శ్యామ్ సంగ్‌ గెలాక్సీ ఎస్‌7 అమ్మకాల్లో దూసుకుపోతోంది. మార్చిలో విడుదలైన ఈ గెలాక్సీ కొద్ది రోజుల్లోనే శ్యామ్ సంగ్‌ ఎలక్ట్రానిక్స్‌ కు భారీ లాభాలను చేకూర్చింది. ఈ ఫోన్ విడుదలకు ముందు అమ్మకాలు 9 మిలియన్‌ యూనిట్లకు చేర్చాలని కంపెనీ నిర్ణయించింది. అనుకున్నట్లుగానే ఆ లక్ష్యాన్ని గెలాక్సీ ఎస్ 7 పూర్తి చేసుకుని ఇంకా వేగంగా ముందుకు వెళుతోంది. ఎస్‌6 గెలాక్సీ కంటే ఈ యూనిట్ల అమ్మకాలు మూడురెట్లు అధికమని శ్యామ్ సంగ్‌ తెలిపింది.
 ఈ కంపెనీ షేర్లు కూడా మార్కెట్లో లాభాల బాటలో నడుస్తున్నాయి. ఎస్‌6 ఎడ్జ్‌ కంటే తక్కువ ధరతో, కొత్త ఫీచర్స్‌తో ఎస్ 7 మార్కెట్లోకి వచ్చింది. అమెరికా, యూరప్‌ లో గెలాక్సీ ఎస్‌6 కంటే ఎస్‌7 కే ఎక్కువ డిమాండ్‌ ఉందని మార్కెట్‌ విశ్లేషకులు తెలిపారు. శ్యామ్ సంగ్‌ మార్కెట్‌ షేరును పెంచడానికి గెలాక్సీ ఎస్‌7 ఎంతో దోహదం చేసిందని, చైనాతోపాటు ప్రపంచవ్యాప్తంగా దీని అమ్మకాలు ఎక్కువగా ఉన్నాయన్నారు. 2016 ఏడాదిలో అన్నీ స్మార్ట్‌ ఫోన్‌ ఆండ్రాయిడ్లలో శ్యామ్ సంగ్‌ గెలాక్సీ ఎస్‌7నే భళా అనిపించుకుంటోంది.      
 శ్యామ్ సంగ్‌ గెలాక్సీ ఎస్‌7 ఫీచర్స్‌:
 డిస్‌ ప్లే : 5.1 అంగుళాలు
 సిమ్‌ల సౌకర్యం: డ్యూయల్‌ సిమ్‌(ఒకటి నానో సిమ్, మరొకటి సాధారణ సిమ్‌)
 ఆపరేటింగ్‌ సిస్టమ్‌ : ఆండ్రాయిడ్‌ వి6.0
 రామ్‌ : 4జీబీ
 మెమోరీ : 32/64 జీబీ, మెక్రో ఎస్‌డీ 200 జీబీ వరకు
 కెమెరా: 12 ఎంపీ ఎఫ్‌/ 1.7 ప్రైమరీ కెమెరా, 26 ఎమ్‌ఎమ్, 5ఎమ్‌పీ
 ఫ్రంట్‌ కెమెరా విత్‌ డ్యూయల్‌ వీడియో కాల్‌
  


 విడుదల చేసిన శాంసంగ్  ధరలు రూ.48,900; రూ.56,900
 న్యూఢిల్లీ: దక్షిణ కొరియా మొబైల్ హ్యాండ్‌సెట్స్ తయారీ కంపెనీ శాంసంగ్ తాజాగా గెలాక్సీ ఎస్7, ఎస్7 ఎడ్జ్ స్మార్ట్‌ఫోన్స్‌ను మంగళవారం భారత మార్కెట్‌లో ఆవిష్కరించింది. ఈ రెండు స్మార్ట్‌ఫోన్లు 32 జీబీ, 64 జీబీ అనే రెండు స్టోరేజ్ వేరియంట్లలో అందుబాటులో ఉండనున్నాయి. ఇవి వాటర్, డస్ట్ రెసిస్టెంట్ ఫీచర్‌ను కలిగి ఉన్నాయి. వినియోగదారులు ఈ స్మార్ట్‌ఫోన్స్‌ను శాంసంగ్ వెబ్‌సైట్‌లోకి వెళ్లి ప్రి-బుకింగ్ చేసుకోవచ్చు. మార్చి 8-18 మధ్యకాలంలో ప్రి-బుకింగ్ చేసుకున్న కస్టమర్లకు కంపెనీ వర్చువల్ రియాలిటీ(వీఆర్)ను ఉచితం గా అందిస్తోంది. కాగా ఈ రెండు స్మార్ట్‌ఫోన్స్ ఓపెన్ మార్కెట్‌లో మార్చి 18 నుంచి అందుబాటులోకి రానున్నాయి.
  గెలాక్సీ ఎస్7: ఈ స్మార్ట్‌ఫోన్‌లో 5.1 అంగుళాల తెర, ఆక్టాకోర్ ప్రాసెసర్, 5 ఎంపీ ఫ్రంట్ కెమెరా, 4 జీబీ ర్యామ్, ఆండ్రాయిడ్ 6.0 మార్ష్‌మాలో ఓఎస్, 32 జీబీ మెమరీ, 4జీ, 12 ఎంపీ రియర్ కెమెరా, 3,000 ఎంఏహెచ్ బ్యాటరీ వంటి ప్రత్యేకతలు ఉన్నాయి. దీని ధర రూ.48,900గా ఉంది.
  గెలాక్సీ ఎస్7 ఎడ్జ్: 5.5 అంగుళాల తెర, ఆక్టాకోర్ ప్రాసెసర్, 5 ఎంపీ ఫ్రంట్ కెమెరా, 4 జీబీ ర్యామ్, 4జీ, ఆండ్రాయిడ్ 6.0 మార్ష్‌మాలో ఓఎస్, 32 జీబీ మెమరీ, 12 ఎంపీ రియర్ కెమెరా, 3,600 ఎంఏహెచ్ బ్యాటరీ వంటి ప్రత్యేకతలు ఉన్నాయి. దీని ధర రూ.56,900.