గువాహటి: అస్సాంలోని నాగామ్‌ జిల్లాలో మృగాళ్లు రెచ్చిపోయారు. స్కూల్‌ నుంచి ఇంటికొచ్చిన ఓ బాలిక(12)పై అత్యాచారానికి పాల్పడ్డ కామాంధులు తర్వాత కిరోసిన్‌ పోసి నిప్పంటించారు. 90 శాతం కాలిన గాయాలైన బాధితురాలిని నాగామ్‌లోని ఆస్పత్రికి తరలించగా శనివారం ఆమె చికిత్స పొందుతూ కన్నుమూసింది. పోలీసులు తెలిపిన వివరాల ప్రకారం.. ధనియభెటి లలున్‌గాన్‌ గ్రామంలో ఐదో తరగతి చదువుతున్న బాలిక ఇంట్లో ఒంటరిగా ఉండటాన్ని గమనించిన ఐదుగురు కామాంధులు ఆమెను గ్యాంగ్‌రేప్‌ చేసి తర్వాత కిరోసిన్‌ పోసి నిప్పంటించారు. నిందితుల్లో ఇద్దరు మైనర్లు బాధితురాలితో కలసి చదువుకుంటున్నవారే. బాలిక వాంగ్మూలం ఆధారంగా ఈ ఇద్దరిని పోలీసులు అరెస్టుచేశారు.

సాక్షి, న్యూఢిల్లీ: దేశ రాజధానిలో  మరో  దారుణం జరిగింది. ఒక మహిళను బలవంతంగా ఎత్తుకెళ్లి కదులుతున్న కారులో  సామూహిక అత్యాచారం చేసిన సంఘటన కలకలం రేపింది. శుక్రవారం సాయంత్రం ఈ ఘటన చోటు చేసుకుంది.  సిటీ ఎస్‌పీ అరుణ్‌ కుమార్‌  సింగ్‌ అందించిన సమాచారం ప్రకారం నోయిడా గోల్ఫ్ కోర్స్ మెట్రో స్టేషన్ నుంచి ఒక మహిళను   కొందరు  దుండగులు కిడ్నాప్‌ చేశారు. స్కారియో వాహనంలోకి బలవంతంగా  ఒక వ్యక్తి అపహరించుకు వెళ్లాడు. కారులో ఇద్దరు వ్యక్తులు ఉన్నట్టుగా తెలుస్తోంది. అనంతరం అఘాయిత్యానికి పాల్పడి అక్షరధామం మెట్రో స్టేషన్‌వద్ద  వదిలి వెళ్లిపోయారు. స్థానికుల సమాచారంతో సంఘటనా స్థలానికి చేరుకున్న పోలీసులు బాధితురాలని వైద్య పరిక్షల నిమిత్తం ఆసుపత్రికి తరలించారు.   కేసు నమోదు చేసి దర్యాప్తు  మొదలు పెట్టారు.


 బెంగళూరు : పాఠశాలకు వెళుతున్న బాలికను కిడ్నాప్ చేసి పలు మార్లు అత్యాచారం చేసిన కేసులో ఇద్దరిని బెంగళూరు శివారులోని మాదనాయకనహళ్లి పోలీసులు బుదవారం అరెస్ట్ చేశారు. వివరాల్లోకి వెళితే... మాదనాయకనహళ్లికి చెందిన బాలిక(14), స్థానిక పాఠశాలలో ఎనిమిదవ తరగతి చదువుతోంది. నాలుగు నెలల క్రితం బాలిక పాఠశాలకు వెళుతున్న సమయంలో ఇద్దరు ఆమెను కిడ్నాప్ చేసి, నిర్జన ప్రాంతానికి తీసుకెళ్లి పలుమార్లు అత్యాచారం జరిపారు. అనంతరం విషయాన్ని బయటకు చెబితే కుటుంబసభ్యులందరినీ హతమారుస్తామని బెదిరించి, వదిలేశారు.
  
  దీంతో ఈ విషయాన్ని బాలిక ఎవరికి చెప్పలేదు. మంగళవారం బాలిక తీవ్రమైన కడుపునొప్పితో బాధపడుతుండడంతో నెలమంగలలోని ఓ ప్రైవేట్ ఆస్పత్రికి తల్లిదండ్రులు పిలుచుకెళ్లారు. అక్కడ పరీక్షలు నిర్వహించిన అనంతరం బాలిక గర్భవతి అని తేలింది.  తల్లిదండ్రులు ఆరాతీయగా జరిగిన దుశ్చర్యను బాలిక ఏకరువు పెట్టింది. దీంతో బాధితులు పోలీసులకు ఫిర్యాదు చేశారు. బాలిక తెలిపిన ఆధారాల మేరకు కామాంధులను బుధవారం అరెస్ట్ చేశారు.