జూన్‌ నాటికి మొక్కలు సిద్ధం హరితహారం కింద గ్రామాల్లో మొక్కలు నాటడం ద్వారా పచ్చదనం పెరుగుతోంది. అధికారులు, స్వచ్ఛంద సంస్థలు ఇందులో భాగస్వామ్యం కావడంతో కార్యక్రమం విజయవంతం అవుతోంది. అయితే ప్రజలు కోరుకునే మొక్కలు పంపిణీ చేస్తే బాగుంటుంది. లక్ష్యం మేరకు మొక్కలు నాటించవచ్చు. – మహేశ్‌, కథలాపూర్‌. పదకొండో విడత హరితహారం కింద జిల్లాలో 47.75 లక్షల మొక్కలు నాటుతాం. అందుకు తగ్గట్టుగా 380 గ్రామాల్లోని నర్సరీలల్లో ఏర్పాట్లు జరుగుతున్నాయి. బ్యాగుల్లో మట్టిని నింపి విత్తనాలు పెట్టే పనులు ఊపందుకున్నాయి. జూన్‌ నాటికి మొక్కలను సిద్ధం చేస్తాం. వానాకాలం సీజన్‌లో నాటాలనే లక్ష్యంతో ఉన్నాం. – రఘువరణ్‌, డీఆర్డీవో

జగిత్యాలరూరల్‌: అర్హులందరికీ పథకాలు అందుతాయని కలెక్టర్‌ సత్యప్రసాద్‌ అన్నారు. బుధవారం జగిత్యాల రూరల్‌ మండలం నర్సింగాపూర్‌లో నిర్వహించిన గ్రామసభలో పాల్గొన్నారు. ఇందిరమ్మ ఆత్మీయ భరోసా, రైతు భరోసా, కొత్తరేషన్‌కార్డుల ఎంపికకు గ్రామసభల ద్వారా అర్హులను గుర్తిస్తున్నామని, క్షేత్రస్థాయిలో సర్వే చేసి జాబితా తయారు చేశామని, గ్రామసభ ఆమోదంతో అర్హత పొందిన వారికి పథకాలు అందిస్తామని వెల్లడించా రు. పేర్లు రానివారు ఆందోళన చెందాల్సిన అవస రం లేదని, గ్రామసభల్లో కౌంటర్లు ఏర్పాటు చేసి దరఖాస్తులు తీసుకుంటున్నామని వెల్లడించారు. రేషన్‌కార్డులు, ఇందిరమ్మ ఇళ్ల కేటాయింపు నిరంత ర ప్రక్రియ అన్నారు. కార్యక్రమంలో అడిషనల్‌ కలెక్టర్‌ లత, ఎంపీడీవో రమాదేవి, ఎంపీవో రవిబాబు పాల్గొన్నారు. పేర్లులేనివారు దరఖాస్తు చేసుకోవాలి మల్యాల: జాబితాలో పేర్లు లేనివారు ఆందోళన చెందాల్సిన అవసరం అడిషనల్‌ కలెక్టర్‌ గౌతం రెడ్డి అన్నారు. మండలంలోని సర్వాపూర్‌లో నిర్వహించిన ప్రజాపాలన గ్రామసభలో మాట్లాడారు. ముందుగా అనర్హులను ఎంపిక చేశారంటూ గ్రామస్తులు అధికారుల దృష్టికి తీసుకెళ్లారు. దీంతో క్షేత్రస్థాయిలో మరోసారి సర్వే చేసి, అర్హులను ఎంపిక చేయాలని ఆయన అధికారులకు సూచించారు. జాబితా లో పేర్లు లేని వారు ఆందోళన చెందవద్దని పేర్కొన్నారు. ఎంపీడీఓ స్వాతి, ఏఓ చంద్రదీపక్‌, ఆర్‌ఐ రాణి తదితరులు పాల్గొన్నారు. ● కలెక్టర్‌ సత్యప్రసాద్‌

● ఎన్టీపీసీ నుంచి 10 లక్షల టన్నుల సరఫరాకు కేంద్రం నిర్ణయం ● కేంద్ర హోంశాఖ సహాయ మంత్రి బండి సంజయ్‌ చొరవ ● దాదాపు 130 మంది యజమానులకు లబ్ధి ● ఈ నెల 25 వరకు దరఖాస్తుకు అవకాశంసాక్షి ప్రతినిధి, కరీంనగర్‌: ఉమ్మడి కరీంనగర్‌ జిల్లాలోని ఇటుకబట్టీలకు కేంద్రం తీపికబురు చెప్పింది. బూడిద వినియోగించి, ఇటుకలు తయారు చేసే ప్రతి బట్టీకి ఉచితంగా బూడిద సరఫరా చేసేలా కేంద్ర హోంశాఖ సహాయ మంత్రి బండి సంజయ్‌ చొరవ చూపారు. దీంతో దాదాపు రూ.14 కోట్ల విలువ చేసే బూడిద ఇటుక ఉత్పత్తిదారులకు అందనుంది. కేంద్రం తీసుకున్న ఈ నిర్ణయంతో రాజన్నసిరిసిల్ల, జగిత్యాల, పెద్దపల్లి, కరీంనగర్‌ జిల్లాల్లోని ఇటుకబట్టీల యజమానులకు లబ్ధి చేకూరనుంది. కొంతకాలంగా ఇటుకబట్టీ వ్యాపారం అంతంతమాత్రంగానే నడుస్తోంది. మరోవైపు నిర్మాణ రంగం కూడా అనుకున్న మేర మార్కెట్‌ లేకపోవడంతో ఇటుకల ఉత్పత్తిదారులు ఆర్థికంగా ఇబ్బందులు ఎదుర్కొంటున్నారు. ఈ క్రమంలో రామగుండం ఎన్టీపీసీ ఫ్లైయాష్‌ బ్రిక్స్‌ మాన్యుఫ్యాక్చరర్స్‌ వెల్ఫేర్‌ అసోసియేషన్‌ గత డిసెంబర్‌ 