డిసెంబరు నెల వచ్చిందంటే చాలా మందికి పగలు త్వరగా పూర్తయి..రాత్రి వేగంగా వచ్చేస్తుంది. చలి ముసుగుపెట్టిస్తుంది. కొంత మందికి మాత్రం చీకటిపడుతుంటేనే తెల్లవారుతుంది. ఉత్తేజం పెరుగుతుంది. ఉత్సాహం ఉరకలేస్తుంది. పార్టీలను ఇష్టపడేవారికి ఈ నెలంతా పున్నమే. వెలుగు జిలుగుల వేడుకల వెన్నెలే.   – సాక్షి, సిటీబ్యూరో  సాక్షి, హైదరాబాద్‌ : సంవత్సరాంతపు నెలను ఈవెంట్లకు ప్రారంభపు నెలగా పార్టీ సర్కిల్‌ పేర్కొంటుంది. ఈ నెలలో ఎటు చూసినా పేజ్‌ త్రీ పార్టీలు, పబ్స్, క్లబ్స్‌లో డీజేల హంగామా ఉధృతంగా ఉంటుంది. మరి ఈ నెలకి ఇంత ప్రయార్టీ దేనికి అంటే...  సునామీకి ముందు తుఫాన్లు...  సునామీకి ముందు వచ్చే తుఫాన్లలాగా... పార్టీలకే పెద్దన్న లాంటి న్యూ ఇయర్‌ జోష్‌ ఈ నెలలో పార్టీ ప్రపంచపు సందడికి ప్రధాన కారణం. సిటీలో వేల సంఖ్యలో న్యూ ఇయర్‌ ఈవెంట్స్‌ జరుగుతాయనేది తెలిసిందే. సదరు ఈవెంట్స్‌లో భాగం అయ్యేందుకు సంసిద్ధమయ్యే పార్టీ ప్రియులను ఆకట్టుకునేలా పార్టీ నిర్వాహకులు ఇప్పటి నుంచే ప్రయత్నాలు ప్రారంభిస్తారు. ముందస్తుగానే తమ నైట్‌ ఈవెంట్స్‌ ఏ స్థాయిలో ఉంటాయో రుచి చూపించాలని తహతహలాడతారు. ఈ నేపథ్యంలో ఈ నెలంతా టాప్‌ క్లాస్‌ డీజేలు, లైవ్‌ బ్యాండ్స్‌ సిటీ మీద ఓ రకంగా చెప్పాలంటే దండెత్తుతాయి.   ప్రీ... కల్చర్‌  మరో వైపు ఇటీవల కొత్తగా పుట్టుకొచ్చిన ప్రీ పార్టీ కల్చర్‌. ప్రధాన ఈవెంట్‌కు ముందు నమూనాగా  నిర్వహించే ఈ ప్రీ ఈవెంట్‌ పార్టీ కల్చర్‌ న్యూ ఇయర్‌కూ పాకింది. ఇప్పుడు సిటీలో ప్రీ న్యూ ఇయర్‌ పార్టీల వెల్లువ సహజంగా మారిపోయింది. ఇక పార్టీలు, గెట్‌ టు గెదర్‌లకు చిరునామా లాంటి క్రిస్మస్‌ కూడా ఇదే నెలలో కావడంతో కేక్‌ మిక్సింగ్‌ ఈవెంట్స్, ప్రీ క్రిస్మస్‌ వేడుకలు కూడా హోరెత్తుతాయి. సిటీలోని ప్రతి లేడీస్‌ క్లబ్‌ ప్రీ క్రిస్మస్‌ పార్టీ, న్యూ ఇయర్‌ పార్టీలను తప్పనిసరిగా నిర్వహిస్తాయి. అలా ఈ రెండు ముఖ్యమైన సందర్భాలు కలిసి సిటీలోని పార్టీ సర్కిల్‌కి రాత్రి నిద్రను దూరం చేస్తాయి.  నేటి నుంచే నెల సందడి...  ఈ ఏడాది డిసెంబరు నెల ప్రారంభమయ్యేది ఆదివారం అయినా వారాంతపు రోజైన శనివారమే సిటీలో పార్టీ జోష్‌ ఊపందుకుంది. శనివారం సాయంత్రం 5 గంటల నుంచి 10 గంటల వరకు శంషాబాద్‌లోని జీఎమ్‌ఆర్‌ ఎరీనాలో జరుగనున్న ప్రపంచ ప్రఖ్యాత మ్యూజిక్‌ ఫెస్టివల్‌ ‘డోన్ట్‌ లెట్‌ డాడీ నౌ’ ఈ జోష్‌కి క్లాప్‌ కొట్టనుంది. అగ్రగామి అంతర్జాతీయ డీజే ఆఫ్రోజాక్, బ్రూక్స్, సెమ్‌ వోక్స్‌ సహా ప్రపంచస్థాయి ప్రజాదరణ పొందిన డీజేలు గ్రెఫ్, గౌరవ్‌ మెహతా, రోనిక్, రిష్‌లు ఈ ప్రోగ్రామ్‌లో పాల్గొంటూ సిటీలో పార్టీ సైరన్‌ని మోగించనున్నారు. జూబ్లీహిల్స్‌లోని కార్పె డైమ్‌లో శనివారం రాత్రి 8 గంటల నుంచి 12:30 వరకు బాలీవుడ్‌ ఫేమస్‌ డీజే సాష్‌ క్రేజీ బీట్స్‌ గుండెల్ని తాకనున్నాయి.  వేడుకల హోరు...  క్రిస్మస్‌కు ముందే సిటీలో వెల్లువెత్తుతున్న వేడుకల్లో కొన్ని ఈ నెల నగరం ఎంత హుషారుగా ఉండబోతోందో వెల్లడిస్తున్నాయి. బంజారాహిల్స్‌లోని అలియన్స్‌ ఫ్రాంచైజ్‌లో ఈ నెల 13న సాయంత్రం 5:30 గంటల నుంచి 8:30 గంటల వరకు  ప్రీ క్రిస్మస్‌ పార్టీ నిర్వహిస్తోంది.. ఫ్రెంచ్‌ స్నాక్స్, వైన్, గేమ్స్, క్రిస్టమస్‌ కరోల్స్‌ ఈ పార్టీ  స్పెషల్‌. అలాగే ఆదివారం బంజారాహిల్స్‌లోని రియాత్‌లో సాయంత్రం 6 నుంచి 12:30 వరకు సండే సన్‌డోనర్‌ బ్రెయిన్‌ బ్లాస్ట్‌ లైనప్‌తో నైట్‌పార్టీ నిర్వహిస్తున్నారు. నగరానికి దగ్గర్లోని వికారాబాద్‌లోని అనంతగిరి హిల్స్‌లో న్యూ ఇయర్‌ప్రీ పార్టీ అండ్‌ నైట్‌ క్యాపింగ్‌ ఏర్పాటు చేస్తున్నారు. ఈ డెస్టినేషన్‌ పార్టీ డిసెంబర్‌ 28న ప్రారంభం  కానుంది. ట్రెక్కింగ్, ఉత్కంఠభరితమైన సూర్యాస్తమయాలు, మనసుకు హాయిగొలిపే సంగీతం, బార్బెక్యూ రాత్రులు...ఇలా పూర్తిగా ప్రకృతి ఒడిలో 2 రోజుల పాటు ప్రీ పార్టీ జరగనుంది. డిసెంబర్‌ 21న బేగంపేట్‌లోని ఐటీసీ కాకతీయలో ర్యాపర్‌తో రీ మిక్స్‌డ్‌ లైవ్‌ మరో స్పెషల్‌ ఈవెంట్‌. దీనిలో ఇంటర్నేషనల్‌ ర్యాప్‌స్టా చెర్రీ డిసౌజా  హిప్‌ హాప్‌ మ్యూజిక్‌తో కేక పుట్టించనున్నారు.


