సగం పాఠశాలల్లో కానరాని కార్యక్రమం
 సమన్వయ లోపంతో తొలిరోజే గ్రహణం
 భానుగుడి (కాకినాడ) : విద్యార్థుల్లో సృజనను వెలికితీసి, పుస్తక పఠనంపై శ్రద్ధ పెంచాలన్న తలంపుతో ఎస్‌సీఈఆర్‌టీ రూపొందించిన పఠనోత్సవం కార్యక్రమం తొలిరోజు జిల్లాలో సగం పాఠశాలలకే పరిమితమైంది. సోమవారం నుంచి ఈనెల 14వ తేదీ వరకు దీని అమలుకు అధికారులకు ఆదేశాలు ఇచ్చింది. బాలల దినోత్సవాన్ని పురస్కరించుకుని రూపొందించిన ఈ కార్యక్రమం ఆదిలోనే హంసపాదు అన్నట్టు తయారైంది. 
 సమావేశమేదీ..సమన్వయం ఎక్కడ?
 అక్టోబరు 27న ఎస్‌సీఈఆర్‌టీ ద్వారా వెలువడిన ఉత్తర్వుల ప్రకారం డీఈవో సంబంధిత ఉపవిద్యాశాఖాధికారులతో, మండల విద్యాశాఖాధికారులతో, రాజీవ్‌ విద్యామిషన్, సర్వశిక్షాభియాన్, డైట్‌ ప్రిన్సిపాల్స్‌తో ప్రత్యేక సమావేశం నిర్వహించాల్సి ఉంది. ఆయా అ«ధికారుల సమన్వయంతో అన్ని పాఠశాలల్లోను కార్యక్రమం నిర్వహించాల్సి ఉంది. జిల్లాలో సోమవారం నుంచి పఠనోత్సవాలు ప్రారంభమయినా ఇప్పటి వరకు ఏ అ«ధికారితోను డీఈవో సమావేశం నిర్వహించలేదు.  జిల్లాలో సగానికి పైగా పాఠశాలలకు ఈ కార్యక్రమ వివరాలు తెలియలేదు. ప్రతి చిన్న విషయాన్ని డీఈవో వెబ్‌సైట్లో ఉంచే అ«ధికారులు ఈ రాష్టస్థాయి కార్యక్రమాన్ని విస్మరించడం విమర్శలకు తావిస్తోంది. మండల విద్యాశాఖాధికారులు, ఉపవిద్యాశాఖాధికారులు ప్రధానోపాధ్యాయులతో సమావేశం నిర్వహించి కార్యక్రమాన్ని జరిపించాలి. పైస్థాయిలోనే పక్కతోవ పట్టడంతో మండల, డివిజ¯ŒS స్థాయిలోను అదే తరహా ధోరణి నెలకొంది. దీంతో సమాచారం తెలిసిన పాఠశాలల్లో మాత్రమే ఈ కార్యక్రమాన్ని నిర్వహించారు.
 సగం పాఠశాలల్లో నిల్‌.
 జిల్లాలో 1నుంచి 10వ తరగతి వరకు 5,760 పాఠశాలల్లో 7లక్షల50వేలమంది విద్యార్థులకు ఈ పఠనోత్సవ కార్యక్రమం నిర్వహించాల్సి ఉంది. పదోతరగతి విద్యార్థులు సైతం ఈ కార్యక్రమంలో పాల్గొనాల్సిందే. రోజువారీ 6, 7, 8 పిరియడ్లలో ఈ కార్యక్రమం జరగాలి. కనీసం రెండోరోజైనా జిల్లా అధికారులు శ్రద్ధ తీసుకుని విద్యార్థులకు ఉపకరించే కార్యక్రమాన్ని పూర్తిస్థాయిలో అమలుపరచాలని విద్యావేత్తలు, ఉపాధ్యాయ సంఘాల ప్రతినిధులు కోరుతున్నారు. కాకినాడలో ఎండోమెంట్‌ పాఠశాల, గుడారిగుంట, గాంధీనగర్‌ మినహా మిగిలిన పాఠశాలల్లో పద్యపఠనాన్ని అయిందనిపించడం గమనార్హం. దీనిపై కలెక్టర్‌ విచారణ నిర్వహించి బాధ్యులపై చర్యలు తీసుకోవాలని వారంటున్నారు.
