జగిత్యాలఅగ్రికల్చర్‌: పొలాస వ్యవసాయ కళా శాల రావెప్‌ విద్యార్థులు శిక్షణలో భాగంగా గ ురువారం నిజమాబాద్‌ జిల్లా కమ్మర్‌పల్లిలోని పసుపు పరిశోధన స్థానాన్ని సందర్శించారు. పసుపుపై జరుగుతున్న పరిశోధనలపై శాస్త్రవేత్తలు బి.మహేందర్‌, పి.శ్రీనివాస్‌ విద్యార్థుల కు వివరించారు. వ్యవసాయ వర్సిటీ సలహా మండలి మాజీ సభ్యులు పూడూరు రాంరెడ్డి పాల్గొన్నారు. పసుపు బోర్డు ఏర్పాటైనందున అత్యధిక కుర్కుమిన్‌ శాతం ఉండే పసుపు రకాలను రైతులకు పరిచయం చేయాలని సూచించారు. పదో తరగతి విద్యార్థులకు స్నాక్స్‌ ● నిధులు మంజూరు చేసిన విద్యాశాఖ ● వచ్చేనెల ఒకటి నుంచి అమలు రాయికల్‌: జిల్లాలోని ప్రభుత్వ పాఠశాలలో పదో తరగతి చదువుతున్న విద్యార్థులకు అల్పాహారం పెట్టేందుకు నిధులు మంజూరు చేస్తున్నట్లు డీఈవో రాము తెలిపా రు. ‘ఆకలి చదువులు’ శీర్షికన గురువారం ‘సాక్షి’లో ప్రచురితమైన కథనానికి డీఈఓ స్పందించారు. ఫిబ్రవరి ఒకటో తేదీ నుంచి మార్చి 20వరకు పదవ తరగతి విద్యార్థులకు ఒక్కొక్కరికి రూ.15 చొప్పున స్నాక్స్‌ కోసం ప్రభుత్వం నిధులు మంజూరు చేసిందని తెలిపారు. ఆయా పాఠశాలలోని విద్యార్థుల సంఖ్య ఆధారంగా నిధులు జమ అవుతాయని పేర్కొన్నారు. వరదకాలువకు మూడు వేల క్యూసెక్కుల నీటి విడుదలజగిత్యాలఅగ్రికల్చర్‌: శ్రీరాంసాగర్‌ ప్రాజెక్ట్‌ నుంచి వరద కాలువకు గురువారం మూడు వేల క్యూసెక్కుల నీటిని వదిలారు. కాకతీయ మెయిన్‌ కెనాల్‌కు 3,200 క్యూసెక్కుల నుంచి 1,375 క్యూసెక్కులకు తగ్గించారు. వరద కా లువ నుంచి లింక్‌ ద్వారా కాకతీయ కాలువ రెండో జోన్‌ ఆయకట్టుకు నీటిని విడుదల చేస్తున్నట్లు ఎస్సారెస్పీ అధికారులు తెలిపారు. ప్ర స్తుతం ప్రాజెక్ట్‌లో 1081.70 అడుగులు.. నీటి నిల్వ సామర్థ్యం 49.753 టీఎంసీలుగా ఉంది. జాతీయస్థాయిలో గుర్తింపు తేవాలిసారంగాపూర్‌: బీర్‌పూర్‌ మండలకేంద్రంలోని ఆయుష్మాన్‌ ఆరోగ్యమందిర్‌కు జాతీయస్థాయిలో గుర్తింపు తెచ్చేలా సిబ్బంది పనిచేయాలని డెప్యూటీ డీఎంహెచ్‌వో శ్రీనివాస్‌ అన్నారు. ఆయుష్మాన్‌ ఆరోగ్య మందిర్‌ (సబ్‌సెంటర్‌) గురువారం తనిఖీ చేశారు. ఈ కేంద్రాన్ని జాతీయ నాణ్యత ప్రమాణాల బృందం ఫిబ్రవరిలో పరిశీలించనుందని, రోగులకు సేవలందించడంలో, రికార్డుల నిర్వాహణ, పరిశుభ్రత, సమయపాలనలో ఉత్తమంగా నిలవాలని సూచించారు. ఈ మేరకు జాతీయ స్థాయి నాణ్యతా బృందం గుర్తింపు ఇస్తుందని పేర్కొన్నారు. ఆయన వెంట వైద్యాధికారి రాధ, సిబ్బంది ఉన్నారు. సీఐ నిరంజన్‌రెడ్డికి డీజీపీ జితేంద్ర అభినందనలుమెట్‌పల్లి: ఇండియన్‌ పోలీస్‌ మెడల్‌కు ఎంపికై న మెట్‌పల్లి సీఐ నిరంజన్‌రెడ్డిని డీజీపీ జితేంద్ర లేఖ ద్వారా అభినందించారు. విధుల్లో చూపిన అంకితభావం, సమర్థతకు తగిన గుర్తింపు దక్కిందని, భవిష్యత్తులోనూ ఇలాగే నడుచుకోవాలని సూచిస్తూ డీజీపీ ఆయనకు శుభాకాంక్షలు తెలిపారు.

జగిత్యాల: మాతాశిశు మరణాలను నివారించేలా వైద్యులు తల్లిదండ్రులకు తగిన సూచనలు ఇవ్వాలని డీఎంహెచ్‌వో ప్రమోద్‌కుమార్‌ అన్నారు. గురువారం వైద్య కార్యాలయంలో చిన్నపిల్లల మరణాలపై సమీక్షించారు. గతేడాది ఏప్రిల్‌ 1నుంచి ఇప్పటి వరకు 104 మంది చిన్నపిల్లలు మరణించారని, వీటిపై నివేదిక ఇవ్వాలని అధికారులను ఆదేశించారు. ప్రతి ఒక్క కేసును క్షుణ్ణంగా విచారించి పలు సూచనలు ఇచ్చారు. ఎక్కువగా ఫ్రీటర్మ్‌ బేబిస్‌, హార్ట్‌ డిసిజెస్‌, ఆస్పిరేషన్‌ కేసులున్నాయన్నారు. తల్లులు తమ పిల్లలకు పాలు ఇచ్చిన తర్వాత భుజం మీద వేసుకుని బర్ఫింగ్‌ చేయాలని, నెమ్మదిగా వెన్నుపై తట్టాలని, తేన్పులు వచ్చిన తర్వాతే పిల్లలను ప డుకోబెట్టాలని సూచించారు. పసిపిల్లలకు స్నా నం చేయించేటప్పుడు నోట్లోకి నీరు పోకుండా చూసుకోవాలన్నారు. ప్రతి ఆరోగ్య ఆశా కార్యకర్తలు డెలివరీ అయిన బాలింతలకు కౌన్సెలింగ్‌ ఇవ్వాలని, పిల్లలను ఎలా చూడాలో అవగాహన కల్పించాలని పేర్కొన్నారు. కార్యక్రమంలో చైల్డ్‌ డెత్‌ రివ్యూ సభ్యులు, ప్రోగ్రాం ఆఫీసర్‌ ఎ.శ్రీనివాస్‌, డెప్యూటీ డీఎంహెచ్‌వో శ్రీనివాస్‌, జైపాల్‌రెడ్డి, సుమన్‌రావు, పూర్ణచందర్‌ పాల్గొన్నారు. ● డీఎంహెచ్‌వో ప్రమోద్‌కుమార్‌

● దేశవ్యాప్తంగా ఒకేరకమైన వేతనం ఇవ్వాలని ● రాష్ట్ర మహాసభల్లో వక్తలుకోరుట్ల: బీడీ పరిశ్రమపై కేంద్ర ప్రభుత్వం జీఎస్టీ రద్దు చేయాలని బీడీ వర్కర్స్‌ ఫెడరేషన్‌ రాష్ట్ర నాయకులు సూచించారు. ఫెడరేషన్‌ రెండో మహాసభలు గురువారం కోరుట్లలో ప్రారంభమయ్యాయి. ఈ సందర్భంగా నాయకులు మాట్లాడుతూ బీడీ కార్మికులకు దేశవ్యాప్తంగా ఒకే రకమైన వేతనాలు ఇవ్వాలన్నారు. బీడీ పరిశ్రమకు బడ్జెట్‌ కేటాయించని ప్రభుత్వం.. జీఎస్టీ ఎలా పెంచుతుందని ప్రశ్నించారు. కార్మికులకు రూ.వెయ్యి నుంచి రూ.500లోపే పింఛన్‌ ఉందన్నారు. బీడీ కార్మికులకు ప్రధానమంత్రి ఆవాస్‌ యోజన ద్వారా ఇళ్లు కట్టించి ఇవ్వాలని పేర్కొన్నారు. కార్యక్రమంలో ఏఐటీయూసీ రాష్ట్ర ప్రధాన కార్యదర్శులు ఎస్‌.బాలరాజు, సుతారి రాములు, కార్యదర్శులు ఎస్‌.విలాస్‌, సమ్మయ్య, ఎండీ.ముఖ్రం, గోవర్ధన్‌, రాములు, మౌలాన పాల్గొన్నారు.