16న తమ పరిస్థితిని మంత్రి సంజయ్‌కి వివరించారు. రామగుండంలోని ఎన్టీపీసీ నుంచి తమకు ఉచితంగా బూడిద వచ్చేలా చూడాలని కోరారు. స్పందించిన ఆయన వారి విన్నపాన్ని సెంట్రల్‌ పవర్‌ మినిస్ట్రీకి నివేదించారు. దీంతో జనవరి ఒకటి నుంచి మే నెలాఖరు వరకు దాదాపు 120 రోజులపాటు ఉచితంగా 10 లక్షల మెట్రిక్‌ టన్నుల బూడిద సరఫరా చేసేందుకు అంగీకారం తెలిపింది. ఈ మేరకు ఈ నెల 20న ఆదేశాలు జారీ చేసింది. ఎలా దరఖాస్తు చేయాలి? ఉమ్మడి జిల్లాలో దాదాపు 130 మంది వరకు గుర్తింపు పొందిన ఇటుకబట్టీల యజమానులు ఉన్నారు. వీరు ఈ నెల 25వ తేదీలోపు ఈ QAWAT@ NTPC.CO.IN / L NNA NDA@ NTPC.CO.INలో దరఖాస్తు చేసుకోవాలి. ప్రతీ బట్టికి 25 వేల మెట్రిక్‌ టన్నులకు తగ్గకుండా బూడిద ఇవ్వనుండగా రూ.6.5 లక్షల మేర లబ్ధి చేకూరనుంది. మే 31 వరకే సరఫరా చేస్తారు. తర్వాత నిలిపివేస్తారు. ఈ పత్రాలు తప్పనిసరి.. ఎంఎస్‌ఎంఈ సర్టిఫికెట్‌, జీఎస్టీ రిజిస్ట్రేషన్‌, పాన్‌కార్డు కాపీ, పవర్‌ ఆఫ్‌ అటార్నీ ఫర్‌ ఆథరైజ్డ్‌ పర్సన్‌, దరఖాస్తుదారుడి వ్యాపార వివరాలు పొందుపరచాలి. ‘బండి’కి యజమానుల కృతజ్ఞతలు.. బూడిద ఉచిత సరఫరాకు ఆదేశాలు వచ్చిన నేపథ్యంలో కేంద్ర మంత్రి బండి సంజయ్‌ని రామగుండం ఎన్టీపీసీ ఫ్లైయాష్‌ బ్రిక్స్‌ మాన్యుఫ్యాక్చరర్స్‌ వెల్ఫేర్‌ అసోసియేషన్‌ సభ్యులు బుధవారం మర్యాదపూర్వకంగా కలిశారు. ఆర్థికంగా ఇబ్బందులు పడుతున్న తమకు ఉచితంగా బూడిద సరఫరా చేసేలా చర్యలు తీసుకున్నందుకు కృతజ్ఞతలు తెలిపారు. నిర్మాణరంగం అంతంతమాత్రంగా ఉన్న ఈ సమయంలో కేంద్ర సహాయ మంత్రి చూపిన చొరవ తాము మార్కెట్‌లో నిలదొక్కుకునేందుకు ఉపకరిస్తుందని యజమానులు సంతోషం వ్యక్తం చేశారు.బండి సంజయ్‌

● జిల్లాలో 47.75 లక్షల మొక్కలు లక్ష్యం ● నర్సరీల్లో పెంపకం పనులు ప్రారంభంకథలాపూర్‌(వేములవాడ): జిల్లాలో 11వ విడత హరితహారం కార్యక్రమాన్ని చేపట్టేందుకు అధికారయంత్రాంగం సిద్ధమైంది. వచ్చే వానాకాలం సీజన్‌ ప్రారంభంలోనే మొక్కలు నాటేందుకు ఉపాధి హామీ అధికారులు ఇప్పటి నుంచే ఏర్పాట్లు చేస్తున్నారు. జిల్లావ్యాప్తంగా ఉన్న వన నర్సరీల్లో మొక్కలు పెంచేందుకు మట్టి, కవర్లు, విత్తనాలు సిద్ధం చేసుకున్నారు. 47.75 లక్షల మొక్కలు లక్ష్యం జిల్లాలో 20 మండలాలు.. వీటి పరిధిలో 380 గ్రా మాలు ఉన్నాయి. ఊరూరా వననర్సరీలు ఏర్పాటు చేసి అందులో మొక్కలు పెంచాలని నిర్ణయించారు. ఈసారి ప్రతి నర్సరీలో హరితహారం ప్రారంభం నా టికి కనీసం 11 వేల మొక్కలు అందుబాటులో ఉంచాలని లక్ష్యంగా పెట్టుకున్నారు. ఇప్పటివరకు ఆ యా వన నర్సరీల్లో 5 లక్షల మొక్కలు అందుబాటులో ఉన్నాయి. ప్రస్తుతం కొత్తగా 42.69 లక్షల మొ క్కలు పెంచేలా ఏర్పాట్లు చేస్తున్నారు. మొత్తంగా జిల్లాలో 47.75లక్షల మొక్కలు నాటేందుకు సిద్ధమవుతున్నారు. ‘ఉపాధి’లో వననర్సరీలు జిల్లాలో అన్ని గ్రామాల్లో వన నర్సరీలను ఉపాధి హామీ పథకం కింద నిర్వహిస్తున్నారు. ఈ నర్సరీలకు మట్టిని ఇప్పటికే తెప్పించారు. ఉపాధి కూలీలతో మట్టిని శుభ్రం చేయించి ప్లాస్టిక్‌ బ్యాగుల్లో నింపుతున్నారు. కొన్నిచోట్ల విత్తనాలు వేసి నీరుపడుతున్నారు. ఈ నర్సరీల నిర్వహణ బాధ్యత గ్రా మపంచాయతీలదే కావడంతో కార్యదర్శుల పర్యవేక్షణలో వనసేవకులు, ఫీల్డ్‌ అసిస్టెంట్లు ప్రతిరోజు నర్సరీల్లోని మొక్కలను చూసుకుంటున్నారు.

