స్మార్ట్‌ఫోన్ కోసం మరీ 20, 30 వేల రూపాయలు ఖర్చు చేయడం దండగనుకునే వారికి జపనీస్ కంపెనీ పానసోనిక్ అందుబాటులోకి తెచ్చిన తాజా ఫోన్ ఈ పీ31. అయిదు అంగుళాల ఎఫ్‌డబ్ల్యూవీజీఏ డిస్‌ప్లే, సంజ్ఞలతోనూ పనిచేసే అత్యాధునిక టెక్నాలజీల కలబోతగా ఉండే ఈ ఫోన్ ఖరీదు కేవలం రూ.11,990 మాత్రమే. ప్లే లైఫ్ ఫీచర్  గెస్చర్స్ కంట్రోల్, పాటల ఆర్గనైజేషన్ కోసం, మల్టీటాస్కింగ్, బ్యాటరీ పొదుపు కోసం పనికొస్తుంది. మధ్యమశ్రేణి ఫోన్ అయినప్పటికీ కనెక్టివిటీకి సంబంధించి త్రీజీతోపాటు వైఫై, ఏ-జీపీఎస్, వైఫై హాట్‌స్పాట్, బ్లూటూత్ వంటి ఆప్షన్లు అన్నీ అందుబాటులో ఉన్నాయి. రెండు మైక్రోసిమ్ కార్డులను మాత్రమే సపోర్ట్ చేయడం కొంచెం ఇబ్బందికరమైన అంశం.
  
  ప్రాసెసర్:     1.3 గిగాహెర్ట్జ్, క్వాడ్‌కోర్
  ప్రధాన కెమెరా:     8 మెగాపిక్సెల్స్
  ఫ్రంట్ కెమెరా:     వీజీయే
  ఆపరేటింగ్ సిస్టమ్:     4.2 జెల్లీబీన్
  ర్యామ్:     1 జీబీ
  మెమరీ:     4 జీబీ ఇంటర్నల్
      (మైక్రోఎస్‌డీ కార్డుతో 32 జీబీ వరకూ పెంచుకోవచ్చు)
  బ్యాటరీ:    2000 ఎంఏహెచ్ ( 9 గంటల టాక్‌టైమ్, 600 గంటల స్టాండ్‌బై)