న్యూఢిల్లీ: మారుతీ సుజుకీ తమ ప్రీమియం హ్యాచ్‌బ్యాక్‌ స్విఫ్ట్‌ కారులో 4వ జనరేషన్‌ మోడల్‌ను విడుదల చేసింది. దీని ధర రూ. 6.49 లక్షల నుంచి రూ. 9.64 లక్షల వరకు (ఢిల్లీ ఎక్స్‌షోరూం) ఉంటుంది. ఈ కారును అభివృద్ధి చేయడంపై రూ. 1,450 కోట్లు ఇన్వెస్ట్‌ చేసినట్లు సంస్థ ఎండీ హిసాషి తకెయుచి తెలిపారు. హ్యాచ్‌బ్యాక్‌ సెగ్మెంట్‌ అమ్మకాల్లో ప్రీమియం విభాగం వాటా 60 శాతంగా ఉంటోందని పేర్కొన్నారు. ప్రస్తుతం ఏటా 7 లక్షల యూనిట్లుగా ఉన్న ఈ సెగ్మెంట్‌ 2030 నాటికి పది లక్షల యూనిట్లకు చేరగలదని అంచనా వేస్తున్నట్లు పేర్కొన్నారు.


 ముంబై:  ‘ఫ్యాసినో’ పేరుతో కొత్త స్కూటర్‌ను యమహా మార్కెట్‌లో విడుదల చేసింది. దీని ధర రూ.52,500 (ఢిల్లీ ఎక్స్ షోరూం). ఎయిర్ కూల్, 4-స్ట్రోక్ 113 సీసీ ఇంజిన్ వంటి ప్రత్యేకతలు దీని సొంతం. ఐదు రంగుల్లో లభ్యమవుతున్న ఈ స్కూటర్ లీటర్‌కు 66 కిలోమీటర్ల మైలేజ్ ను ఇస్తుందని కంపెనీ తెలిపింది. యువత లక్ష్యంగా, వారిని ఆకర్షించడానికి ఈ సరికొత్త హంగులతో స్కూటర్‌ను మార్కెట్‌లోకి తెచ్చామని ఈ సందర్భంగా  యమహా మోటార్ ఇండి యా మేనేజింగ్ డెరైక్టర్ మసకి అసనో అన్నారు.