● పథకాల ఎంపికకు అధికారుల గ్రామసభలు ● అనర్హులకు చోటు కల్పించారంటున్న ప్రజలు ● అధికారుల తీరుపై లబ్ధిదారుల విమర్శలుజగిత్యాల: రాష్ట్ర ప్రభుత్వం ప్రకటించిన సంక్షేమ పథకాలకు లబ్ధిదారుల ఎంపిక ప్రక్రియ జిల్లాలో గందరగోళంగా మారుతోంది. అర్హులను ఎంపిక చేసేందుకు నిర్వహిస్తున్న గ్రామసభల్లో అధికారులకు నిలదీతలు.. నిరసనలు తప్పడం లేదు. అర్హులందరికీ రైతుభరోసా, ఇందిరమ్మ ఆత్మీయభరోసా, ఇందిరమ్మ ఇళ్లు, రేషన్‌కార్డులను ఈనెల 26 నుంచి అందిస్తామని ప్రకటించిన ప్రభుత్వం.. ఇందుకోసం అర్హుల జాబితాను క్షేత్రస్థాయిలో రూపొందించింది. వాటిని గ్రామసభల ద్వారా ప్రజల ఆమోదం కోసం సభలు నిర్వహిస్తోంది. అయితే జాబితాలో అర్హులు కాకుండా.. అనర్హులకు చోటు కల్పించారంటూ జిల్లావ్యాప్తంగా ప్రజలు నిరసనలకు దిగుతున్నారు. లబ్ధిదారుల ఎంపిక ప్రక్రియ మంగళవారం ప్రారంభమైన విషయం తెల్సిందే. తొలిరోజు అంతంతమాత్రంగా వ్యక్తమైన నిరసనలు బుధవారం తీవ్రస్థాయికి చేరాయి. రైతు భరోసా, ఇందిరమ్మ ఆత్మీయ భరోసా, ఇందిరమ్మ ఇళ్లు, రేషన్‌కార్డుల జాబితాలో తమ పేర్లు లేవంటూ ప్రజాప్రతినిధులు, అధికారులను నిలదీస్తున్నారు. అధికారుల నిలదీత గ్రామాలు, మున్సిపల్‌ పరిధిలో సభలు నిర్వహిస్తున్న అధికారులకు ప్రజల నుంచి నిరసనలు వ్యక్తమవుతున్నాయి. దీంతో జాబితాలో పేర్లు లేనివారు ఆందోళన చెందవద్దని, ప్రతిఒక్కరికీ పథకాలు అందిస్తామని అధికారులు పేర్కొంటున్నా నిలదీతలు మాత్రం తప్పడం లేదు. జిల్లాలోని ఇబ్రహీంపట్నం మండలం వర్షకొండలో రేషన్‌కార్డులు, ఇందిరమ్మ ఇళ్ల జాబితాలో తమ పేర్లు లేవంటూ ప్రజలు ఆందోళనకు దిగారు. అలాగే చాలామంది జాబితాపై అభ్యంతరాలు వ్యక్తం చేశారు. డబ్బుల వసూలు చేస్తున్నారని.. జగిత్యాల మండలం మోరపల్లిలో ప్రజాపాలన దరఖాస్తులకు డబ్బులు వసూలు చేస్తున్నారని గ్రామస్తులు రోడ్డెక్కారు. ఇందిరమ్మ ఇళ్లు ఇప్పిస్తామని ఘ ర్‌ పట్టి పేరిట డబ్బులు వసూలు చేస్తున్నారని ఆరో పించారు. రూ.660 తీసుకున్నారని, ఇళ్లు రావాలంటే రూ.500 ఇవ్వాలని ఫోన్‌పే చేయించుకున్నారని బాధితులు ఆవేదన వ్యక్తం చేశారు. పలు గ్రామాలు, మున్సిపాలిటీల్లోనూ ఇలాంటి అభ్యంతరాలే వ్య క్తమవుతున్నాయి. కొన్నిచోట్ల గ్రామ, వార్డు సభల పై ప్రచారం లేకపోవడంతో లబ్ధిదారుల ఎంపిక వి షయమే గ్రామస్తులకు తెలియకుండాపోతోంది. మ రికొన్ని గ్రామాల్లో అధికారులు షెడ్యూల్‌ ఇచ్చినప్పటికీ గ్రామీణ ప్రాంతప్రజల్లో అవగాహన లేక గ్రా మసభలకు హాజరు కావడం లేదని సమాచారం. మోరపల్లిలో గ్రామస్తుల ధర్నా జగిత్యాలరూరల్‌: జగిత్యాల అర్బన్‌ మండలం ధరూర్‌ గ్రామంలో అనర్హులను ఎంపిక చేశారని అదే గ్రామానికి చెందిన కొంతమంది ధర్నాకు దిగారు. గ్రామసభ రిజిస్టర్‌లో సంతకాలు చేయకుండా నిరసన వ్యక్తం చేశారు. మోరపల్లిలో లబ్ధిదారుల నుంచి రూ.500 కారోబార్‌ వసూలు చేశారని ఆందోళనకు దిగారు. గ్రామంలో అనర్హులకు చోటు