నేడు ఢిల్లీలో రిసెప్షన్
 న్యూఢిల్లీ: పెళ్లి హడావుడి ముగిసిన తర్వాత కూడా భారత క్రికెటర్ హర్భజన్ సింగ్ ఇంకా బిజీ బిజీగా గడుపుతున్నాడు. ఈనెల 27 నుంచి పెళ్లి కార్యక్రమాల్లో పాల్గొన్న భజ్జీ ఇప్పుడు స్నేహితులకు పార్టీలు ఇవ్వడం, ఇతరత్రా అంశాలతో మరింత సందడి చేస్తున్నాడు. ఈనెల 29న పెళ్లి తంతు ముగిసిన తర్వాత 30న ఇంటికే పరిమితమైన హర్భజన్... సాంప్రదాయ కార్యక్రమాల్లో పాల్గొన్నాడు. శనివారం మాత్రం ఈ వ్యవహారాన్ని పక్కనబెట్టిన స్పిన్నర్ ఢిల్లీలోని చత్తర్‌పూర్‌లో తన స్నేహితుడి ఫామ్ హౌస్‌లో పార్టీని ఏర్పాటు చేశాడు.
 
 పసందైన విందుతో పాటు స్నేహితులకు కాక్ టెయిల్ పార్టీ ఇచ్చి అదరగొట్టాడు. బ్యాటింగ్ దిగ్గజం సచిన్, కోహ్లి, యువరాజ్, ధావన్‌లు ఈ పార్టీకి హాజరైనట్లు సమాచారం. మరోవైపు ఆదివారం ఢిల్లీలో రిసెప్షన్‌కు భజ్జీ అన్ని ఏర్పాట్లు పూర్తి చేశాడు. ప్రధాని నరేంద్ర మోదీతో పాటు క్రికెటర్లు, ఇతర ప్రముఖులు ఈ కార్యక్రమానికి వచ్చే అవకాశం ఉంది.


 భారత క్రికెటర్ హర్భజన్ సింగ్ అక్టోబరులో ఓ ఇంటివాడు కానున్నాడు. బాలీవుడ్ నటి గీతా బాస్రాతో అతని వివాహం అక్టోబరు 29న జరుగుతుందని క్రికెటర్ సన్నిహిత వర్గాలు వెల్లడించాయి. జలంధర్‌కు 20 కిలోమీటర్ల దూరంలోని పగ్వారాలో ఉన్న ఓ హోటల్‌లో పంజాబీ సంప్రదాయంలో ఈ పెళ్లి జరగనుంది. ఒకవేళ దక్షిణాఫ్రికాతో సిరీస్‌లో వన్డేలలో భజ్జీకి చోటు దక్కితే మాత్రం వివాహ తేదీలో మార్పు జరుగుతుంది. కేవలం టెస్టుల్లో ఉండేటట్లయితే సమస్య లేదు. చాలాకాలంగా హర్భజన్, గీతాబాస్రా ప్రేమలో ఉన్నారు. గత సీజన్‌లో ముంబై ఇండియన్స్ ఆడిన అనేక మ్యాచ్‌లకు ఆమె వచ్చింది. ఈ వివాహానికి పలువురు క్రికెటర్లతో పాటు బాలీవుడ్ నటులు హాజరవుతారని క్రికెటర్ సన్నిహితులు చెబుతున్నారు.