కోరుట్లరూరల్‌: మండలంలోని సంగెం, యెఖీన్‌పూర్‌ గ్రామాల్లో వరి పొలాలను జగిత్యాల వ్యవసాయ పరిశోధన స్థానం శాస్త్రవేత్తలు గురువారం పరిశీలించారు. వరిలో మొగి పురుగు, అగ్గి తెగులు సోకినట్లు గుర్తించారు. మొగిపురుగు నివారణకు కార్టప్‌ హైడ్రోక్లోరైడ్‌ ఎకరాకు 400 గ్రాములు, అగ్గి తెగులు నివారణకు ఇస్రోప్రోథియోలిస్‌ 300 మిల్లీలీటర్ల మందును 180 నుంచి 200లీటర్ల నీటిలో కలుపుకొని పిచికారీ చేయాలన్నారు. యూరియాను మూడు దఫాలుగా వేసుకోవాలన్నారు. జింక్‌ లోపానికి 2 గ్రాముల జింక్‌ సల్ఫేట్‌ లీటర్‌ నీటిలో కలిపి పిచికారీ చేసుకోవాలని, సల్ఫైడ్‌ దుష్ప్రభావాన్ని తగ్గించటానికి మొక్కవేర్లకు గాలి తగిలేలా మురుగు నీటిని తొలగించి మళ్లీ నీరందించాలని వివరించారు. కాంప్లెక్స్‌, అమ్మోనియం ఎరువులను వాడద్దన్నారు. కార్యక్రమంలో శాస్త్రవేత్తలు శ్రీనివాస్‌, బలరాం, రవి, మండల వ్యవసాయ అధికారి నాగమణి, రైతులు పాల్గొన్నారు.

● 2 నుంచి మార్చి 17 వరకు ముహూర్తాలువిద్యానగర్‌(కరీంనగర్‌)/జ్యోతినగర్‌(రామగుండం): మాఘమాసం గురువారం ప్రారంభమైంది. ఇక, పెళ్లి బాజాలు మోగనున్నాయి. గృహ ప్రవేశాలకు అన్నీ మంచి రోజులే. ఫిబ్రవరి 2 నుంచి మార్చి 17 వరకు ముహూర్తాలుండగా.. వాటిలో ఫిబ్రవరి 16, మార్చి 16న ఎక్కువ పెళ్లిళ్లు జరుగుతాయని కరీంనగర్‌కు చెందిన మయూరగిరి పీఠాధిపతి, జ్యోతిష్య, వాస్తు పండితుడు నమిలికొండ రమణాచార్యులు, మల్కాపూర్‌కు చెందిన పురోహితుడు రుద్రభట్ల సత్యనారాయణ తెలిపారు. ఫిబ్రవరిలో 2, 3, 7, 13, 14, 15, 16, 21, 23, 25, మార్చిలో 2, 6, 7, 12, 14, 15, 16, 17 తేదీల్లో పెళ్లి ముహూర్తాలున్నాయని పేర్కొన్నారు. వివాహాలకు సిద్ధమవుతున్నవారు ఫంక్షన్‌హాళ్లు, డెకరేషన్‌, కేటరింగ్‌ బుకింగ్‌ తదితర పనుల్లో బిజీ అయ్యారు. ఉమ్మడి కరీంనగర్‌ జిల్లాలోని ఫంక్షన్‌హాళ్ల నిర్వాహకులు వసతులను బట్టి రూ.40 వేల నుంచి రూ.3 లక్షల వరకు తీసుకుంటున్నారు. పెళ్లిళ్ల సీజన్‌ మొదలవడంతో వస్త్ర, బంగారం దుకాణాలు కొనుగోలుదారులతో సందడిగా కనిపిస్తున్నాయి.

జగిత్యాల: మహాత్మా.. సీఎం రేవంత్‌రెడ్డికి జ్ఞానోదయం కలిగించు అంటూ జెడ్పీ మాజీ చైర్‌పర్సన్‌ దావ వసంత అన్నారు. గురువారం మహాత్మాగాంధీ వర్ధంతిని పురస్కరించుకుని మంచినీళ్ల బావి వద్దనున్న విగ్రహానికి పూలమాలలు వేసి నివాళులర్పించారు.గాంధీ ఆశయాలతో బీఆర్‌ఎస్‌ పదేళ్లలో తెలంగాణను ప్రగతి పథంలో నడిపించామని, సబ్బండవర్గాల సంక్షేమమే లక్ష్యంగా శ్రీకారం చుట్టామన్నారు. కాంగ్రెస్‌ ప్రభుత్వం వచ్చాక ఇచ్చిన 420 హామీల్లో ఒక్కటీ అమలు చేయడం లేదన్నారు. రైతుభరోసా కింద రూ.15 వేలు ఇస్తామని రూ.6వేలు ఇస్తున్నారని ఆరోపించారు. ఇప్పటికే 410 మంది రైతులు ఆత్మహత్య చేసుకున్నారని తెలిపారు. కల్యాణలక్ష్మితోపాటు తులం బంగారం ఏమైందన్నారు. మార్కెట్‌ కమిటీ మాజీ చైర్‌పర్సన్‌ శీలం ప్రియాంక, ఆనందరావు, మల్లేశ్‌ పాల్గొన్నారు. హామీలు అమలు చేయండి మెట్‌పల్లి: ఎన్నికల్లో ఇచ్చిన హామీలు అమలు చేయండని ఎమ్మెల్యే సంజయ్‌ అన్నారు. గాంధీ వర్ధంతి సందర్భంగా పట్టణంలోని గాంధీ విగ్రహానికి వినతిపత్రం అందించారు. ఆరు గ్యారెంటీలు ఇచ్చిన కాంగ్రెస్‌ వంద రోజుల్లో అమలు చేస్తామని చెప్పి ప్రజలను మోసం చేసిందన్నారు. నాయకులు మారు సాయిరెడ్డి, సందిరెడ్డి శ్రీని వాస్‌రెడ్డి, ఎలాల దశరథరెడ్డి తదితరులున్నారు. హామీలు నెరవేర్చండి ధర్మపురి: కాంగ్రెస్‌ ఇచ్చిన హామీలు నెరవేర్చాలని డీసీఎమ్మెస్‌ ఉమ్మడి జిల్లా చైర్మన్‌ శ్రీకాంత్‌రెడ్డి అన్నారు. ఈ మేరకు బీఆర్‌ఎస్‌ నాయకులు మహాత్మగాంధీ విగ్రహానికి వినతిపత్రాలు సమర్పించి నిరసన వ్యక్తం చేశారు. 420రోజులు గడుస్తున్నా.. 420 హామీలు అమలు కావడం లేదన్నారు. కార్యక్రమంలో నాయకులు అయ్యోరి రాజేష్‌, ఆకుల రాజేష్‌, సంగి శేఖర్‌, ఆసిఫ్‌, చిలుముల లక్ష్మణ్‌ తదితరులున్నారు.

● ఎస్సారెస్పీ, కాళేశ్వరం లింక్‌–2 ద్వారా పంటలకు అందిస్తాం ● ప్రభుత్వ విప్‌ అడ్లూరి లక్ష్మణ్‌కుమార్‌పెగడపల్లి: సాగునీటి విషయంలో రైతులు ఆందోళన చెందవద్దని, చివరి ఆయకట్టుకు ఎస్సారెస్పీ, కాళేశ్వరం లింక్‌–2 ప్రాజెక్టుల ద్వారా నీటిని అందించేందుకు ప్రయత్నం చేస్తున్నట్లు ధర్మపురి ఎమ్మెల్యే, విప్‌ అడ్లూరి లక్ష్మణ్‌కుమార్‌ అన్నారు. సాగునీటికి పడుతున్న ఇబ్బందులను మండలంలోని నందగిరి రైతులు ఇటీవల ఆయన దృష్టికి తీసుకెళ్లారు. దీంతో రెండు రోజుల క్రితం గంగాధర మండలం బూర్గుపల్లి వద్దగల వరదకాల్వ ద్వారా నందగిరి కుమ్మరికుంట, ఊర చెరువులకు నీటిని విడుదల చేయించారు. గురువారం కాళేశ్వరం లింక్‌–2, వరదకాల్వను ఇరిగేషన్‌ అధికారులతో కలిసి పరిశీలించారు. కుమ్మరికుంట, ఊర చెరువు నింపేందుకు తూము నిర్మించేలా చర్యలు తీసుకుంటామన్నారు. నియోజకవర్గంలోని చివరి ఆయకట్టుకు సాగునీరందేలా కార్యాచరణ రూపొందిస్తున్నట్లు వెల్లడించారు. కాంగ్రెస్‌ మండల అధ్యక్షుడు రాములుగౌడ్‌, విండో చైర్మన్‌ భాస్కర్‌రెడ్డి, నాయకులు శ్రీనివాస్‌, లక్ష్మీనా రాయణ, మల్లేశం, సత్యనారాయణరెడ్డి, రవి, సురే శ్‌, అశోక్‌రెడ్డి, గంగాధర్‌, మల్లారెడ్డిపాల్గొన్నారు. అక్రమ ఇళ్ల నిర్మాణదారులకు నోటీసులుగొల్లపల్లి: మండల కేంద్రంలోని ప్రభుత్వ భూములు అన్యాక్రాంతం అవుతున్నాయని మీడియాలో కథనాలు రావడంతో అధికారులు రంగంలోకి దిగారు. గురువారం కబ్జా స్థలాలు పరిశీలించిన రెవెన్యూ, పంచాయతీ అధికారులు అక్రమంగా ఇళ్లు నిర్మించుకున్న వారికి నోటీసులు జారీచేశారు. తహసీల్దార్‌ వరందన్‌ మాట్లాడుతూ.. చర్యల నిమిత్తం ఆర్డీవోకు నివేదిక అందించినట్లు తెలిపారు. 735, 544 సర్వే నంబర్లలో అక్రమంగా ఇళ్లు నిర్మించుకున్న 15 మందికి నోటీసులు జారీ చేసినట్లు పంచాయతీ అధికారులు తెలిపారు.