కల్పించారని ఆవేదన వ్యక్తం చేశారు. విషయం తెలుసుకున్న మండల ప్రత్యేకాధికారి నరేశ్‌ రూరల్‌ సీఐ కృష్ణారెడ్డి, ఎస్సై సదాకర్‌ గ్రామానికి చేరుకుని ప్రజలతో మాట్లాడారు. డబ్బులు వసూలు చేసిన వారిపై చర్యలు తీసుకుంటామని హామీ ఇవ్వడంతో శాంతించారు. పంచాయతీ కార్యదర్శి సస్పెండ్‌ఎన్నిసార్లు దరఖాస్తు చేసుకోమంటారు..? తమకు ఇందిరమ్మ ఇళ్లు, రేషన్‌కార్డులు, రైతు భరోసా ఇవ్వాలని ఇప్పటికే ప్రజాపాలనలో దరఖాస్తు చేసుకున్నామని, ఇప్పుడు మళ్లీ దరఖాస్తు చేసుకోవడమేంటని అధికారులను ప్రజలు నిలదీస్తున్నారు. అప్పుడే దరఖాస్తులు ఇచ్చినా.. జాబితాలో పేర్లు ఎందుకు రాలేదని ప్రశ్నిస్తున్నారు. పేర్లు లేకుంట మళ్లీ దరఖాస్తు చేసుకోవడమేంటని ప్రశ్నించారు.జగిత్యాలరూరల్‌: జగిత్యాల రూరల్‌ మండలం మోరపల్లి గ్రామ పంచాయతీ కార్యదర్శి రాజిరెడ్డిని సస్పెండ్‌ చేస్తూ కలెక్టర్‌ సత్య ప్రసాద్‌ బుధవారం రాత్రి ఉత్తర్వులు జారీ చేశారు. కారోబార్‌ శ్రావణ్‌ను ఉద్యోగం నుంచి తొలగించారు. బుధవారం జరిగిన గ్రామ సభలో ప్రభుత్వ సంక్షేమ పథకాలకు దరఖాస్తు చేసుకునే వారి నుంచి ఒక్కొక్కరి నుంచి కారోబార్‌ రూ.500 వసూలు చేసినట్లు దరఖాస్తుదారులు ఆందోళన చేశారు. విషయం అధికారుల దృష్టికి వెళ్లడంతో కలెక్టర్‌ పంచాయతీ కార్యదర్శిని సస్పెండ్‌ చేయడంతోపాటు కారోబార్‌ను విధుల నుండి తొలగించారు.

ధర్మపురి/కథలాపూర్‌/కరీంనగర్‌ కార్పొరేషన్‌/తిమ్మాపూర్‌/గంగాధర/రుద్రంగి: రాష్ట్ర ప్రజల జీవన ప్రమాణాలను పెంపొందించడానికి కాంగ్రెస్‌ ప్రభుత్వం ముందుకు సాగుతుందని.. ఇందుకోసం ప్రజలంతా సంపూర్ణ మద్దతిచ్చి ఆశీర్వదించాలని నీటిపారుదల, పౌరసరఫరాల శాఖ మంత్రి ఉత్తమ్‌కుమార్‌రెడ్డి, రవాణా శాఖ మంత్రి పొన్నం ప్రభాకర్‌ అన్నారు. బుధవా రం జగిత్యాల జిల్లా ధర్మపురి మండలం జైన, కథలాపూర్‌ మండలం సూరమ్మ, రాజన్నసిరిసిల్ల జిల్లా రుద్రంగి, కరీంనగర్‌ జిల్లా తిమ్మాపూర్‌ మండలం రేణికుంట, గంగాధర మండలంలోని నారాయణపూర్‌ గ్రామాల్లో నిర్వహించిన ప్రజా పాలన గ్రామసభలకు హాజరయ్యారు. రైతులు, రైతు కూలీలు, హరిజన, గిరిజన, బీసీ, మైనార్టీల జీవన ప్రమాణాలు పెంచడమే ప్రభుత్వ లక్ష్యమన్నారు. రూ.2 లక్షల రుణమాఫీ ఏకకాలంలో చేశామని వెల్లడించారు. ఇందిరమ్మ ఇళ్ల పథకంలో ఎస్సీ, ఎస్టీ లబ్ధిదారులకు రూ.లక్ష అదనంగా ఇస్తామన్నారు. బీఆర్‌ఎస్‌ పదేళ్ల పాలనలో కేవలం 40 వేల రేషన్‌కార్డులు ఇచ్చారని.. కాంగ్రెస్‌ ప్రభుత్వం ఏడాదిలోనే 40 లక్షల మందికి రేషన్‌ కార్డులు ఇవ్వనుందని తెలిపారు. శ్రీపాద ఎల్లంపల్లి ఎత్తిపోతల పథకం పనులు, సూరమ్మ ప్రాజెక్టు పనుల విషయమై చర్చించేందుకు ఈనెల 25న ఇంజినీరింగ్‌ అధికారులు హైదరాబాద్‌కు రావాలని ఆదేశించారు. గత ప్రభుత్వం లక్షల కోట్లు ఖర్చు చేసి తక్కువ ఆయకట్టుకు నీరందించిందన్నారు. పంటలు ఎండిపోకుండా ఎస్సారెస్పీ నుంచి అర టీఎంసీ నీరు విడుదల చేశామని, మిగిలిన అర