దేశమంతా సంక్రాంతి సంబరాలు మిన్నంటాయి. ఒక్కోచోటు ఒక్కో తీరులో వేడుకలు అంబరాన్ని అంటేలా ఉత్సాహంగా జరుపుకున్నారు. ఇక తమిళనాడు రాష్ట్రంలో సంక్రాంతి సంబరాలు చాలా వినూత్నంగా ఉంటాయి. ఈ పండుగ సందర్భంగా కూతూరికి అల్లుడికి బట్టలు పెట్టడం, కానుకలు ఇవ్వడం వంటివి చేస్తారు. అలానే తమిళనాడు రాష్ట్రానికి చెందిన ఓ తండ్రి కూతురికి సంక్రాంతి కానుక ఇచ్చేందుకు ఎంత పెద్ద సాహసం చేశాడో వింటే షాకవ్వుతారు. అక్కడ చెరుకు గడలతో పాయసం వండుతారు. అందుకని 70 ఏళ్ల వయసులో ఉన్న ఈ తండ్రి 14 కిలోమీటర్లు సైకిల్‌పై ప్రయాణించి మరీ సంక్రాతి కానుక అందించాడు. అందుకు సంబంధించిన వీడియో నెట్టింట తెగ వైరల్‌ అవుతోంది. వివరాల్లోకెళ్తే..తమిళనాడు రాష్ట్రం పుదు కొట్టై ప్రాంతానికి చెందిన చెల్లాదురై వృత్తిరీత్యా వ్యవసాయం చేస్తుంటాడు. ఇతడి కూతురు పేరు సుందర పాల్. ఈమెకు 2006లో వివాహం జరిగింది. వివాహం జరిగి 10 సంవత్సరాల వరకు ఆమెకు పిల్లలు కలగలేదు. 2016లో ఆమె గర్భం దాల్చింది. ఇద్దరు కవలలకు జన్మనిచ్చింది. ఇక అప్పటినుంచి చెల్లదురై ఆనందానికి అవధులు లేవు. అప్పటినుంచి తన కూతురి ఇంటికి ప్రతి సంక్రాంతికి చెల్లాదురై వెళ్లి..ఆమెకు, ఆమె పిల్లలకు ఏదో ఒక కానుక ఇచ్చి వస్తుంటారు. అక్కడ సంక్రాంతి పండుగను భారీగా నిర్వహిస్తుంటారు. ముఖ్యంగా కొత్త పంటలు ఇంటికి రావడంతో అక్కడ చెరకు గడలతో పాయసం వండుకోవడం అనేది ఆచారం. అయితే ఈ సంక్రాంతికి తన కూతురు, మనవరాళ్ల కోసం చెల్లాదురై సాహసం చేశారు.  పుదుకొట్టై ప్రాంతంలో ఉంటున్న తన కూతురి కోసం చెరుకు గడల గుత్తిని తలపై పెట్టుకుని 14 కిలోమీటర్ల పాటు ప్రయాణించి ఆమె ఇంటికి వెళ్లారు. చెరుకు గడలు ఆమెకు ఇచ్చారు. మనవరాళ్లకు కొత్త దుస్తులు కొనిచ్చారు. అయితే ఇలా చెల్లాదురై తలపై చెరుకు గడలు పెట్టుకొని సైకిల్ తొక్కుతున్న వీడియోను ఓ యువకుడు తీసి సోషల్ మీడియాలో పోస్ట్ చేయడంతో నెట్టింట హాట్‌టాపిక్‌గా మారింది.  #WATCH | Pudukkottai, Tamil Nadu: An elderly man carried a bunch of sugarcane on his head and rode a bicycle for 14 kilometres to give it as a Pongal gift to his daughter. People watched him with surprise and cheered for him on his way pic.twitter.com/gvxQPGjXz1 — ANI (@ANI) January 14, 2024 (చదవండి: శాండ్‌విచ్‌ బ్యాగ్‌ ధర వింటే షాకవ్వడం ఖాయం!)

అక్టోబర్‌ 18న జ్యోతిక బర్త్‌డే. ఆ రోజు సూర్య ఏం గిఫ్ట్‌ ఇస్తారో చెప్పలేం కానీ, ‘కాట్రిన్‌ మొళి’ టీమ్‌ మాత్రం ఆమెకో గిఫ్ట్‌ ఇవ్వనుంది. ఇటీవలే ఈ చిత్రంలో తన పాత్రకు సంబంధించిన చిత్రీకరణ పూర్తయిన సందర్భంగా యూనిట్‌ సభ్యులకు పట్టు చీరలు, పట్టు పంచెలు, పట్టు చొక్కాలు బహుకరించారు జ్యోతిక. ఆమె బర్త్‌డే సందర్భంగా ఈ చిత్రాన్ని విడుదల చేయాలని యూనిట్‌ డిసైడ్‌ అయింది. సో.. ‘కాట్రిన్‌ మొళి’ అక్టోబర్‌ 18న రిలీజ్‌ కానుందన్నమాట. విద్యా బాలన్‌ హిందీ హిట్‌ మూవీ ‘తుమ్హారీ సులు’కి రీమేక్‌ ఇది. జ్యోతికతో పదేళ్ల క్రితం ‘మొళి’ వంటి హిట్‌ చిత్రాన్ని తెరకెక్కించిన రాధామోహన్‌ ఈ రీమేక్‌కి దర్శకుడు. ఆల్రెడీ హిందీలో హిట్టయిన చిత్రం కాబట్టి రీమేక్‌ కూడా హిట్‌ కావడం గ్యారంటీ అని ఫిక్స్‌ అవ్వొచ్చు. సినిమా బాగా వస్తోందని యూనిట్‌ అంటోంది. సో.. ఈ చిత్రవిజయం జ్యోతికకు మంచి బర్త్‌డే గిఫ్ట్‌ అవుతుందని చెప్పొచ్చు.


 కొత్తవలస: ప్రజలతో పోలీసుల సత్సంబంధాలు మరింత మెరుగుపరుచుకోవాలనే సదుద్దేశంతో కొత్తవలస మేజరుపంచాయతీ మాజీ సర్పంచ్‌ మామిడి సరయ్యశెట్టి ఇంటివద్ద శనివారం  జరిగిన పెండ్లివేడుకలలో పోలీసులు పాల్గొని వధూవరులను ఆశీర్వదించారు. పోలీస్‌దుస్తులలో హెచ్‌సీ ఎ.రెహమాన్‌ కానిస్టేబుల్‌ జి.రమేష్‌ పెండ్లివద్దకు వెళ్లి పూసర్ల సత్యనారాయణ,రామేశ్వరి దంపతులకు కొత్తబట్టలతోపాటు పసుపుకుంకుమ ఇచ్చి పోలీస్‌శాఖ తరఫున ఆశీర్వదించారు. పోలీస్‌దుస్తులతో పెళ్లివద్దకు వెళ్లడంతో పోలీసులువస్తున్నారని  కంగారు పడినా తరువాత పోలీసుల తీరును పెళ్లివారందరూ ప్రశంసించారు.