జగిత్యాల: జాతిపిత మహాత్మగాంధీ ఆశయాలకు అనుగుణంగా నడుచుకోవాలని కలెక్టర్‌ సత్యప్రసాద్‌ అన్నారు. గురువారం గాంధీ వర్ధంతి సందర్భంగా కలెక్టర్‌ అధికారులతో కలిసి కలెక్టరేట్‌లో నివాళి అర్పించారు. అహింస, సత్యాగ్రహాన్ని ఆ యుధాలుగా మలుచుకుని దేశానికి స్వాతంత్య్రం, స్వేచ్ఛ కల్పించిన మహాత్ముడు గాంధీ అన్నారు . ఆయన ఆశయాలకు అనుగుణంగా ప్రతి ఒక్క రు నడుచుకోవాలన్నారు. అదనపు కలెక్టర్లు లత, గౌతంరెడ్డి, అన్ని శాఖల అధికారులు పాల్గొన్నారు. ● కలెక్టర్‌ సత్యప్రసాద్‌

కరీంనగర్‌ అర్బన్‌: కరీంనగర్‌ జిల్లాలో స్వచ్ఛతలో ప్రగతి అభినందనీయమని యూనిసెఫ్‌ ఢిల్లీ ప్రతినిధులు ఫౌలేజీ వర్క్‌నే, మనీష్‌ వసూజ అన్నారు. సంస్థ సహకారంతో చేపట్టిన పలు కార్యక్రమాల వివరాలు తెలుసుకునేందుకు వారు గురువారం జిల్లాకు వచ్చారు. ముందుగా కలెక్టరేట్‌ కాన్ఫరెన్స్‌ హాల్లో కలెక్టర్‌ పమేలా సత్పతి, అదనపు కలెక్టర్‌ ప్రఫుల్‌ దేశాయ్‌తో సమావేశమయ్యారు. కలెక్టర్‌ మాట్లాడుతూ.. యూనిసెఫ్‌ సహకారంతో జిల్లాను అన్ని రంగాల్లో ఉత్తమంగా తీర్చిదిద్దుతున్నట్లు తెలిపారు. బహిరంగ మలవిసర్జన రహితంగా మార్చిన విషయాన్ని గుర్తు చేశారు. సంస్థ సహకారంతో పాఠశాలలు, అంగన్‌వాడీ కేంద్రాల్లో సౌకర్యాలు సమకూర్చామన్నారు. పంచాయతీల నిధుల నుంచి ప్రీమియం చెల్లిస్తూ పారిశుధ్య కార్మికులకు ప్రధానమంత్రి జీవన్‌ జ్యోతి యోజన కింద బీమా సౌకర్యం కల్పిస్తున్నట్లు పేర్కొన్నారు. అభివృద్ధిలో వెలిచాల ఆదర్శం రామడుగు(చొప్పదండి): వెలిచాల అభివృద్ధిలో ఆదర్శంగా నిలుస్తోందని యూనిసెఫ్‌ ప్రతినిధులు ఫౌలేజీ వర్క్‌నే, మనీష్‌ వసూజ ప్రసంశించారు. గురువారం గ్రామంలో కలెక్టర్‌ పమేలా సత్పతి, అదనపు కలెక్టర్‌ ప్రఫుల్‌దేశాయ్‌లతో కలిసి పర్యటించారు. తాగునీటి సరఫరా, పాఠశాలలో కిచెన్‌ గార్డెన్‌, అంగన్‌వాడీ కేంద్రం, వైద్య సిబ్బంది సేవలను కలెక్టర్‌ వారికి వివరించారు. సంస్థ ప్రతినిధులు వెంకటేశ్‌, ప్రభాత్‌, ఫణీంద్ర, డీఆర్‌డీవో శ్రీధర్‌, డీడబ్ల్యూవో సబిత, బీసీ సంక్షేమ శాఖ అధికారి అనిల్‌ప్రకాశ్‌, యూనిసెఫ్‌ కో–ఆర్డినేటర్‌ కిషన్‌స్వామి, ఎంపీడీవో రాజేశ్వరి, గంగాధర ఐసీడీఎస్‌ ప్రాజెక్టు అధికారి కస్తూరి తదితరులు పాల్గొన్నారు. యూనిసెఫ్‌ ఢిల్లీ ప్రతినిధులు

మల్యాల(చొప్పదండి): అప్పుల బాధతో ఈనెల 22న దుబాయ్‌ లో ఉరేసుకుని ఆత్మహత్య చేసుకున్న మల్యాల మండల కేంద్రానికి బోగసాయి (28) మృతదేహం గురువారం స్వగ్రామానికి చేరింది. ఆయన శవాన్ని చూసిన కుటుంబ సభ్యులు కన్నీరుమున్నీరుగా రోధించారు. మృతుడి తండ్రి 15ఏళ్ల క్రితం మృతిచెందారు. తల్లి రెండేళ్ల క్రితం చనిపోయింది. మృతుడికి ఇద్దరు అక్కలు ఉన్నారు. సాయి అంత్యక్రియలకు స్థానికులు వి రాళాలు అందించారు. వడ్డెపల్లి శశాంక్‌ రూ.10వేలు, స్థానికులు రూ.50వేలు అందించారు. ఎమ్మెల్యే పరామర్శ బోగ సాయి కుటుంబసభ్యులను చొప్పదండి ఎమ్మెల్యే మేడిపల్లి సత్యం పరామర్శించారు. రూ.10వేలు ఆర్థిక సాయం అందించారు. కుటుంబ సభ్యులకు అండగా ఉంటానని భరోసా ఇచ్చారు. చికిత్స పొందుతూ విద్యార్థి మృతి ధర్మపురి: చదువుకోవాలని తండ్రి మందలించగా మనస్తాపానికి గురైన ఓ విద్యార్థి ఈనెల 18న క్రిమిసంహారక మందు తాగాడు. కుటుంబసభ్యులు ఆస్పత్రికి తరలించి చికిత్స అందిస్తుండగా పరిస్థితి విషమించి గురువారం మృతి చెందాడు. ఎస్సై ఉదయ్‌కుమార్‌ కథనం ప్రకారం .. మండలంలోని రాజారం గ్రామానికి చెందిన సునర్కాని మల్లేశ్‌, స్వరూప దంపతులకు రెండోకుమారుడు సందీప్‌ (14) ధర్మపురిలోని ఓ ప్రైవేట్‌ పాఠశాలలో 9వ తరగతి చదువుతున్నాడు. బడికి సరిగా వెళ్లకపోవడంతో తండ్రి మందలించాడు. మనస్తాపానికి గురైన సందీప్‌ ఇంట్లో ఎవరూ లేని సమయంలో పురుగుమందు తాగాడు. అతడిని బంధువులు కరీంనగర్‌లోని ఓ ఆస్పత్రికి తరలించారు. వైద్యులు ప్రయత్నించినా ఫలితం లేకుండాపోయింది. సందీప్‌ తల్లి స్వరూప గతంలో ఆత్మహత్య చేసుకుంది. మల్లేశ్‌ ఫిర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు. అప్పుల బాధతో యువకుడు ఆత్మహత్యమల్లాపూర్‌: అప్పులబాధతో మనస్తాపం చెందిన ఓ యువకుడు క్రిమిసంహారక మందు తాగి ఆత్మహత్య చేసుకున్న ఘటన మండలంలోని సిరిపూర్‌లో చోటుచేసుకుంది. పోలీసులు, కుటుంబ సభ్యుల కథనం ప్రకారం.. గ్రామానికి చెందిన మహ్మద్‌ ఖలీల్‌ పాషా (36) నాలుగేళ్లుగా ఉపాధి కోసం అప్పు చేసి గల్ఫ్‌ దేశాలకు వెళ్లి వస్తున్నాడు. ఇటీవలే వచ్చిన ఆయన ఆర్థిక ఇబ్బందులు ఎక్కువ కావడంతో బుధవారం గ్రామశివారులోని ఎల్లమ్మగుడి సమీపంలో పురుగుల మందు తాగి కుటుంబసభ్యులకు ఫోన్‌ చేశాడు. వారు అతడిని ఆసుపత్రికి తరలించారు. పరిస్థితి విషమించి గురువారం మృతి చెందాడు. మృతుడి భార్య రేష్మ ఫిర్యాదు మేరకు కేసు దర్యాప్తు చేస్తున్నట్లు ఎస్సై రాజు తెలిపారు.