టీఎంసీ విడుతల వారీగా విడుదల చేస్తామన్నారు. విప్‌ అడ్లూరి లక్ష్మణ్‌ కుమార్‌ మాట్లాడుతూ.. గోదావరి తీర ప్రాంతాల్లో ఎత్తిపోతలపై ఆధారపడిన రైతులకు సాగునీటి వసతి కల్పించాలని, బుగ్గారం మండలం యశ్వంతరావుపేట చెరువు, జంగల్‌ నాలా ప్రాజెక్టులను పునరుద్ధరించాలని మంత్రులను కోరారు. సూరమ్మ ప్రాజెక్టు పరిశీలన కథలాపూర్‌ మండలం కలిగోట శివారులో నిర్మిస్తున్న సూరమ్మ ప్రాజెక్టు పనులను మంత్రులు ప్రభుత్వ విప్‌ ఆది శ్రీనివాస్‌ పరిశీలించారు. ఫొటోఎగ్జిబిషన్‌ను మంత్రులు తిలకించారు. అసత్య ప్రచారాలు నమ్మొద్దు రుద్రంగి మండలకేంద్రంలో నిర్వహించిన గ్రామసభలో మంత్రులు ఉత్తమ్‌, పొన్నం మాట్లాడారు. పథకాల ఎంపికపై అసత్య ప్రచారాలు నమ్మొద్దని విజ్ఞప్తి చేశారు. రేషన్‌ షాపుల ద్వారా త్వరలో సన్నబియ్యం పంపిణీ చేస్తామన్నారు. ప్రజల జీవన ప్రమాణాలు పెంచుతాం రైతులకు శాశ్వత సాగునీటి వసతి కల్పిస్తాం ఎస్సీ, ఎస్టీ లబ్ధిదారులకు రూ.లక్ష అదనంగా ఇస్తాం మంత్రులు ఉత్తమ్‌కుమార్‌రెడ్డి, పొన్నం ప్రభాకర్‌గౌడ్‌ ఉమ్మడి కరీంనగర్‌ జిల్లావ్యాప్తంగా పర్యటించిన మంత్రులుగంగాధర మండలంలోని నారాయణపూర్‌ రిజర్వాయర్‌ను ఏడాదిలోపు పూర్తి చేస్తామని మంత్రులు ప్రకటించారు. ఇందుకు రూ.70కోట్లు విడుదల చేస్తున్నట్లు వెల్లడించారు. స్థానిక ఎమ్మెల్యే మేడిపల్లి సత్యంతో కలిసి రిజర్వాయర్‌ను పరిశీలించారు. గంగాధర మండలంలోని కురిక్యాల గ్రామంలో ప్రాథమిక వ్యవసాయ సహకార సంఘం భవనాన్ని మంత్రులు ప్రారంభించారు. మానకొండూరు ఎమ్మెల్యే కవ్వంపల్లి సత్యనారాయణ మాట్లాడుతూ కాంగ్రెస్‌ పేదల ప్రభుత్వమని అన్నారు. ఇందిరమ్మ ఇండ్ల జాబితాలో పేరు లేనివారు మళ్లీ దరఖాస్తు చేసుకోవాలని తెలిపారు. మంత్రుల వెంట కరీంనగర్‌, జగిత్యాల, రాజన్న సిరిసిల్ల కలెక్టర్లు పమేలా సత్పతి, సత్యప్రసాద్‌, సందీప్‌కుమార్‌ఝా, ఎస్పీలు అశోక్‌కుమార్‌, అఖిల్‌ మహాజన్‌, అడిషనల్‌ కలెక్టర్లు ప్రపుల్‌ దేశాయి, లక్ష్మికిరణ్‌, బీఎస్‌.లత, గౌతమ్‌రెడ్డి, ఖీమ్యానాయక్‌, రాష్ట్ర కో–ఆపరేటీవ్‌ చైర్మన్‌ మానాల మోహన్‌రెడ్డి, కరీంనగర్‌ ట్రైనీ కలెక్టర్‌ అజయ్‌యాదవ్‌, జెడ్పీ సీఈవో శ్రీనివాస్‌ తదితరులు పాల్గొన్నారు. నారాయణపూర్‌ రిజర్వాయర్‌ పూర్తి చేస్తాం

కొండగట్టు(చొప్పదండి): కొండగట్టు అంజన్న ఆలయ ఈవో శ్రీకాంత్‌రావు సెలవుపై వెళ్లారు. ఆయన సుమారు 15 రోజులు సెలవు పెట్టినట్లు ఆలయ అధికారులు తెలిపారు. ఇక్కడ పనిచేసిన రామకృష్ణారావును కొద్దిరోజుల క్రితం బదిలీ చేసిన విషయం తెల్సిందే ఆయన స్థానంలో వేములవాడ రాజన్న ఆలయ ఈవోకు అదనపు బాధ్యతలు ఇచ్చారు. అనంతరం వరంగల్‌లో పనిచేస్తున్న శ్రీకాంత్‌రావును ఇక్కడకు బదిలీ చేశారు. ఆయన అలావచ్చి బాధ్యతలు తీసుకుని ఇలా సెలవు పెట్టారు. మొన్నటివరకు ఈవో లేక ఆలయంలో సమస్యలు పేరుకుపోయాయి. ఇప్పుడు ఈవో లీవ్‌లో వెళ్లడంతో ఆ సమస్యలు అలాగే ఉండిపోనున్నాయి.

