చిత్తూరు (కలెక్టరేట్): చిత్తూరు, నెల్లూరు, ప్రకాశం జిల్లాల పట్టభద్రుల, ఉపాధ్యాయుల శాసనమండలి నియోజకవర్గ ఎన్నికలకు సంబంధించిన ఓటర్ల నమోదును డిసెంబరు 8వ తేది వరకు ఎన్నికల సంఘం  గడువును పొడిగించినట్లు నియోజకవర్గ ఓటర్ల నమోదు అధికారి, డీఆర్‌వో విజయ్‌చందర్ తెలిపారు. బుధవారం స్థానిక డీఆర్‌వో కార్యాలయంలో ఆయన  విలేకరుల తో మాట్లాడారు. వచ్చే ఏడాది జనవరి, ఫిబ్రవరిలో ఎన్నికలు జరిగే అవకాశం ఉందన్నారు. ఇప్పటివరకు చిత్తూరు జిల్లాలో పట్టభద్రులు 73,332 మంది దరఖాస్తులు అందాయని, వాటిని పరిశీలించిన అనంతరం సక్రమంగా లేని 10,084 దరఖాస్తులు తిరస్కరించగా, నికరంగా 63,248 నమోదయ్యాయన్నారు. 
  
  ఉపాధ్యాయులకు సంబంధించి 8,788 మంది దరఖాస్తు చేసుకోగా అందులో సక్రమంగాలేని 1,459 దరఖాస్తులు తిరస్కరించగా,  7,329 దరఖాస్తులు ఓటర్లుగా నమోదు చేశారన్నారు. అదేవిధంగా ప్రకాశం జిల్లాలో పట్టభద్రుల ఓటర్లుగా 72,375 మందిని, ఉపాధ్యాయ ఓటర్లుగా 5,252 మందిని, నెల్లూరు జిల్లాలో పట్టభద్రుల ఓటర్లుగా 63,477 మందిని, ఉపాధ్యాయ ఓటర్లుగా 4,407 మందిని నమోదు చేసినట్లు ఆయన వివరించారు.  గురువారం నుంచి డిసెంబరు 8వరకు ఈ జాబితాపై ఆక్షేపణలు, ఫిర్యాదులను స్వీకరిస్తామన్నారు. జాబితాలో మృతులు, బోగస్, వలసపోరుునవారు  సమాచారం ఇస్తే  వాటిని తొలగిస్తామన్నారు. అర్హతవుండి ఓటర్లుగా నమోదు చేసుకోని వారుకూడా దరఖాస్తు చేసుకోవచ్చన్నారు. ప్రస్తుత జాబితాలో లేని వారు  తిరిగి నమోదు చేసుకునే అవకాశం కల్పించామన్నారు. దరఖాస్తు చేసుకున్న జాబితాలను పరిశీలించి డిసెంబరు 30న తుది ఓటర్ల జాబితాను ప్రకటిస్తామన్నారు. 


 28 మంది డీటీలకు స్థానచలనం
 బి.కొత్తకోట తహశీల్దారు సస్పెన్షన్
 పెద్దమండ్యం ఎమ్మార్వో తొలగింపు
 {పకటించిన డీఆర్‌వో విజయ్‌చందర్
  
 చిత్తూరు (అగ్రికల్చర్):  జిల్లాలో 39 మంది తహశీల్దార్లను బదిలీ చేసిన ట్లు డీఆర్‌వో విజయ్‌చందర్ ప్రకటించారు. గురువారం స్థానిక కలెక్టరేట్‌లో ఆయన విలేకరులతో మాట్లాడారు. జిల్లాలోని రెవెన్యూ అధికారులు, సిబ్బంది బదిలీలను పారదర్శకంగా చేపట్టామన్నారు. ఐదేళ్లు సర్వీసు పూర్తిచేసుకున్న ఉద్యోగులతోపాటు, మూడేళ్లు పూర్తి చేసుకున్న వారిని కూడా కొందరిని జీవో ప్రకారం బదిలీ చేశామన్నారు.
 
 
 అలాగే మూడేళ్లు సర్వీసు పూర్తికాని ఉద్యోగుల్లో కూడా ఫిర్యాదులున్న వారిని బదిలీ చేసినట్లు ఆయన తెలియజేశారు. మొత్తం 100 మంది ఉద్యోగులను బదిలీ చేశామన్నారు.  ఇందులో  39 మంది తహశీల్దార్లు, 28 మంది డిప్యూటీ తహశీల్దార్లు, 18 మంది సీనియర్ అసిస్టెంట్‌లు, ఆరుగురు జూనియర్ అసిస్టెంట్‌లు, ఇద్దరు టైపిస్టులు, ఏడుగురు వీఆర్వోలు ఉన్నట్లు వెల్లడించారు.  కాగా బి.కొత్తకోట తహశీల్దారును సస్పెండ్ చేసినట్లు, పెద్దమండ్యం తహశీల్దారును విధుల నుంచి తొలగించినట్లు ఆయన తెలిపారు.