నాణ్యమైన దిగుబడి.. వారం రోజులుగా..వానాకాలంలో నాలుగెకరాల్లో పత్తి పంట వేసిన. ఇటీవల పత్తి మొత్తం ఏరి కట్టె కొట్టేసినం. వచ్చే వానాకాలం సీజన్‌లో పత్తి వేసేందుకు ఇప్పుడే చేనులో గొర్రెల మంద పెట్టిస్తున్న. వారం రోజులుగా మంద చేనులోనే ఉంటోంది. గొర్రెల ఎరువుతో భూమి సారవంతం అవుతుంది. – ఆర్‌.అంజయ్య, రైతు, గుండన్నపల్లి మాకు 500 గొర్రెలు ఉన్నాయి. ఏటా జనవరి నుంచి మే వరకు రైతుల చేలలో గొర్రెల మందలు పెడుతున్నం. సీజన్‌లో రూ.10 వేల నుంచి రూ.20 వేల వరకు ఆదాయం వస్తుంది. గొర్రెల సంఖ్యను బట్టి ధర ఉంటుంది. మంద వద్ద రాత్రి పూట కాపలా ఉంటాం. – గుంటి కొమురయ్య, గొర్రెల కాపరి, బోయినపల్లి చేలలో గొర్రెల మందలు పెట్టిస్తే నేలకు సహజ పోషకాలు లభిస్తాయి. పర్యావరణం బాగుంటుంది. సేంద్రియ పద్ధతుల వలె నాణ్యమైన పంట దిగుబడి వస్తుంది. గతంలో రైతులు గొర్రె ఎరువు, ఆవు పేడ తదితర సేంద్రియ ఎరువులే వాడారు. దీంతో రోగాలబారిన పడలేదు. – కె.ప్రణీత, వ్యవసాయ అధికారి, బోయినపల్లి

కరీంనగర్‌స్పోర్ట్స్‌: కరీంనగర్‌ వేదికగా రెండు రోజులుగా వివిధ మైదానాలు, స్టేడియాల్లో జరుగుతున్న 3వ రాష్ట్రస్థాయి పోలీస్‌ క్రీడోత్సవాలు హోరా హోరీగా సాగుతున్నాయి. గురువారం జరిగిన పోటీలను ఐజీలు చంద్రశేఖర్‌రెడ్డి, రమేశ్‌రెడ్డి, కరీంనగర్‌ పోలీస్‌ కమిషనర్‌ అభిషేక్‌ మహంతి ప్రారంభించారు. విజేతలుగా నిలిచిన క్రీడాకారులకు పతకాలు ప్రదానం చేశారు. దిగువ మానేరు జలాశయంలో జరిగిన వాటర్‌ స్పోర్ట్స్‌లో ఐజీ రమేశ్‌రెడ్డి పాల్గొని క్రీడాకారుల్లో ఉత్సాహం నింపారు. సత్తాచాటిన హైదరాబాద్‌, టీజీఎస్పీ రేంజ్‌ 1.. రెండో రోజున జరిగిన పోటీల్లో హైదరాబాద్‌ కమిషనరేట్‌, టీజీఎస్పీ రేంజ్‌– 1 పోలీస్‌ క్రీడాకారులు సత్తా చాటారు. చెరో 6 బంగారు పతకాలను తమ ఖాతాలో వేసుకున్నారు. ఆర్‌బీవీఆర్‌ఆర్‌ ట్రైనింగ్‌ సెంటర్‌, వరంగల్‌, రాచకొండ కమిషనరేట్‌లు, బాసర జోన్‌– 2, భద్రాద్రి జోన్‌ –4 సైతం బంగారు పతకాలు సాధించాయి. రెండోరోజు పోటీలు ముగిసేసరికి వివిధ విభాగాల్లో క్రీడాకారులకు 31 బంగారు, 28 వెండి , 33 కాంస్య పతకాలను అతిథులు ప్రదానం చేశారు.

● డీఈవో రాము జగిత్యాల: పదో తరగతి విద్యార్థులు పరీక్షల్లో ఒత్తిడికి గురికావద్దని, ప్రశాంతమైన వాతావరణంలో రాయాలని డీఈవో రాము అన్నారు. గురువారం ఉపాధ్యాయులకు రెండు రోజలు శిక్షణ కార్యక్రమం నిర్వహించారు.ఉపాధ్యాయులందరూ విద్యార్థులకు పరీక్షలు రాసేందుకు ధైర్యం నింపాలని, వారికి పరీక్షలపై అవగాహన కల్పించాలన్నారు. అలాగే విద్యార్థులు కౌమార దశలో అనేక సమస్యలుంటాయని, వారిలో ఒత్తిడి లేకుండా చూడాలన్నారు. ఈ కార్యక్రమంలో రిసోర్స్‌ పర్సన్‌ రాజేందర్‌, దత్తాత్రి, రాజశేఖర్‌, కరీంనగర్‌ డైట్‌ లెక్చరర్‌ హబీబ్‌, సెక్టోరియల్‌ అధికారి కొక్కుల రాజేశ్‌ పాల్గొన్నారు.