● మంత్రి ఉత్తమ్‌కు ఎమ్మెల్సీ జీవన్‌రెడ్డి లేఖ జగిత్యాలటౌన్‌: జగిత్యాలరూరల్‌ మండలం నర్సింగాపూర్‌ శివారు సర్వేనంబర్‌ 437, 251లోని ప్రభుత్వ భూమిలో అక్రమ పట్టాలను రద్దు చేయాలని ఎమ్మెల్సీ జీవన్‌రెడ్డి మంత్రి ఉత్తమ్‌కుమార్‌రెడ్డికి లేఖ రాశారు. పేదలకు ఇవ్వాల్సిన భూమిని ధరణి రికార్డుల్లో నమోదు చేసుకుని కబ్జా చేశారని, రైతుబంధు కూడా పొందుతున్నారని తెలిపారు. పట్టాదా రు పాసుపుస్తకాలను రద్దు చేయాలని కలెక్టర్‌ దృష్టికి తీసుకెళ్లినా చర్యలు తీసుకోలేదన్నారు.

జగిత్యాలఅగ్రికల్చర్‌: మల్యాల మండలంలోని నూకపల్లి హౌసింగ్‌ బోర్డు కాలనీని జగిత్యాల మున్సిపాలిటీలో కలుపుతామని, గెజిట్‌ నోటిఫికేషన్‌ త్వరలోనే వస్తుందని ఎమ్మెల్యే సంజయ్‌కుమార్‌ తెలిపారు. జిల్లాకేంద్రంలోని సమీకృత మార్కెట్‌లో మిగిలిపోయిన పనులకు రూ.35లక్షలతో బుధవారం శ్రీకారం చుట్టారు. అనంతరం విలేకరులతో మాట్లాడారు. మార్కెట్‌తో రైతులు, వినియోగదారులకు లాభం జరుగుతుందని, ఇతర ప్రాంతాలకు కూరగాయలు, చేపలు, మాంసం ఎగుమతికి ఉపయోగపడుతుందని తెలిపా రు. కార్యక్రమంలో మున్సిపల్‌ చైర్‌పర్సన్‌ అడువాల జ్యోతి, వైస్‌ చైర్మన్‌ గోలి శ్రీనివాస్‌, కమిషనర్‌ చిరంజీవి, కౌన్సిలర్లు భారతి, నర్సమ్మ, రజీయోద్దిన్‌, అస్మా అంజుమ్‌ పాల్గొన్నారు. లేఅవుట్‌ లేకుండా నిర్మాణాలు చేపట్టొద్దు జగిత్యాల: లేఅవుట్‌ లేని స్థలాల్లో నిర్మాణాలు చేపట్టొద్దని ఎమ్మెల్యే సూచించారు. జిల్లా కేంద్రంలో 10, 25, 26, 27, 39 వార్డుల్లో రూ.80 లక్షల టీయూఎఫ్‌ఐడీసీ నిధులతో చేపట్టనున్న అభివృద్ధి పనులకు భూమిపూజ చేశారు. రియల్‌ ఎస్టేట్‌ వ్యాపారులు లేఅవుట్‌ ప్రకారమే స్థలాలు విక్రయించాలన్నారు. పేర్లు లేనివారు దరఖాస్తు చేసుకోవచ్చుకోరుట్ల: గ్రామసభల్లో పేర్లు రానివారు ఆందోళన చెందవద్దని, మళ్లీ దరఖాస్తు చేసుకునే అవకాశం ఉందని జిల్లా అడిషనల్‌ కలెక్టర్‌ బీఎస్‌.లత అన్నారు. పట్టణంలోని 13, 29వార్డుల్లో బుధవారం నిర్వహించిన ప్రజాపాలన సభలో పాల్గొన్నారు. దరఖాస్తు చేసుకుంటే పరిశీలించి అర్హులను గుర్తిస్తామన్నారు. కార్యక్రమంలో ఆర్డీవో జీవాకర్‌ రెడ్డి, మున్సిపల్‌ కమిషనర్‌ బట్టు తిరుపతి, మున్సిపల్‌ అధికారులు పాల్గొన్నారు. అలాగే మండలంలోని గుమ్లాపూర్‌, మాదాపూర్‌, జోగిన్‌పల్లి, ధర్మారంలో నిర్వహించిన గ్రామసభల్లో డీఆర్డీవో రఘువరన్‌ మాట్లాడారు. గోదారమ్మకు మొక్కులు ధర్మపురి: ధర్మపురి వద్దగల గోదావరిలో భక్తులు మొక్కులు చెల్లించుకున్నారు. ధనుర్మాసం సందర్భంగా బుధవారం వివిధ ప్రాంతాల నుంచి వేలాది మంది భక్తులు గోదావరికి తరలివచ్చి పుణ్యస్నానాలు ఆచరించారు. ముందుగా గంగమ్మతల్లికి హారతి వదిలారు. నైవేద్యం చెల్లించారు. అనంతరం శ్రీలక్ష్మీనృసింహస్వామి వారిని దర్శించుకున్నారు. జిల్లాస్థాయి క్రీడాపోటీలకు ఆహ్వానంజగిత్యాలటౌన్‌: నెహ్రూ యువకేంద్ర ఆధ్వర్యంలో నిర్వహించనున్న జిల్లాస్థాయి స్పోర్ట్స్‌ మీట్‌లో పాల్గొనే క్రీడాకారులు తమ పేర్లు నమోదు చేసుకోవాలని కేంద్రం కో–ఆర్డినేటర్‌ మారం గణేశ్‌ ఒక ప్రకటనలో పేర్కొన్నారు. స్పోర్ట్స్‌ మీట్‌లో భాగంగా వాలీబాల్‌, కబడ్డీ, బ్యాడ్మింటన్‌, షాట్‌పుట్‌, రన్నింగ్‌రేస్‌ విభాగాల్లో పోటీలు ఉంటాయని, 18 నుంచి 30 ఏళ్ల లోపువారు క్రీడల్లో పాల్గొనవచ్చని పేర్కొన్నారు.