 ఎంతో పేరొచ్చింది
 
 డీజే వృత్తిలో ప్రవేశించి ఎనిమిదేళ్లు దాటింది. నాలుగు వేలకు పైగా షోలు చేశా. దోహా, ఖతార్, ఢిల్లీ, చెన్నై, బెంగళూరు, కోల్‌కతాల్లో డీజేగా చేశా. బాలీ వుడ్ నటులు నా ప్రతిభను మెచ్చుకున్నారు. అహ్మదాబాద్ ఉడాన్ సంస్థ నుంచి  ‘ఔట్‌స్టాండింగ్ ఫిమేల్ డీజే’, మోస్ట్ గ్లామరస్ గుజరాతీ డీజే అవార్డులు అందుకున్నా. ఒకప్పుడు ఇది మన సంప్రదాయం కాదన్నవారే ఇప్పుడు రూపాలీ మాకు గర్వకారణమంటున్నారు. మ్యూజిక్‌లో ఎన్నో ప్రయోగాలు చేయాలని ఉంది. గుజరాతీ, పంజాబీ, బాలీవుడ్ సంగీతాన్ని నాదైన శైలిలో ప్లే చేయగలను. ఒక వృద్ధాశ్రమం పెట్టి సేవచేయాలన్నది నా కోరిక.
 