● ఎమ్మెల్సీ పోటీకి ఆసక్తి చూపని మహిళా నాయకులు ● నాలుగు పాత జిల్లాల్లో 1.23 లక్షల ఓట్లు వారివే ● ఉపాధ్యాయుల ఓటర్లలో సగానికిపైగా మహిళలే ● టీచర్‌, గ్రాడ్యుయేట్లలోనూ ఉమ్మడి కరీంనగర్‌ టాప్‌ ● నామినేషన్లలోౖనైనా తెరపైకి వచ్చేనా?సాక్షిప్రతినిధి,కరీంనగర్‌: కరీంనగర్‌–మెదక్‌–నిజామాబాద్‌– ఆదిలాబాద్‌ జిల్లాల శాసనమండలి ఎన్నికల షెడ్యూల్‌ వచ్చేసింది. బుధవారం మధ్యాహ్నం నుంచే కోడ్‌ అమల్లోకి వచ్చింది. గత మూడు నాలుగునెలలుగా పలువురు అభ్యర్థులు పట్టభద్రులు, ఉపాధ్యాయబరిలో పోటీ చేస్తామంటూ హడావుడి చేస్తున్నారు. భారీ బహిరంగ సభలు, ప్రకటనలతో ఓటర్లను ప్రసన్నం చేసుకునేందుకు ప్రయత్నాలు చేస్తున్నారు. వీరంతా పురుషులే కావడం, ఇంతవరకూ ఒక్క మహిళా నేతైనా బరిలో నిలిచేందుకు ఆసక్తి చూపకపోవడం గమనార్హం. వాస్తవానికి పట్టభద్రులు, ఉపాధ్యాయుల ఓటర్ల జాబితాలో మహిళలు చెప్పుకోదగ్గ స్థాయిలో ఉన్నారు. దాదాపు 3.4 లక్షల పట్టభద్రుల ఓటర్ల జాబితాలో 50 శాతం కంటే అధికంగా అంటే 1.2 లక్షల మంది మహిళలే. అదే విధంగా ఉపాధ్యాయ ఎమ్మెల్సీ ఓటర్ల జాబితాలో మహిళల సంఖ్య అధికంగా ఉంది. మొత్తం ఓటర్లు 16 వేలకుపైగా ఉన్న మొత్తం ఓటర్లలో దాదాపు 10 వేలమంది మహిళా ఉపాధ్యాయ, అధ్యాపకులే కావడం విశేషం. అయినప్పటికీ.. రాజకీయంగా మహిళలు ఎవరూ ఇంతవరకు ముందుకు రాలేదు. వచ్చే నెల 3వ తేదీ నుంచి నామినేషన్ల ప్రక్రియ ప్రారంభమై.. 10వ తేదీన ముగియనుంది. కనీసం అప్పటికై నా మహిళా అభ్యర్థులు బరిలో ఉంటారా? అన్నది ఆసక్తికరంగా మారింది. బీజేపీ అందరి కంటే ముందే అభ్యర్థులను ప్రకటించింది. ఇక బీఆర్‌ఎస్‌, కాంగ్రెస్‌ల నుంచి టికెట్‌ ఆశిస్తున్న అభ్యర్థులంతా పురుషులే. కనీసం స్వతంత్రుల్లోనూ మహిళలు ఎవరూ లేకపోవడం గమనార్హం. గత అసెంబ్లీ ఎన్ని కల సమయంలో దాదాపు అన్ని అసెంబ్లీ నియోజకవర్గాలకు పోటీచేసిన అభ్యర్థులు ముందుజాగ్రత్తగా డమ్మీలుగా భార్యలతో నామినేషన్‌ వేయించారు. ఈసారి ఎన్నికల్లో మహిళ అభ్యర్థులు కనీసం డమ్మీలుగానైనా వస్తారా? లేదా అన్నది వేచి చూడాలి. ఉమ్మడి కరీంనగర్‌ జిల్లా టాప్‌ పట్టభద్రులు, ఉపాధ్యాయ ఓటర్ల విషయంలో ఉమ్మడి జిల్లా అగ్రభాగాన ఉంది. ఉమ్మడి కరీంనగర్‌ జిల్లాలో 1.55 లక్షల ఓట్లు ఉండగా.. అందులో 61 వేల పైచిలుకు మహిళా ఓట్లు పాత జిల్లాకు చెందినవే. అందులోనూ కరీంనగర్‌ (27,992) ఓటర్లతో మొదటిస్థానంలో ఉండగా.. ఆ తర్వాతి స్థానా ల్లో జగిత్యాల (13,206), పెద్దపల్లి (11,638), రాజన్నసిరిసిల్ల (8,323) జిల్లాలు నిలిచాయి. అదే విధంగా ఉపాధ్యాయ ఓటర్లలో మొత్తం 16 వేల ఓటర్లలో 10 వేల వరకు మహిళలే ఉన్నారు. ఉమ్మడి జిల్లాలో 4,951 ఓట్లు ఉండగా అందులో 2,708 మహిళలే ఉన్నారు. వాటిలోనూ కరీంనగర్‌ (1,508 ఓట్లు) తొలిస్థానంలో నిలువగా, జగిత్యాల (509), పెద్దపల్లి (450), సిరిసిల్ల (241) జిల్లాలు ఆ తర్వాత స్థానాలను దక్కించుకున్నాయి. పట్టభద్రుల ఓటర్లు ఇలా..ఉపాధ్యాయ ఓటర్ల సంఖ్య జిల్లా పురుషులు సీ్త్రలు మొత్తం ఆసిఫాబాద్‌ 314 143 457 మంచిర్యాల 940 610 1550 ఆదిలాబాద్‌ 1073 488 1561 నిర్మల్‌ 1263 681 1944 నిజామాబాద్‌ 2100 1429 3529 కామారెడ్డి 1341 720 2061 జగిత్యాల 1197 509 1706 పెద్దపల్లి 609 450 1059 కరీంనగర్‌ 2512 1508 4020 రాజన్న సిరిసిల్ల 633 241 874 సంగారెడ్డి 1485 1103 2588 మెదక్‌ 766 515 1281 సిద్దిపేట 1948 1104 3052 హనుమకొండ 120 38 158 జయశంకర్‌ భూపాలపల్లి 63 18 81 మొత్తం 1,6,364 9557 2,5,921 జిల్లా పురుషులు సీ్త్రలు ఽథర్డ్‌జెండర్‌ మొత్తం ఆసిఫాబాద్‌ 4106 1749 0 5855 మంచిర్యాల 18882 11606 0 30488 ఆదిలాబాద్‌ 10104 4482 0 14586 నిర్మల్‌ 11271 5538 0 16809 నిజామాబాద్‌ 19368 11225 0 30593 కామారెడ్డి 11228 4587 1 15816 జగిత్యాల 21075 13206 0 34281 పెద్దపల్లి 18430 11638 1 30069 కరీంనగర్‌ 41665 27992 0 69657 రాజన్న సిరిసిల్ల 13290 8323 1 21614 సంగారెడ్డి 14437 6766 0 21203 మెదక్‌ 8533 3420 0 11953 సిద్దిపేట 20922 10624 0 31546 హనుమకొండ 3055 1368 0 4423 జయశంకర్‌భూపాలపల్లి 1694 726 0 2420 మొత్తం 2,18,060 1,23,250 3 3,41,313

వీర్నపల్లి(సిరిసిల్ల): రాజన్నసిరిసిల్ల జిల్లాలోని వీర్నపల్లి మండల కేంద్రంలో ప్రాథమిక ఆరోగ్య కేంద్రం భవనానికి కలెక్టర్‌ సందీప్‌కుమార్‌ఝా గురువారం భూమిపూజ చేశారు. అనంతరం తాత్కాళికంగా ప్రాథమిక ఆరోగ్య కేంద్రం సేవలను ఓ ప్రైవేట్‌ భవనంలో ప్రారంభించారు. కార్యక్రమంలో జిల్లా వైద్యాధికారి రజిత, తహసీల్దార్‌ మారుతిరెడ్డి, ఎంపీడీవో వాజిద్‌, పీహెచ్‌సీ డాక్టర్‌ అంజుమ్‌ సారియా, డీడీఎం కార్తీక్‌ తదితరులు పాల్గొన్నారు. కొడుకుపై గొడ్డలితో దాడి చేసిన తండ్రిజమ్మికుంట(హుజూరాబాద్‌): కొడుకుపై తండ్రి గొడ్డలితో దాడి చేసిన ఘటన పట్టణంలో కలకలం రేపింది. పోలీసుల వివరాలు.. జమ్మికుంట పట్టణంలోని గణేశ్‌నగర్‌ చెందిన అర్కల మల్లయ్య, బుచ్చమ్మకు ఇద్దరు కొడుకులు సంతానం. చిన్న కొడుకు లోకేశ్‌ మొబైల్‌ షాపులో పని చేస్తాడు. తాగుడుకు బానిసై, డబ్బుల కోసం తరచూ తండ్రిని తిడుతూ, కొడుతూ వేధింపులకు పాల్పడుతున్నాడు. డబ్బు ఇవ్వకుంటే చంపుతానని బుధవారం రాత్రి బెదిరించాడు. ఈక్రమంలో కొడుకు బతికి ఉంటే తనను చంపుతా డనే ఉద్దేశంతో లోకేశ్‌ను చంపాలని తండ్రి నిర్ణయించుకున్నాడు. గురువారం వేకువజామున గొడ్డలితో తలపై దాడి చేయగా తీవ్రగాయాలయ్యాయి. చికిత్స నిమిత్తం హుజూరాబాద్‌ ప్రభుత్వ ఆసుపత్రికి తరలించారు. లోకేశ్‌ తల్లి ఫిర్యాదు మేరకు కేసు నమోదు చేసినట్లు టౌన్‌ సీఐ రవి తెలిపారు.

విద్యానగర్‌(కరీంనగర్‌): కరీంనగర్‌లోని శ్రీరాజరాజేశ్వర కల్యాణ మండపంలో ఏర్పాటు చేసిన కళాసిల్క్‌ చేనేత హస్తకళ మేళాకు ఆదరణ లభిస్తోంది. మేళాలో పట్టు, ఫ్యాన్సీ డిజైన్‌, పోచంపల్లి చీరలు, డ్రెస్‌ మెటీరియల్స్‌, చుడీదార్స్‌, సూటింగ్స్‌ షర్టింగ్స్‌, జువెల్లరీ, బెడ్‌ షీట్స్‌ అన్నివర్గాల వారికి అందుబాటు ధరల్లో ఉన్నాయని మేనేజర్‌ బిజుముండల్‌ పేర్కొన్నారు. ధర్మవరం, వెంకటగిరి, మంగళగిరి, కలంకారి ప్రఖ్యాతి పొందిన చీరలతోపాటు హరియానా బెడ్‌ కవర్లు, కుషన్‌ కవర్లు, లక్నో కుర్తీస్‌, డ్రెస్‌ మెటీరియల్స్‌, డోర్‌ కర్టన్స్‌, స్టోన్‌ జువెల్లరీ, పెరల్స్‌, బంజారా, కోల్‌కతా బ్యాగులు, ఒడిశా పేయింటింగ్స్‌, మధ్యప్రదేశ్‌ చందేరి, మహేశ్వరి, రాజస్తాన్‌ కోటా బాందేజన్‌, డ్రెస్‌ మెటీరియల్స్‌, ఉత్తరప్రదేశ్‌ జామ్లాని, చేనేత హస్తకళ వస్తువులు కూడ ఉన్నట్లు తెలిపారు. నగర ప్రజలు ఈ అవకాశాన్ని వినియోగించుకోవాలని కోరారు.