 కొన్నిచోట్లే ప్రారంభం
 కంబాలచెరువు (రాజమహేంద్రవరం) : జిల్లాలో సోమవారం కొన్ని ప్రభుత్వ పాఠశాలల్లో ఈ కార్యక్రమం ప్రారంభమైంది. ఈ పఠనోత్సవాలను ఈనెల 14 వరకు నిర్వహించేలా ప్రణాళిక రూపొందించించారు. విద్యార్థులు ఒక కథ రాస్తే దానికి శీర్షిక, చక్కని ప్రారంభ వాక్యాలు, ముగింపు ఉండేలా ఉపాధ్యాయులు సలహాలు ఇవ్వాల్సివుంది. దాతల ద్వారా గ్రంథాలయ పుస్తకాలు విద్యార్థులకు అందుబాటులో ఉండేలా చూడాలి. సోమవారం పద్యపఠనం ప్రారంభంకాగా, ఎనిమిదిన కథలు చెప్పించడం, తొమ్మిదిన వ్యాసాలు, కథనాలపై స్పందన, 10న నాటికలు, 11న సృజనాత్మక రచనలు ఉంటాయి. వీటిలో మంచి ప్రతిభ కనపర్చిన వారికి ఈనెల 14 బాలల దినోత్సవం నాడు బహుమతులు అందజేస్తారు. వీటిలో ఒకటి నుంచి పదో తరగతి చదువుతున్న విద్యార్థులంతా పాల్గొనేలా చూడాల్సిన బాధ్యత ప్రధానోపా«ధ్యాయులదే. ఈ పఠనోత్సవాలపై రోజువారీ నివేదికను జిల్లాలోని స్థానిక విద్యాశాఖ కార్యాలయాల్లో అందజేయాల్సి వుంది. పఠనోత్సవాలను నిత్యం పర్యవేక్షిస్తామని డిప్యూటీ స్కూల్స్‌ ఆఫ్‌ ఇన్‌ స్పెక్టర్‌ అయ్యంకి తులసీదాస్‌ తెలిపారు. వీటిని పాటించని పాఠశాలలపై తగు చర్యలు చేపడతామన్నారు.
  


 కొత్తపేట సీహెచ్‌ఎన్‌సీ కార్యాలయం
 జిల్లాలో మూతపడ్డ 25 సీహెచ్‌ఎన్‌సీలు
 మినీ డీఎంహెచ్‌ఓలుగా ఉపకరించిన క్లస్టర్లు
 అయిదున్నరేళ్లుగా సేవలందించిన వ్యవస్థ
 రద్దుతో పీహెచ్‌సీలపై కొరవడనున్న పర్యవేక్షణ
 కొత్తపేట : జిల్లాలో అయిదున్నరేళ్లుగా ప్రాథమిక ఆరోగ్య కేంద్రాల (పీహెచ్‌సీ) నిర్వహణ, పరిపాలనను సులభతరం చేస్తూ మినీ డీఎం అండ్‌ హెచ్‌ఓలుగా సేవలందించిన కమ్యూనిటీ హెల్త్‌ అండ్‌ న్యూట్రిషన్‌ క్లస్టర్‌ (సీహెచ్‌ఎన్‌సీ)లకు బుధవారం తెరపడింది. సీహెచ్‌ఎన్‌సీ వ్యవస్థను రద్దు చేస్తూ ఈ నెల 7న ప్రభుత్వం జీఓ జారీ చేసింది. దాంతో జిల్లాలో గల 25 సీహెచ్‌ఎన్‌సీలు బుధవారం మూతపడ్డాయి. ఆ క్టస్టర్లలో పనిచేస్తున్న వైద్యాధికారులు, సిబ్బంది గతంలో పనిచేసిన స్థానాలకు తిరిగి Ðð ళ్లనున్నారు. ఈ మేరకు గురువారం రిపోర్టు చేయనున్నారు. జిల్లాలో 119 పీహెచ్‌సీలు ఉండగా వాటిని జిల్లా మెడికల్‌ అండ్‌ హెల్త్‌ ఆఫీసర్‌ కార్యాలయం (డీఎం అండ్‌ హెచ్‌ఓ) పర్యవేక్షించేది. పీహెచ్‌సీలకు సంబంధించి అన్ని వ్యవహారాలనూ ఆ కార్యాలయమే నిర్వహించాల్సి వచ్చేది. ఈ నేపథ్యంలో పరిపాలనా సౌలభ్యం సీహెచ్‌ఎన్‌సీ వ్యవస్థ ఏర్పడింది. 
