డిసెంబర్ చివరి వారం నుంచి మీడియం రేంజ్ హీరోలతో పాటు స్టార్ హీరోలు కూడా రిలీజ్ లకు రెడీ అవుతుండటంతో చిన్న సినిమాలు వరుస రిలీజ్‌లకు క్యూ కడుతున్నాయి. గత మూడు నాలుగు వారాలుగా ప్రతీ వారం ఆరడజనుకు తగ్గకుండా తెలుగు సినిమాలు రిలీజ్ అవుతున్నాయి. ఈ వారం ఆ సందడి మరింత పెరగనుంది. ఈ శుక్రవారం (15-12-2017) ఏకంగా డజనుకు పైగా సినిమాలు ప్రేక్షకుల ముందుకు వస్తున్నాయి. బుల్లితెర యాంకర్ జయతి స్వయంగా నిర్మిస్తూ నటించిన ‘లచ్చి’, మరో యాంకర్ రవి హీరోగా పరిచయం అవుతూ తెరకెక్కిన ‘ఇది మా ప్రేమకథ’తో పాటు ఇంట్రస్టింగ్ కాన్సెప్ట్ తో తెరకెక్కిన ‘సీత రాముని కోసం’, కుటుంబ కథా చిత్రం, మామ ఓ చందమామ, ప్రేమ పందెం, తొలి పరిచయం, ఉందా లేదా, జూలియట్ లవర్ ఆఫ్ ఇడియట్ వంటి తెలుగు సినిమాలతో పాటు విక్రమ్, సమంతలు జంటగా తెరకెక్కి తమిళ నాట నిరాశపరిచిన 10 తెలుగు వర్షన్ కూడా ఈ శుక్రవారమే ప్రేక్షకుల  ముందుకు రానుంది.  అంతేకాదు గురువారం కూడా రెండు సినిమాలు రిలీజ్ అవుతున్నాయి. స్ట్రయిట్ తెలుగు సినిమాగా తెరకెక్కిన కిస్ కిస్ బ్యాంగ్ బ్యాంగ్ తో పాటు సందీప్ కిషన్ హీరోగా తెరకెక్కిన డబ్బింగ్ సినిమా ప్రాజెక్ట్ జెడ్ కూడా గురువారం రిలీజ్ అవుతున్నాయి. వీటితో పాటు మరో దృశ్యం, పడిపోయా నీ మాయలో సినిమాలు కూడా శుక్రవారమే రిలీజ్ అయ్యే అవకాశం ఉంది.


 బుల్లితెరపై లేడీ యాంకర్ల హవా నడుస్తున్న ప్రస్తుత టైమ్‌లో మేల్‌ యాంకర్‌గా తానేంటో ప్రూవ్‌ చేసుకోవడంతో పాటు ప్రేక్షకుల్లో మంచి గుర్తింపు పొందాడు రవి. ఇప్పటివరకు బుల్లితెర ప్రేక్షకులను అలరించిన రవి హీరోగా వెండితెర ప్రేక్షకులను అలరించేందుకు రెడీ అయ్యారు.
 రవి హీరోగా అయోధ్య కార్తీక్‌ దర్శకత్వంలో మత్స్య క్రియేషన్స్ పతాకంపై ‘ఇది మా ప్రేమకథ’ పేరుతో ఓ చిత్రం రూపొందింది. ‘1 ఈజ్‌ గ్రేటర్‌ దేన్ ’ అన్నది ఉప శీర్షిక. దర్శకుడు మాట్లాడుతూ– ‘‘ఇదొక ఫీల్‌ గుడ్‌ లవ్‌ ఎంటర్‌టైనర్‌. రవి సరసన ఇద్దరు కథానాయికలు నటించారు. ప్రస్తుతం పోస్ట్‌ ప్రొడక్షన్  పనులు జరుగుతున్నాయి. రవి ఫస్ట్‌ లుక్‌ను త్వరలో ఓ సెలబ్రిటీ విడుదల చేయ నున్నారు. ఏప్రిల్‌లో సినిమాను రిలీజ్‌ చేయాలనుకుంటున్నాం’ అన్నారు. ఈ చిత్రానికి సహ నిర్మాత: పి.ఎల్‌.కె.రెడ్డి.


 యాంకర్గా బుల్లితెర మీద తిరుగులేని పాపులారిటీ సొంతం చేసుకున్న రవి అతి త్వరలో వెండితెరపై కథానాయకుడిగా పరిచయం కానున్నాడు. మత్స్య క్రియేషన్స్ పతాకంపై  అయోధ్య కార్తీక్ను దర్శకుడిగా పరిచయం చేస్తూ తెరకెక్కిస్తున్న ఫీల్ గుడ్ లవ్ ఎంటర్టైనర్తో ద్వారా యాంకర్ రవి హీరోగా ఇంట్రడ్యూస్ అవుతున్నాడు.
 
 ఈ సినిమాకు "ఇది మా ప్రేమ కథ" అనే టైటిల్తో పాటు '1>99' (1 ఈజ్ గ్రేటర్ దేన్ 99) అనే ట్యాగ్ లైన్ను యాడ్ చేశారు. కార్తీక్ కొడకండ్ల సంగీత దర్శకత్వం వహిస్తున్న ఈ సినిమా షూటింగ్ కార్యక్రమాలు పూర్తి చేసుకొని ప్రస్తుతం నిర్మాణాంతర కార్యక్రమాలు జరుపుకుంటోంది.  రవి సరసన ఇద్దరు అందాల భామలు నటించిన ఈ సినిమాను సమ్మర్లో రిలీజ్ చేసేందుకు ప్లాన్ చేస్తున్నారు. త్వరలోనే ఈ చిత్రంలోని రవి ఫస్ట్ లుక్ను ఓ ప్రముఖ సెలబ్రిటీ ఆన్ లైన్లో విడుదల చేస్తారని యూనిట్ సభ్యులు తెలియజేశారు.