కరీంనగర్‌కార్పొరేషన్‌: రానున్న రోజుల్లో సాంకేతిక కేంద్రంగా కరీంనగర్‌ అభివృద్ధి చెందుతుందని ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు అన్నారు. కరీంనగర్‌తో పాటు, ద్వితీయ, తృతీయ శ్రేణి పట్టణాల్లో ఐటీ, పరిశ్రమల విస్తరణకు తమ ప్రభుత్వం కృషి చేస్తుందన్నారు. గురువారం నగరంలోని ఓ ఫంక్షన్‌హాల్‌లో జరిగిన కార్యక్రమంలో నూతన సాఫ్ట్‌వేర్‌ కంపెనీ టెక్‌జెనీని బీసీ సంక్షేమ, రవాణా శాఖ మంత్రి పొన్నం ప్రభాకర్‌తో కలిసి ప్రారంభించారు. ఈ సందర్భంగా శ్రీధర్‌బాబు మాట్లాడుతూ, కొత్త ఐటీ కంపెనీలు, పరిశ్రమలతో ఉపాధి కల్పించేందుకు తమ ప్రభుత్వం సహకరిస్తుందన్నారు. ఇంజనీరింగ్‌ చదివినవారు ఎంతోమంది జిల్లాలో ఉన్నారని, వారికి ఐటీ కంపెనీల వల్ల ఉపాధి లభిస్తుందన్నారు. మంత్రి ప్రభాకర్‌ మాట్లాడుతూ, ఉపాధి అవకాశాల కోసం జిల్లాయువత ఇతర ప్రాంతాలకు వెళ్లకుండా, కంపెనీలు తెచ్చి అభివృద్ధి చేస్తున్నామన్నారు. పరిశ్రమలు తెచ్చి ఉపాధి కల్పించేందుకు దావోస్‌ వెళ్లి వేల కోట్ల రూపాయల పెట్టుబడులు తెస్తే కొంతమంది విమర్శిస్తున్నారని మండిపడ్డారు. కార్యక్రమంలో డీసీసీ అధ్యక్షుడు, మానకొండూరు ఎమ్మెల్యే కవ్వంపల్లి సత్యనారాయణ, సుడా చైర్మన్‌ కోమటిరెడ్డి నరేందర్‌రెడ్డి, ఆర్‌టీఏ సభ్యుడు పడాల రాహుల్‌, అల్ఫోర్స్‌ విద్యాసంస్థల అధినేత వి.నరేందర్‌రెడ్డి, అర్బన్‌ బ్యాంక్‌ చైర్మన్‌ గడ్డం విలాస్‌రెడ్డి, అసెంబ్లీ నియోజకవర్గ ఇన్‌చార్జి పురుమల్ల శ్రీనివాస్‌, మాజీ ఎమ్మెల్యే ఆరెపల్లి మోహన్‌, మెండి చంద్రశేఖర్‌, ఆకారపు భాస్కర్‌రెడ్డి తదితరులు పాల్గొన్నారు. సాంకేతిక విప్లవంలో భాగస్వాములు కావాలి సాంకేతిక విప్లవంలో తెలంగాణవాసులు భాగస్వాములు కావాలని మంత్రి శ్రీధర్‌బాబు పిలుపునిచ్చారు. గురువారం కరీంనగర్‌లో మీడియాతో మాట్లాడారు. తక్కువ పెట్టుబడితో కృత్రిమ మేధస్సు(ఏఐ)ను రూపొందించొచ్చని డీప్‌సీక్‌ రుజువు చేసిందన్నారు. ప్రపంచంలోనే మన దేశం, అందులో తెలంగాణలో మేధోసంపత్తి అధికమన్నారు. డీప్‌సీక్‌ తరహాలో ఏఐని రూపొందించేందుకు ముందుకురావాలని, వారికి ప్రభుత్వ సహకారం ఉంటుందన్నారు. దావోస్‌ ఒప్పందాలపై విపక్షాల విమర్శలను ఆయన కొట్టిపారేశారు. గతేడాది తాము కుదుర్చుకున్న 18 ఒప్పందాల్లో 17 వివిధ స్థాయిలో ఉన్నాయని, అందులో 10 సగం పనులు పూర్తయ్యాయన్నారు. ఈ ఏడాది డిసెంబర్‌ నాటికి నిజాం షుగర్‌ ఫ్యాక్టరీని పునఃప్రారంభించాలని లక్ష్యంగా పెట్టుకున్నామన్నారు. ఎమ్మెల్సీ ఎన్నికల్లో కాంగ్రెస్‌ వందశాతం విజయం సాధిస్తుందని ఆశాభావం వ్యక్తం చేశారు. తాను పోటీచేయనని ఎమ్మెల్సీ జీవన్‌రెడ్డి ఏఐసీసీకి చెప్పారని, రెండురోజుల్లో అభ్యర్థిని ప్రకటిస్తామన్నారు. రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు

కరీంనగర్‌టౌన్‌: కరీంనగర్‌ ప్రభుత్వ ప్రధానాసుపత్రిలో అనారోగ్య సమస్యలున్న 75 ఏళ్ల వృద్ధురాలికి తుంటి ఎముక శస్త్రచికిత్సను విజయవంతంగా పూర్తిచేసినట్లు ఆసుపత్రి సూపరింటెండెంట్‌ డాక్టర్‌ వీరారెడ్డి తెలిపారు. రాజన్న సిరిసిల్ల జిల్లా ఇల్లంతకుంట మండలం వెంకట్రావుపల్లికి చెందిన ఎస్‌.లచ్చమ్మ కిందపడగా కాలు తుంటి ఎముక విరిగింది. ఆమెను ఈనెల 25న ఆసుపత్రిలో చేర్చారు. అన్ని పరీక్షలు నిర్వహించి వయస్సును దృష్టిలో ఉంచుకోవడంతో పాటు ఆమెకు గుండె వ్యాధి, అస్థమా, రక్తహీనతతో బాధపడుతున్నట్లు గుర్తించారు. పేషెంట్‌ పరిస్థితిని అంచనా వేస్తూ గురువారం శస్త్రచికిత్స విజయవంతంగా నిర్వహించారు. ఆపరేషన్‌ తర్వాత లచ్చమ్మ ఆరోగ్యంగా ఉన్నట్లు వెల్లడించారు. శస్త్రచికిత్సలో డాక్టర్లు ఆదిత్య, సంగీత, మహేశ్‌, ఉబేదుల్లా, సిబ్బంది పాల్గొన్నారు.

● నేలకు సత్తువ.. నాణ్యమైన పంట ● రైతుల చేలలో గొర్రెల మందల సందడి ● నత్రజని, కర్బనం పుష్కలం ● ఒక రోజు వెయ్యి గొర్రెల మందకు రూ.2,200 బోయినపల్లి(చొప్పదండి): గ్రామీణ ప్రాంతాల రైతులు గొర్రెలు, మేకల ఎరువు వాడకంపై ఆసక్తి చూపుతున్నారు. తమ పంటచేలలో రోజుల తరబడి గొర్రెల మందలు పెట్టిస్తున్నారు. గొర్రెలు, మేకలు విసర్జించే మలమూత్రాలతో భూమి సారవంతం కావడంతో పాటు నాణ్యమైన దిగుబడి వస్తుందని పేర్కొంటున్నారు. ప్రస్తుతం వరిపంట కోసి.. పత్తి ఏరిన రైతులు ఆ చేలలో మందలు పెట్టిస్తున్నారు. గొర్రె ఎరువులో సహజంగా నత్రజని, కర్బనం ఉంటాయని వ్యవసాయ అధికారులు చెబుతున్నారు. మందను బట్టి రేటు గొర్రెల కాపర్లు గొర్రెలు, మేకల విక్రయంతో పాటు వాటి ఎరువును విక్రయించి అదనపు ఆదాయం పొందుతున్నారు. జనవరి నుంచి మే వరకు పంటచేలలో మందలు పెడతారు. గొర్రెలు, మేకలను పంటచేలలో ఉంచడాన్ని మంద పెట్టడం అంటారు. మందను బట్టి ధర నిర్ణయిస్తారు. 500 మేర గొర్రెలు ఉన్న మందకు రోజుకు రూ.1,000.. దాదాపు వెయ్యి గొర్రెలు, మేకలు ఉండే మందకు రూ.2,000 తీసుకుంటారు. ఎకరం చేనులో 500 గొర్రెల మంద ఆరురోజుల పాటు ఉంచుతామని పేర్కొంటున్నారు. సాయంత్రం 6 నుంచి ఉదయం 11 గంటల వరకు గొర్రెలు, మేకలు మందలో ఉంటాయి. తర్వాత వాటిని మేతకు తీసుకెళ్తారు. గొర్రె ఎరువు ఒక ట్రాక్టర్‌ ట్రిప్పునకు ధర రూ.2,500 ఉంటుంది. నాణ్యమైన పంట రైతులు పొలాల్లో విత్తనం నాటిన నుంచి పంట ఎదిగే వరకు పలుసార్లు వివిధ రకాల ఎరువులు, పురుగు మందులు పిచికారీ చేస్తారు. అయితే గొర్రెల మంద పెట్టిన చేలలో అడుగు మందు కూడా తక్కువగా వినియోగించే అవకాశం ఉంటుందని రైతులు చెబుతున్నారు. వరికి దోమ పోటు రాదని, పత్తి దిగుబడి బాగా వస్తుందని, మంద పెట్టిన చేలలో సుమారు రెండేళ్ల పాటు సహజ ఎరువు ఉంటుందని పేర్కొంటున్నారు.

