హైదరాబాద్: ఫ్యుజిఫిల్మ్ ఇండియా కంపెనీ ఇన్‌స్టాక్స్ మిని రేంజ్‌లో మూడు కొత్త  ఉత్పత్తులను మార్కెట్లోకి తెచ్చింది. ఈ ఏడాది ఆరంభంలో  ఇన్‌స్టాక్స్ సిరీస్ ఇన్‌స్టాక్స్  కెమెరాలను మార్కెట్లోకి తెచ్చామని, ఈ కెమెరాలకు మంచి స్పందన లభిస్తోందని ఫ్యుజిఫిల్మ్ ఎండీ యసునొబు నిషియమ పేర్కొన్నారు. మారుతున్న  భారత యువ వినియోగదారుల అభిరుచులకనుగుణంగా ఈ ఉత్పత్తులను అందిస్తున్నామని తెలిపారు. ఇన్‌స్టాక్స్ మిని 70 కెమెరా ధర రూ.11,500 అని తెలిపారు. 
 
 శాన్‌రియో కంపెనీ భాగస్వామ్యంతో ఇన్‌స్టాక్స్ మిని హెలో కిట్టీ  కెమెరాను రూపొందించామని ధర రూ.8,900 అని పేర్కొన్నారు. ఈ రెండు కెమెరాల ఫీచర్లు దాదాపు ఒకటేనని చెప్పారు. ఇన్‌స్టాక్స్ కెమెరాల నుంచి తీసుకున్నట్లుగానే స్మార్ట్‌ఫోన్‌లో తీసిన ఫొటొలను ప్రింట్‌లుగా తీసిచ్చే  స్మార్ట్‌ఫోన్ ప్రింటర్.. ఇన్‌స్టాక్స్ షేర్ ధర రూ.14,500 అని వివరించారు.