 దివంగత ముఖ్యమంత్రి వైఎస్‌ హయాంలోనే ప్రతిపాదన
 దివంగత ముఖ్యమంత్రి వైఎస్‌ రాజశేఖరరెడ్డి హయాంలోనే ఈ క్లస్టర్‌ వ్యవస్థకు బీజం పడింది. అప్పటి వైద్య ఆరోగ్య శాఖ ప్రిన్సిపల్‌ సెక్రటరీ పీవీ రమేష్‌ ప్రాథమిక ఆరోగ్య కేంద్రాల పాలనా, నిర్వహణలను సులభతరం చేసేందుకు సీహెచ్‌ఎన్‌సీలు ఏర్పాటు చేయాలన్న ప్రతిపాదనను వైఎస్‌ ముందుంచారు. ప్రజారాగ్యానికి అత్యధిక ప్రాముఖ్యం ఇవ్వాలన్న సంకల్పంతో ఆయన అందుకు అంగీకరిం మరికొన్ని సూచనలు చేశారు. అయితే ఆయన హఠాన్మరణంతో అప్పట్లో ఆ వ్యవస్థ సాకారం కాకపోయినా.. తదుపరి పాలకుల 2011 ఫిబ్రవరిలో సీహెచ్‌ఎన్‌సీలను ప్రారంభించారు. 2 లక్షల జనాభాకు ఒక క్లస్టర్‌ చొప్పున రాష్ట్రవ్యాప్తంగా 360 క్లస్టర్‌లు ఏర్పాటయ్యాయి. పీహెచ్‌సీలు, ఏరియా ఆసుపత్రుల్లో పని చేస్తున్న వైద్యాధికారులు, సిబ్బందిని క్లస్టర్లలో నియమించారు. ఒక్కో క్లస్టర్‌కు సీనియర్‌ పబ్లిక్‌ హెల్త్‌ ఆఫీసర్‌  (సుమారు రెండేళ్ళ క్రితం డిప్యూటీ డీఎం అండ్‌ హెచ్‌ఓగా స్థాయిని పెంచారు), సీహెచ్‌ఓ, డీపీఎంఓ, హెచ్‌ఈ, ఎంపీహెచ్‌ఈఓ, ఎస్‌ఏతో పాటు కొన్ని క్లస్టర్స్‌లో ఆప్తాల్మిక్‌ ఆఫీసర్, ఓఎస్‌లను కూడా నియమించారు. అయితే తగినన్ని పరిపాలధినాకారాలు మాత్రం కల్పించలేదు. జిల్లా కేంద్రంలో ఉండే డీఎం అండ్‌ హెచ్‌ఓ కార్యాలయం నిర్వహించే  జాతీయ ఆరోగ్య కార్యక్రమాల పర్యవేక్షణ, పీహెచ్‌సీల పనితీరు పరిశీలన తదితర బాధ్యతలను ఈ క్లస్టర్‌ ద్వారా నిర్వహిసూ ్తవచ్చారు.
 మెరుగు పరచడం మాని కనుమరుగు చేశారు..