కొత్తపల్లి(కరీంనగర్‌): వేసవిలో నిరంతర, నాణ్యమైన, అంతరాయం లేని విద్యుత్‌ను వినియోగదారులకు అందించేందుకు కృషి చేయాలని టీజీఎన్‌పీడీసీఎల్‌ కరీంనగర్‌ సర్కిల్‌ నోడల్‌ ఆఫీసర్‌, జీఎం (ఎనర్జీ ఆడిట్‌ అండ్‌ అసెస్‌మెంట్‌) ఎం.అన్నపూర్ణ సూచించారు. గురువారం కరీంనగర్‌ సర్కిల్‌ సమావేశ మందిరంలో మాట్లాడారు. లో ఓల్టేజీ, ఓవర్‌లోడ్‌ సమస్య తలెత్తకుండా జాగ్రత్తలు తీసుకోవాలన్నారు. విద్యుత్‌ సేవల్లో కరీంనగర్‌ సర్కిల్‌ ముందంజలో ఉందని, అదే విధానాన్ని కొనసాగించాలని పేర్కొన్నారు. ఎస్‌ఈ మేక రమేశ్‌బాబు, డీఈటీ కె.ఉపేందర్‌, డీఈలు తదితరులు పాల్గొన్నారు. అలాగే కరీంనగర్‌– 2 సబ్‌డివిజన్‌ పరిధి టౌన్‌ 7 సెక్షన్‌లో నూతనంగా ఏర్పాటు చేసిన ట్రాన్స్‌ఫార్మర్‌ (డీటీఆర్‌)ను జీఎం ప్రారంభించారు.ప్రమాదంలో బెటాలియన్‌ కానిస్టేబుల్‌ మృతి వీర్నపల్లి(సిరిసిల్ల): నిజామాబాద్‌ జిల్లాలోని డిచ్‌పల్లి 7వ బెటాలియన్‌లో విధులు నిర్వహించే కానిస్టేబుల్‌ బుధవారం రాత్రి విధులు ముగించుకొని తన గదికి వెళ్తుండగా జరిగిన ప్రమాదంలో మృతిచెందాడు. వీర్నపల్లి మండలం గర్జనపల్లికి చెందిన అజ్మీరా కళ్యాణ్‌నాయక్‌(29) డిచ్‌పల్లి బెటాలియన్‌లో కానిస్టేబుల్‌గా విధులు నిర్వర్తి న్నాడు. విధులు ముగించుకొని బుధవారం రాత్రి తాను అద్దెకు ఉంటున్న గదికి వెళ్తుండగా డిచ్‌పల్లిలోనే ప్రమాదం జరిగింది. ఈ ప్రమాదంలో కళ్యాణ్‌నాయక్‌ అక్కడికక్కడే మృతిచెందాడు. మృతదేహాన్ని గురువారం స్వగ్రామానికి తీసుకొచ్చి అంత్యక్రియలు నిర్వహించారు. మృతునికి కుమారుడు, కుమార్తె, భార్య సుష్మా ఉన్నారు . ఉరేసుకుని ఒకరి ఆత్మహత్య పెగడపల్లి: మండలంలోని దో మలకుంటకు చెందిన గీతకార్మి కుడు పచ్చిమట్ల మల్లయ్య (55) ఉరేసుకుని ఆత్మహత్య చేసుకున్నట్లు ఎస్సై రవికిరణ్‌ తెలిపారు. ఆయన కథనం ప్రకారం.. గీతవృత్తి చేసుకుంటూ జీవనం సాగిస్తున్న మల్ల య్య.. కుటుంబ అవసరాల నిమిత్తం తెలిసిన వారి వద్ద కొంత అప్పు చేశాడు. అప్పు చెల్లించే మార్గం లేక జీవితంపై విరక్తి చెంది గురువారం ఇంట్లో ఎవరూ లేని సమయంలో ఉరేసుకున్నాడు. మల్ల య్య భార్య పద్మ ఫిర్యాదు మేరకు కేసు దర్యాప్తు చేస్తున్నట్లు ఎస్సై వివరించారు.

కరీంనగర్‌: కేంద్ర, రాష్ట్ర ప్రభుత్వాలు విద్యారంగాన్ని నిర్లక్ష్యం చేస్తున్నాయని ప్రగతిశీల ప్రజాస్వామ్య విద్యార్థి సంఘం(పీడీఎస్‌యూ) రాష్ట్ర అధ్యక్షుడు మొగిలి వెంకట్‌ మండిపడ్డారు. గురువారం వాగేశ్వరి డిగ్రీ కాలేజీలో జిల్లా అధ్యక్షుడు రత్నం రమేశ్‌ అధ్యక్షతన జరిగిన సమావేశంలో మాట్లాడా రు. కేంద్ర ప్రభుత్వం నూతన జాతీ య విద్యా విధానం పేరుతో కాషా యికరణ చేసే పరిస్థితిలో ఉందన్నా రు. విద్య, వైద్యానికి మొదటి ప్రాధాన్యత అని చెప్పి రాష్ట్రంలో అధికారంలోకి వచ్చిన సీఎం రేవంత్‌రెడ్డి హామీ లను తుంగలో తొక్కారని మండిపడ్డారు. ఇప్పటికై నా విద్యాశాఖ మంత్రి కేటాయించి స్కాలర్‌షిప్‌ బకా యిలు విడుదల చేయాలని, లేకుంటే రాష్ట్రవ్యాప్తంగా ఉద్యమాలు నిర్వహిస్తామని హెచ్చరించారు. కార్యక్రమంలో ఆయా సంఘాల నాయకులు కె.విశ్వనాథ్‌, దాముఖ లచ్చన్నతదితరులు పాల్గొన్నారు. అనంతరం పీడీఎస్‌యూ జిల్లా కార్యవర్గాన్ని 13 మందితో ఏకగ్రీవంగా ఎన్నుకున్నారు.

జగిత్యాలక్రైం: సీపీఆర్‌ చేసి ప్రాణాలు రక్షించవచ్చని, దీనిపై ప్రతిఒక్కరూ అవగాహన పెంచుకోవాలని కలెక్టర్‌ సత్యప్రసాద్‌ అన్నారు. ఎస్పీ కార్యాలయంలో ఫస్ట్‌ఎయిడ్‌ సీపీఆర్‌ ట్రైనింగ్‌ నిర్వహించగా.. ఎస్పీ అశోక్‌ కుమార్‌తో కలిసి పాల్గొన్నారు. రోడ్డు ప్రమాద సమయంలో ధైర్యంతో ముందుకెళ్లి బాధితుల ప్రాణాలు కాపాడితే జీవితాంతం మర్చిపోరని అన్నారు. జిల్లాలో 74 హాట్‌స్పాట్‌ కేంద్రాలు గుర్తించామన్నారు. అనంతరం బొమ్మకు సీపీఆర్‌ చేశారు. డిప్యూటీ డీఎంహెచ్‌వో శ్రీనివాస్‌, వైద్యులు ఆకుతోట శ్రీనివాస్‌రెడ్డి, పోలీస్‌ అధికారులు, సోషల్‌ రెస్పాండ్‌ సభ్యులు పాల్గొన్నారు.

జగిత్యాలక్రైం: నిందితులకు శిక్ష పడేలా చూడడంలో పోలీస్‌, పబ్లిక్‌ ప్రాసిక్యూటర్ల పాత్ర కీలకమని ఎస్పీ అశోక్‌కుమార్‌ అన్నారు. ఎస్పీ కార్యాలయంలో పోలీస్‌, పీపీలతో సమావేశమయ్యారు. ఈ ఏడాది 64 కేసుల్లో నిందితులకు జైలు శిక్ష పడిందన్నారు. సాక్షులను సరైన పద్ధతిలో ప్రవేశపెట్టి కేసుల పరిష్కారానికి కృషి చేయాలన్నారు. పీపీలు నూతన చట్టాల్లో కలిగే సందేహాలను నివృత్తి చేశారు. అనంతరం పీపీలు రాజేశ్‌, రజిని, ప్రణయ్‌, మల్లికార్జున్‌, మల్లేశం, రామకృష్ణారావును ఎస్పీ అభినందించారు. ప్రజలకు మంచి సేవలందించాలి సమస్యలను క్షేత్రస్థాయిలో గుర్తించి ప్రజలకు స మర్థవంతమైన సేవలు అందించాలని ఎస్పీ అన్నారు. తన కార్యాలయంలో నేరాలపై సమీక్షించారు. పెండింగ్‌ కేసుల పరిష్కారానికి చొరవ చూపించాలన్నారు. అన్ని ప్రాంతాల్లో సీసీ కెమెరాలు ఏర్పాటు చేసుకునేలా ప్రజలు, వ్యాపారులకు అవగాహన కల్పించాలన్నారు. రాత్రిపూట పెట్రోలింగ్‌ నిర్వహించాలని, డయల్‌ 100కు వచ్చిన ఫిర్యాదులకు వెంటనే స్పందించాలన్నారు. అనంతరం విధి నిర్వహణలో ప్రతిభ కనబరిచిన సిబ్బందికి ప్రశంస, ప్రోత్సాహకాలు అందించారు. డీఎస్పీలు రఘుచందర్‌, రాములు, రంగారెడ్డి, సీఐలు శ్రీనివాస్‌, ఆరిఫ్‌అలీఖాన్‌, రఫీక్‌ ఖాన్‌, వేణుగోపాల్‌, రామ్‌ నరసింహారెడ్డి, రవి, నిరంజన్‌రెడ్డి, కృష్ణరెడ్డి, సురేశ్‌, ఆర్‌ఐ కిరణ్‌ కుమార్‌, వేణు, ఎస్సైలు, డీసీఆర్బీ, ఐటీ కోర్‌ సిబ్బంది పాల్గొన్నారు.

