హైదరాబాద్: తెలంగాణలో వైఎస్ఆర్ సీపీని బలోపేతం చేయడం, మండల, గ్రామస్థాయి కమిటీల నియామకంపై పార్టీ నేతలు చర్చించారు. పార్టీ కేంద్ర కార‍్యాలయంలో జరిగిన టీవైఎస్ఆర్ సీపీ జిల్లాల వారీ సమీక్షలు బుధవారం ముగిశాయి. పార్టీ అధికార ప్రతినిధి కొండా రాఘవ రెడ్డి మాట్లాడుతూ.. జిల్లాల వారీగా పార్టీ పరిస్థితి, ప్రజల సమస్యల గురించి చర్చించినట్టు చెప్పారు.
 
 తెలంగాణ ప్రభుత్వం రుణమాఫీని తక్షణం సంపూర్ణంగా అమలు చేయాలని కొండా రాఘవ రెడ్డి డిమాండ్ చేశారు. మిషన్ కాకతీయ పేరుతో ప్రచారానికి వందల కోట్ల రూపాయలు ఖర్చు పెడుతున్నారని, నిధుల వ్యయం, పనులపై శ్వేతపత్రం విడుదల చేయాలని చెప్పారు.


 హైదరాబాద్ : తెలంగాణ రాష్ట్రంలో పార్టీ జిల్లా సమీక్షా సమావేశాలు జులై 16 నుంచి ప్రారంభమవుతాయని టీవైఎస్ఆర్ కాంగ్రెస్ పార్టీ అధ్యక్షుడు గట్టు శ్రీకాంత్రెడ్డి వెల్లడించారు. బుధవారం హైదరాబాద్లో పార్టీ అధికార ప్రతినిధి కొండా రాఘవరెడ్డితో కలసి గట్టు శ్రీకాంత్రెడ్డి విలేకర్లతో మాట్లాడుతూ... ఈ నెల 16వ తేదీన నల్గొండ, మహబూబ్నగర్, రంగారెడ్డి జిల్లాల సమీక్షా సమావేశం నిర్వహిస్తున్నట్లు తెలిపారు.
 అలాగే 18వ తేదీన నిజామాబాద్, ఆదిలాబాద్, వరంగల్ జిల్లాల సమీక్షా సమావేశం నిర్వహిస్తామని చెప్పారు. 19వ తేదీన గ్రేటర్ హైదరాబాద్, కరీంనగర్ జిల్లాల సమీక్షా సమావేశం ఉంటుందని వివరించారు. 20వ తేదీన మెదక్, ఖమ్మం జిల్లాల సమీక్షా సమావేశం నిర్వహించనున్నట్లు వారు వివరించారు.