● ఎమ్మెల్యే సంజయ్‌కుమార్‌ జగిత్యాల: జిల్లా కేంద్రంలోని గాంధీనగర్‌లో రూ.18 కోట్లతో బ్లాక్‌స్పాట్‌ రోడ్లు ఏర్పాటు చేయనున్నట్లు ఎమ్మెల్యే సంజయ్‌కుమార్‌ అన్నారు. పట్టణంలోని పలు వార్డుల్లో అభివృద్ధి పనులకు మంగళవారం భూమిపూజ చేశారు. ఇప్పటికే ప్రతి వార్డుకు రూ.2 కోట్లతో సీసీరోడ్లు మంజూరు చేశామన్నారు. వార్డుకు వంద మందికి పైగా పేద, మధ్యతరగతి వారికి డబుల్‌బెడ్‌రూంలు ఇచ్చామన్నారు. ఇంటిగ్రేటెడ్‌ స్కూల్‌ కాంప్లెక్స్‌తో విద్యార్థులు వసతులు అందుతాయన్నా రు. ఆయన వెంట చైర్‌పర్సన్‌ అడువాల జ్యోతి, వైస్‌ చైర్మన్‌ గోలి శ్రీనివాస్‌, గిరి నాగభూషణం, కమిషనర్‌ చిరంజీవి, కౌన్సిలర్లు బాలె లత, జీవన్‌, రాము పాల్గొన్నారు. సంక్షేమ పథకాలకు దరఖాస్తు చేసుకోవాలి అర్హులందరికీ ఇందిరమ్మ ఇళ్లు, రైతుభరోసా, రేషన్‌కార్డులు, ఆత్మీయ భరోసా పథకాలు వస్తాయని, ఎవరూ ఆందోళన చెందవద్దని ఎమ్మెల్యే సంజయ్‌కుమార్‌ అన్నారు. గ్రామ సభల్లో పేర్లు రాని వారు ఆందోళన చెందవద్దని, ప్రజలు సంక్షేమ పథకాలకు దరఖాస్తు చేసుకోవాలన్నారు. సభకు రానివారు మున్సిపల్‌ కార్యాలయంలోని ప్రత్యేక డెస్క్‌లో దరఖాస్తులు ఇవ్వాలన్నారు.

ఎన్‌హెచ్‌–63లో భూములు కోల్పోతున్న రైతులకు ప్రభుత్వం దశలవారీగా కాకుండా ఒకేసారి పరిహారం ఇవ్వాలి. విడుతల వారీగా పరిహారం ఇస్తే భూములు కొనుగోలు చేసేందుకు రైతులకు వీలు లేకుండా ఉంటుంది. డబ్బులు వృథా అవుతాయి. – అంకతి గంగాధర్‌, రైతు, కల్లెడ మార్కెట్‌ రేటు ప్రకారం చెల్లించాలి బుగ్గారం మండలం యశ్వంతరావుపేటలో నాకున్న రెండెకరాల భూమిలో 27 గుంటలు, బావి పోతోంది. ప్రభుత్వ రేటు సరిపోదు. గ్రామాల్లో కొనసాగుతున్న క్రయవిక్రయాల ప్రకారం పరిహారం చెల్లిస్తే రైతులం భూములు కొనుగోలు చేసుకోవచ్చు. – చందా రాధాకిషన్‌, రైతు అవార్డు విచారణ కొనసాగుతోంది రహదారి నిర్మాణానికి భూ సేకరణ పూర్తయింది. భూ ములు కోల్పోయిన రైతుల వివరాలు, భూ విస్తరణ వివరాలను ప్రభుత్వానికి నివేదిక అందజేశాం. అవార్డు విచారణ కొనసాగుతోంది. విచారణ పూర్తి కాగానే రైతుల ఖాతాల్లో డబ్బులు జమచేస్తాం. – మధుసూదన్‌, ఆర్డీవో, జగిత్యాల

బుగ్గారం(ధర్మపురి): అర్హులందరికీ ప్రభుత్వ ఫలాలు అందుతాయని, ఇందుకోసం గ్రామసభలు నిర్వహించి లబ్ధిదారులను ఎంపిక చేస్తున్నామని జిల్లా అదనపు కలెక్టర్‌ బీఎస్‌.లత అన్నారు. మండలంలోని మగ్గిడిఎడపల్లిలో మంగళవారం నిర్వహించిన గ్రామసభలో పాల్గొన్నారు. పలువురి నుంచి విజ్ఞప్తులను స్వీకరించారు. ఇందిరమ్మ ఆత్మీయ భరోసా, రైతు భరోసా, కొత్త రేషన్‌ కార్డులు, ఇందిరమ్మ ఇళ్లకు అర్హులను ఎంపిక చేయడానికి గ్రామసభలు నిర్వహిస్తున్నట్లు పేర్కొన్నారు. పేర్లు రానివారు ఆందోళన చెందాల్సిన అవసరం లేదన్నారు. అధికారులు క్షేత్రస్థాయిలో అర్హులను గుర్తించి జాబితా తయారు చేస్తారని తెలిపారు. అర్హులైన కుటుంబాలను విస్మరించొద్దని సూచించారు. జగిత్యాల ఆర్డీవో మధుసూదన్‌, తహసీల్దార్‌ కృష్ణచైతన్య, ఎంపీడీవో బి.రవీందర్‌ అధికారులు పాల్గొన్నారు.