 ఎవరైనా రాణించొచ్చు:  పురుషుల కంటే మహిళలకు మ్యూజిక్ సెన్స్ ఎక్కువ. మరి అలాంటిది వారు మ్యూజిక్ రంగంలోకి ఎందుకు రాకూడదు. నిబద్ధత, శ్రమ ఉండాలేకానీ యువతులు కూడా ఇందులో రాణించవచ్చు. ఆదాయం ఎక్కువ.
  
 మాది గుజరాత్ రాజధాని గాంధీనగర్ సమీపంలోని బరూచ్. నాన్న ఎస్‌బీఐలో పనిచేసి రిటైరయ్యారు. మేం ముగ్గురం అక్కాచెల్లెళ్లం. చిన్నప్పటి నుంచి ఫ్రెండ్స్‌తో పార్టీలు, ఫంక్షన్లకు వెళ్తుండడంతో అక్కడ ప్లే చేసే డీజే మ్యూజిక్‌పై ఇష్టం ఏర్పడింది. ఎలాగైనా డీజే మ్యూజిక్ నేర్చుకోవాలన్న కోరిక కలిగింది. ఇంట్లో చెబితే అమ్మానాన్న ససేమిరా అన్నారు. మన సంప్రదాయం మరిచి డీజేగా పనిచేయడమనే ఆలోచనే వారికి నచ్చలేదు. డీజే అంటే పబ్‌లు, క్లబ్‌లు అర్ధరాత్రి వరకూ తాగి చిందులేయడాలు.. అలాంటివి అవసరమేలేదన్నారు. వారికున్న ఈ దురాభిప్రాయాన్ని మార్చడానికి చాలా కష్టపడ్డా. ఫ్రెండ్స్, బంధువులు కూడా నిరుత్సాహపరిచిన వారే.
  
 ఆయనే ఆదిగురువు..
 నా భర్త రాహుల్ లేకుంటే నేను లేను. ఆయన అహ్మదాబాద్‌లో సౌండ్ ఇంజనీర్‌గా పనిచేసేవారు. డీజే మ్యూజిక్ చాలా బాగా ప్లే చేసేవారు. ఆయన వద్దనే ఈ విద్య నేర్చుకున్నా. తొలుత చిన్నచిన్న పార్టీల్లో ప్లే చేశా. క్రమేణా మా సాన్నిహిత్యం పెరిగి ఇరువురి మధ్య ప్రేమ చిగురించింది. పెళ్లిచేసుకున్నాం. నన్నెంతో అర్థం చేసుకున్న వ్యక్తి నా భర్తే. ఏ టైమ్‌లో ఇంటికెళ్లినా ఆయనే వంట చేసి భోజనం వడ్డిస్తారు. విచ్చలవిడి సంస్కృతిలో గడిపినా నేను మద్యం, ధూమపానం అలవాటు చేసుకోలేదు.  
  
 డీజే వృత్తి అంటేనే సబ్‌కాన్షియస్‌లో ఉన్న మనుషుల మధ్య గడపడం. మహిళగా నేనూ ప్రారంభంలో చాలా భయానక పరిస్థితులెదుర్కున్నా. అహ్మదాబాద్‌లోని ఓ ఫాంహౌస్‌లో న్యూ ఇయర్ పార్టీలో డీజే ప్లే చేస్తుంటే తాగిన ఓ యువకుడు పదేపదే కజ్‌రారే.. కజ్‌రారే పాటను ప్లే చేయమన్నాడు. అప్పటికే పదిసార్లు ఆ పాట వినిపించడంతో ఇక కుదరదన్నా. అంతే జేబులో నుంచి గన్‌తీసి నుదుటకు పెట్టి ప్లే చేస్తావా?లేదా? అని బెదిరించాడు. నాకు ప్రాణం పోయినంత పనైంది. వెంటనే ఫంక్షన్ ఆర్గనైజర్లు అతన్ని తీసుకెళ్లారు. నా కెరీర్‌లో అత్యంత భయానక స్థితి అదే.