‌రావు దేశ్‌పాండే నివాసంలో మనుమడు భార్గవ్‌ దేశ్‌పాండేతో కలిసి చిత్రపటానికి పూలమాలలు వేసి నివాళులర్పించారు. ప్రజలకు విఠల్‌రావు చేసిన సేవలు గుర్తు చేసుకున్నారు. ఆయన మతి తీరని లోటని, ఆత్మకు శాంతి చేకూరాలని ఆకాంక్షించారు. నివాళులర్పించిన వారిలో వైఎస్సార్సీపీ రాష్ట్ర నాయకుడు మెస్రం శంకర్, ఎస్సీ సెల్‌ జిల్లా అధ్యక్షుడు మునేశ్వర్‌ గంగన్న తదితరులున్నారు.