 జిల్లాలో 25 సీహెచ్‌ఎన్‌సీలు ఏర్పాటు కాగా ఒక్కోదాని పరిధిలో 6 నుంచి 9 పీహెచ్‌సీలు ఉండేవి. ఉదాహరణకు కొత్తపేట క్లస్టర్‌ పరిధిలో 6, పి.గన్నవరం క్లస్టర్‌ పరిధిలో 8 పీహెచ్‌సీలుండగా  మండపేట పరిధిలో అత్యధికంగా 9 పీహెచ్‌సీలు ఉన్నాయి. ఇప్పుడు సీహెచ్‌ఎన్‌సీల రద్దుతో పీహెచ్‌సీలపై పర్యవేక్షణ కొరవడుతుంది. ప్రభుత్వపరంగా  ప్రజలకు వైద్యసేవలు అందించడంలో ముందు వరుసలో ఉండే పీహెచ్‌సీల ద్వారా మరిన్ని సేవలు, మరింత సత్వరం అందేలా సీహెచ్‌ఎన్‌సీలను మరింత మెరుగుపరచడం పోయి అసలు ఆ వ్యవస్థనే రద్దు చేయడాన్ని పలువురు తప్పు పడుతున్నారు.  ప్రభుత్వ నిర్ణయంతో ఇకపై పీహెచ్‌సీల వైద్యాధికారులు, పలువురు సిబ్బంది, ఉన్నతాధికారులు నిర్వహించే సమావేశాలకు జిల్లా కేంద్రాలకు వెళ్ళవలసి ఉంటుందని, పర్యవసానంగా వైద్యసేవలు కుంటుపడతాయని అంటున్నారు. తెలంగాణలో సీహెచ్‌ఎన్‌సీల వ్యవస్థ కొనసాగుతుండగా ఇక్కడ రద్దు చేయడంపై పునరాలోచించాలని కోరుతున్నారు.
  


 ఎస్‌ఎఫ్‌ఐ ఆధ్వర్యంలో కలెక్టరేట్‌ను ముట్టడించిన విద్యార్థులు
 కాకినాడ సిటీ : హాస్టళ్ల మూసివేతను నిరసిస్తూ బుధవారం భారత విద్యార్థి ఫెడరేషన్‌ (ఎస్‌ఎఫ్‌ఐ) కలెక్టరేట్‌ను ముట్టడించింది. రాష్ట్రవ్యాప్త ఆందోళనలో భాగంగా చేపట్టిన ఈ కార్యక్రమంలో విద్యార్ధులు అధిక సంఖ్యలో పాల్గొని సుమారు మూడు గంటల పాటు కలెక్టరేట్‌ గేటు ముందు బైఠాయించారు. విద్యార్థి సంఘ నాయకులు మాట్లాడుతూ రాష్ట్ర ప్రభుత్వ రెండేళ్ల పాలనలో పేద విద్యార్థులను చదువుకు దూరం చేసిందని విమర్శించారు. హస్టళ్లను మూసివేస్తూ రెసిడెన్షియల్‌ పాఠశాలలుగా మారుస్తున్నామని బూటకపు ప్రచారం చేస్తోందని ధ్వజమెత్తారు. ముఖ్యమంత్రి చంద్రబాబు ప్రజా సంక్షేమానికి తూట్లు పొడుస్తూ కార్పొరేట్‌వర్గాలకు అనుకూలంగా వ్యవహరిస్తున్నారన్నారు. సంక్షేమ హాస్టళ్ల మూసివేత ఆపాలని, మూసిన వాటిని వెంటనే తిరిగి పునఃప్రారంభించాలని, వసతి గృహాల్లో మౌలిక వసతులు కల్పించాలని, శాశ్వత భవనాలు నిర్మించాలని, ఫీజులకు అనుగుణంగా ఉపకార వేతనాలు, మెస్‌చార్జీలు, కాస్మొటిక్‌ చార్జీలు పెంచాలని, విద్యార్థులకు ప్రతినెలా వైద్యపరీక్షలు నిర్వహించాలని, సిబ్బంది పోస్టులు భర్తీ చేయాలని, ప్రతి హాస్టల్‌కు వార్షిక సమీక్ష కమిటీ ఏర్పాటు చేయాలని డిమాండ్‌ చేశారు. కార్యక్రమంలో భారత విద్యార్థి ఫెడరేషన్‌ జిల్లా కార్యదర్శి టి.రాజా, మహిళా కన్వినర్‌ స్పందన, నాయకులు దుర్గాప్రసాద్, శివ, శివదుర్గా  పాల్గొన్నారు.