మీరు చిత్రంలో చూస్తున్నది రెండంతస్తుల.. డబుల్ డెక్కర్ రైలు. ఇది మంగళవారం విజయవాడ నుంచి డోర్నకల్ మీదుగా
  వెళ్లింది.
 
 రైళ్ల కోసం ప్రయాణికులు డోర్నకల్ స్టేషన్‌లో ఎదురుచూస్తుండగా..అకస్మాత్తుగా ఈ డబుల్ డెక్కర్ రైలు వచ్చి
  ఆగడంతో దాన్ని ఆసక్తిగా తిలకించారు.  రైలు లోపల ఏర్పాట్లు ఎలా ఉంటాయోనని చర్చించుకున్నారు.        - డోర్నకల్
  
  


 ఇది ప్రపంచంలోనే అత్యంత లోతైన ఈత కొలను. ఎంత అంటే.. 12 అంతస్తుల బిల్డింగ్ అంత.. 9 డబుల్ డెక్కర్ బస్సులను ఒకదానిపై మరొకటి పెడితే.. ఎంతుంటుందో అంత.. దీని లోతు 131.2 అడుగులు. వై-40 పేరిట నిర్మించిన ఈ స్విమ్మింగ్ పూల్ ఇటలీలోని మాంటిగ్రొత్తో తెర్మేలో ఉన్న తెర్మే మిల్లెపినీ హోటల్‌లో ఉంది.
 
 ఇందులో నీటి అడుగున సొరంగం లాంటిదాన్ని కూడా నిర్మించారు. ఈత కొట్టడం రాని వారు.. దీన్లోకి వెళ్లడం ద్వారా నీటి కింద ఉన్న అనుభూతిని పొందవచ్చు. అత్యంత లోతైన ఈ ఈత కొలను ఫ్రీ డైవింగ్, స్కూబా డైవింగ్ చేసే వాళ్లకు బాగా ఉపయోగపడుతుంది.