● అధికార పార్టీ నాయకుల అండదండలు ● అక్రమంగా ఇళ్ల నిర్మాణం ● సొమ్ము చేసుకుంటున్న నాయకులు ● మూడు నెలల్లో 50కి పైగా ప్లాట్ల కబ్జా, విక్రయం ● చర్యలు తీసుకోవాలని అధికారులకు విప్‌ అడ్లూరి ఆదేశంగొల్లపల్లి: గొల్లపల్లి మండలకేంద్రంలో ప్రభుత్వ భూములు అన్యాక్రాంతం అవుతున్నాయి. ఏకంగా అధికార పార్టీ నాయకులే ప్రభుత్వ స్థలాలు చదును చేస్తూ.. స్థానికులు, స్థానికేతరులకు విక్రయిస్తూ సొమ్ము చేసుకుంటున్నారు. స్థలాలు కొన్న వారు ఇళ్ల నిర్మాణాలు కూడా ప్రారంభించారు. స్థానికులు ఫిర్యాదు చేసినా అధికారపార్టీ నాయకుల హస్తం ఉండటంతో అధికారులు చూసీచూడనట్టు వ్యవహరించారు. అయితే ఈ విషయం స్థానిక ఎమ్మెల్యే ప్రభుత్వ విప్‌ దృష్టికి ఆలస్యంగా వెళ్లడంతో తీవ్ర ఆగ్రహానికి గురయ్యారు. ఆక్రమణదారులు ఎవరైనా వదిలిపెట్టొద్దని అధికారులకు ఆదేశాలు జారీ చేశారు.మండలకేంద్రంలోని 735, 544తోపాటు ఇతర సర్వే నంబర్లలో ప్రభుత్వ భూమి ఉంది. 735లో 299 ఎకరాలు ఉండగా.. 102 ఎకరాల్లో ప్రభుత్వ కార్యాలయాలు నిర్మించారు. మిగిలిన 197 ఎకరాలకు అధికారిక లెక్కలు లేవు. దీనిని ఆసరా చేసుకున్న అక్రమార్కులు కబ్జాపర్వానికి తెరలేపారు. వాటిని విక్రయించి సొమ్ముచేసుకునేందుకు పూనుకున్నారు. కాంగ్రెస్‌ ప్రభుత్వం అధికారంలోకి రావడం.. అర్హులకు ఇందిరమ్మ ఇళ్లు ఇస్తామని ప్రకటించడంతో అదే పార్టీలోని కొందరు నాయకుల కన్ను ఈ భూమిపై పడింది. నాలుగు నెలలుగా కబ్జా.. సర్కారు ఇందిరమ్మ ఇళ్లు ఇవ్వనుందని భావించిన కొందరు నాయకులు 735 సర్వేనంబర్‌లోని రామాలయం గుట్ట వెనుక వైపు ప్రాంతాన్ని నాలుగు నెలలుగా ట్రాక్టర్‌, జేసీబీలతో చదును చేయించి విక్రయించి సొమ్ము చేసుకుంటున్నారు. ఇది ఆనోటా ఈనోట తెలుసుకున్న పేదలు అక్కడికి దారిపట్టారు. దీనిని అదునుగా భావించిన నాయకులు స్థలాన్ని ప్లాట్లుగా విభజించి విక్రయిస్తున్నారు. ఇలా ఇప్పటికే దాదాపు 50కి పైగా ప్లాట్లు విక్రయించారు. 15 మందికి పైగా ఇళ్లు నిర్మించుకున్నారు. అధికారులకు ఈ విషయం తెలిసినా.. ఆక్రమణదారులు అధికార పార్టీ నాయకులే కావడంతో చూసీచూడనట్లు వ్యవహరించారు. కలెక్టర్‌కు ఫిర్యాదు చేసినా చర్యలు శూన్యం 735తోపాటు 544 సర్వేనంబర్లలోని భూమిని తా జామాజీ సర్పంచ్‌ నిశాంత్‌రెడ్డి, గత రెవెన్యూ, పంచాయతీ అధికారులు కబ్జా చేస్తున్నారని అంబేడ్కర్‌ యుజజన సంఘం జిల్లా నాయకులు చెవులమద్ది హన్మండ్లు గతేడాది అక్టోబర్‌ 21న కలెక్టరేట్‌లో నిర్వహించిన ప్రజావాణిలో ఏకంగా కలెక్టర్‌కే ఫి ర్యాదు చేశారు. కానీ.. చర్యలు తీసుకునేందుకు ఎవరూ ముందుకురాలేదు. రామాలయం వెనుక ప్రభుత్వ భూమిలో కొనసాగుతున్న ఇళ్ల నిర్మాణాలుఅక్రమంగా నిర్మిస్తే కూల్చేస్తాం..ఎమ్మెల్యే ఆదేశాలతో.. ప్రభుత్వ భూమి కబ్జా విషయం ఎమ్మెల్యే దృష్టికి ఆలస్యంగా రావడంతో వెంటనే ఆగ్రహానికి గురయ్యారు. తమ పార్టీ పేరు చెప్పుకుని ప్రభుత్వ భూములను కబ్జా చేస్తే సహించొద్దని, ఎంతటి వారైన చర్యలు తీసుకోవాలని తహసీల్దార్‌ వరందన్‌ను ఆదేశించారు. ఈ మేరకు తహసీల్దార్‌ హుటాహుటిన ఇళ్ల నిర్మాణాలు చేపడుతున్న రామాలయం గుట్ట వద్దకు వెళ్లారు. ఆక్రమణదారులను మందలించారు. అయితే అధికార పార్టీకే చెందిన ఓ నాయకుడు ఇక్కడ ఇల్లు కట్టుకొమ్మన్నాడని తహసీల్దార్‌కు చెప్పడంతో కంగుతిన్న ఆయన ధ్రువీకరణపత్రాలు చూపించాలన్నారు. దీనికి వారు తమ వద్ద ఎలాంటి ఆధారాలూ లేవని చెప్పడం గమనార్హం. ప్రభుత్వ భూమిలో అక్రమంగా నిర్మాణాలు చేపట్టొద్దని తహసీల్దార్‌ అన్నారు. 735 సర్వే నంబర్‌లో అక్రమంగా ఇళ్ల నిర్మాణాలు చేపడుతున్నట్లు దృష్టికి వచ్చిందన్నారు. ఇప్పటివరకు 40ఇళ్లు నిర్మాణ దశలో ఉన్నాయని, వారు సామగ్రితో సహా వెళ్లకుంటే చర్యలు తప్పవన్నారు. ప్రభుత్వ భూముల్లో ఇల్లు నిర్మించుకోవాలని కొందరు చెప్పే మాటలు పట్టించుకోవద్దన్నారు. బాధితులను ఉసిగొల్పుతున్న వారిపై క్రిమినల్‌ చర్యలు తీసుకుంటామన్నారు.

మాది రాయికల్‌ మండలం అయోధ్య గ్రామం. బాలికల ఉన్నత పాఠశాలలో పదో తరగతి చదువుకుంటున్నాం. ఉదయం, సాయంత్రం సమయంలో ప్రత్యేక తరగతులు నిర్వహిస్తున్నారు. మేం కూడా చదువుకుంటున్నాం. సాయంత్రం వేళ ఆకలి అవుతోంది. ఇంటికి చేరేసరికి రాత్రి అవుతోంది. పొద్దున వెళ్లిన మేము రాత్రి ఇంటికి చేరుకుంటున్నాం. వచ్చేసరికి నీరసించి పోతున్నాం. – మేఘన, అయోధ్య దాతలు సహకరించాలి పదో తరగతి విద్యార్థులకు అల్పాహారం కోసం విద్యాశాఖ నుంచి ఎలాంటి నిధులు మంజూరు కాలేదు. నిధులు మంజూరు కాగానే ప్రధానోపాధ్యాయులకు ఆదేశాలు జారీ చేస్తాం. ఉదయం జావా అందిస్తున్నాం. ఆయా గ్రామాల్లోని దాతలు కూడా ముందుకు రావాలి. అందరూ సహకరించి పదో తరగతి విద్యార్థుల కోసం అల్పాహారం ఏర్పాటు చేసుకోవాలి. – రాము, డీఈవో