సినిమాలకు దూరమైనా సరే, నటులపై ఆసక్తి మాత్రం దూరం కాదు. ‘ఫలానా నటుడు ఇప్పుడు ఏం చేస్తున్నాడో తెలుసా? ‘ఫలానా కథానాయిక ఇప్పుడు ఏ దేశంలో ఉంటుందో తెలుసా?’... ఇలాంటి విషయాలు అభిమానులకు ఎప్పుడూ ఆసక్తికరమే. ‘గజిని’ ‘అమ్మా నాన్న ఒక తమిళ అమ్మాయి’ ‘ఘర్షణ’... మొదలైన సినిమాలతో తెలుగు ప్రేక్షకులకు దగ్గరైన ఆశిన్‌ పెళ్లి తరువాత నటనకు దూరమైంది. కొన్ని నెలల క్రితం... ఆసిన్‌ భర్త నుంచి విడాకులు తీసుకుందని, మళ్లీ సినిమాలలో నటించనుందని రూమర్స్‌ సోషల్‌ మీడియాలో చక్కర్లు కొట్టాయి. ‘అలాంటిది ఏమీ లేదండీ బాబూ. నేను మళ్లీ సినిమాల్లో నటించడం లేదు’ అని ఆసిన్‌ స్వయంగా ప్రకటించింది. తాజాగా... ప్యారిస్‌లో జరిగిన కుమార్తె ఆరిన్‌ పుట్టినరోజు వేడుకలకు సంబంధించిన ఫొటోలను ఇన్‌స్టాగ్రామ్‌లో షేర్‌ చేసింది ఆసిన్‌. వీటిలో ఆమె భర్త రాహుల్‌ శర్మ కూడా ఉన్నాడు. ఇక రూమర్స్‌కు ఫుల్‌స్టాప్‌ పడినట్లే కదా!

ప్రముఖ గాయని చిత్ర తన కుమార్తె జయంతి సందర్భంగా ఎమోషనల్ అయ్యారు. ఈ సందర్భంగా కూతురికి సోషల్ మీడియాలో శుభాకాంక్షలు తెలిపారు. ట్విటర్ వేదికగా ఫోటోను షేర్ చేస్తూ ఆ రోజులను గుర్తు చేసుకున్నారు. ట్విటర్‌లో చిత్ర రాస్తూ.. 'స్వర్గంలో దేవ కన్యలతో వేడుకలు జరుపుకుంటున్న నీకు పుట్టినరోజు శుభాకాంక్షలు. ఎన్నేళ్లు గడిచినా నీ వయసు పెరగదు. నాకు దూరంగా ఉన్నా క్షేమంగా ఉన్నావని నాకు తెలుసు. నిన్ను ఎంతో మిస్ అవుతున్నా. హ్యాపీ బర్త్‌ డే మై డియరెస్ట్‌ నందన.' అంటూ ఎమోషనల్ ట్వీట్ చేశారు.  కాగా.. 2011లో దుబాయ్‌లో ఉండగా నందన(8) స్విమ్మింగ్‌ పూల్‌లో పడి మరణించింది.  pic.twitter.com/qHWWTOY09z — K S Chithra (@KSChithra) December 18, 2022

సినిమాలకు చిన్న బ్రేక్‌ ఇచ్చినట్టున్నారు అల్లు అర్జున్‌. తదుపరి సినిమా షురూ చేయడానికి కంగారు పడటం లేదు. ఈ సమయాన్ని ఫ్యామిలీకి ఎక్కువగా కేటాయిస్తున్నారాయన. బుధవారం అల్లు అర్జున్‌ కుమార్తె అర్హా పుట్టినరోజు. అర్హా బర్త్‌డేను కుటుంబ సమేతంగా గోవాలో సెలబ్రేట్‌ చేసుకున్నారు అల్లు అర్జున్‌. ‘‘నా ^è బ్బీ డాల్‌ అర్హాకు రెండో బర్త్‌డే శుభాకాంక్షలు. తన బర్త్‌డేను గోవాలో సెలబ్రేట్‌ చేసుకున్నాం’’ అని పేర్కొన్నారు అల్లు అర్జున్‌. సినిమాల విషయానికి వస్తే అల్లు అర్జున్‌ నెక్ట్స్‌ త్రివిక్రమ్‌ దర్శకత్వంలో యాక్ట్‌ చేయబోతున్న సంగతి తెలిసిందే. ఈ సినిమా డిసెంబర్‌లో సెట్స్‌ మీదకు వెళ్లనుంది. అలాగే తమిళ సూపర్‌ హిట్‌ ‘96’ రీమేక్‌లో కూడా అల్లు అర్జున్‌ కనిపిస్తారని టాక్‌.

ప్రస్తుత ఐపీఎల్‌ సీజన్‌లో సురేశ్‌ రైనా చెన్నై సూపర్‌కింగ్స్‌ తరఫున అడుతున్న విషయం తెలిసిందే. రైనా తన కూతురు గ్రేసియా బర్త్‌డే వేడుకను ఢిల్లీలో మంగళవారం ఘనంగా నిర్వహించారు. ఈ వేడుకలో చెన్నై సూపర్‌ కింగ్స్‌  కెప్టెన్‌ మహేంద్ర సింగ్‌ ధోని, బ్రావో తదితరులు పాల్గొని సందడి చేశారు. చెన్నై జట్టు ఈ నెల 18న ఢిల్లీ డేర్‌డెవిల్స్‌తో తలపడనుంది. ఇందులో భాగంగా  ప్లేయర్స్‌ ఢిల్లీ చేరుకున్నారు. ఈ ఐపీఎల్‌లో చెన్నై సూపర్‌ కింగ్స్‌ ప్లే ఆఫ్‌కు చేరుకున్న విషయం విదితమే. చెన్నై సూపర్‌ కింగ్స్‌ తదుపరి మ్యాచ్‌ పంజాబ్‌ జట్టుతో ఆడనుంది. బంధువులు, సన్నిహితుల మధ్య గ్రేసియా పుట్టిన రోజు వేడుకలు ఘనంగా జరిగాయి. హర్భజన్‌ సింగ్‌ తన భార్య గీతా బస్రా కుమార్తె హినయాతో కలిసి వేడుకకు హాజరయ్యారు. ప్రస్తుతం ఈ వేడుకలకు సంబంధించిన వీడియోలు, ఫొటోలు సోషల్‌ మీడియాలో హాచ్‌చల్‌ చేస్తున్నాయి. సురేశ్‌ రైనా ఓ వీడియోను తన ట్విటర్‌లో పోస్టు చేశాడు. 20 సంవత్సరాల ఉన్న యువతిలా  ఆమె యాక్ట్‌ చేస్తోందని రైనా ట్విట్‌ పెట్టాడు.