● జిల్లాలో 71.13 కిలోమీటర్ల ఇంటర్‌ కారిడార్‌ ● 240 రైతుల నుంచి 250 హెక్టార్ల భూసేకరణ ● 30 రెవెన్యూ గ్రామాల్లో నిర్వాసితులుజగిత్యాలరూరల్‌: నేషనల్‌హైవే అథారిటి ఆఫ్‌ ఇండియా ఆధ్వర్యంలో ఆర్మూర్‌ నుంచి జగ్దల్‌పూర్‌ వరకు జిల్లా మీదుగా నిర్మించే ఇంటర్‌ కారిడార్‌ (ఐసీఆర్‌) ఎన్‌హెచ్‌–63 రహదారికి జిల్లాలో రెవెన్యూ అధికారులు భూసేకరణ పూర్తి చేశారు. రైతులకు పరిహారం అందించేందుకు భూములు కోల్పోయిన రైతుల నుంచి నేరుగా దరఖాస్తులు కూడా స్వీకరించారు. కలెక్టర్‌ ఆధ్వర్యంలో పర్యావరణ ప్రజాభిప్రాయ సేకరణ పూర్తి చేశారు. జిల్లాలో పూర్తిస్థాయిలో భూసేకరణ పూర్తికావడంతో ఇంటర్‌ కారిడార్‌ రహదారి నిర్మాణ పనుల ప్రారంభానికి సన్నద్ధమవుతున్నారు. జిల్లాలో 30 రెవెన్యూ గ్రామాల్లో భూసేకరణ జిల్లాలో ఎన్‌హెచ్‌–63 నాలుగు వరుసల రహదారి కోసం 30 రెవెన్యూ గ్రామాల్లోని 240 మంది రైతులనుంచి 250.0790 హెక్టార్ల భూమి సేకరించారు. మెట్‌పల్లి మండలం బండలింగాపూర్‌ నుంచి వెల్గటూర్‌ మండలం స్తంభంపల్లి వరకు రహదారి నిర్మాణానికి భూసేకరణ పూర్తి చేశారు. కొనసాగుతున్న అవార్డు విచారణ రెవెన్యూ అధికారులు జిల్లా వ్యాప్తంగా భూములు కోల్పోతున్న రైతుల వివరాలతోపాటు, భూసేకరణ వివరాలు కూడా ఉన్నతాధికారులకు నివేదించారు. ఫలితంగా అవార్డు విచారణ కొనసాగుతోంది. అవార్డు విచారణ పూర్తి కాగానే దశల వారిగా రైతుల ఖాతాల్లో డబ్బులు జమచేయనున్నారు. జిల్లాలో 71.13 కి.మీ రహదారి నిర్మాణం జిల్లాలో నేషనల్‌ హైవే 63 నాలుగు వరుసల రహదారి నిర్మాణం నిజామాబాద్‌ జిల్లా ఆర్మూర్‌ నుంచి జగ్దల్‌పూర్‌ వరకు నిర్మాణం చేపట్టనున్నారు. ఇది జిల్లాలో ఇబ్రహీంపట్నం మండలం మేడిపల్లి నుంచి వెల్గటూర్‌ మండలం స్తంభంపల్లి వరకు 71.13 కిలోమీటర్ల మేర ఉంటుంది.

జగిత్యాల/ధర్మపురి/కథలాపూర్‌: ప్రజాపాలన గ్రామసభల నేపథ్యంలో బుధవారం జిల్లాలో మంత్రులు ఉత్తమ్‌కుమార్‌రెడ్డి, పొన్నం ప్రభాకర్‌ పర్యటించనున్నారు. మధ్యాహ్నం 3.15గంటలకు ధర్మపురికి హెలికాప్టర్‌లో రానున్నారు. అక్కడి నుంచి జైనాలో సాయంత్రం ఐదు గంటల వరకు గ్రామసభలో పాల్గొంటారు. అక్కడి నుంచి సాయంత్రం 5.30గంటలకు హెలికాప్టర్‌లో తిరిగి హైదరాబాద్‌ వెళ్తారు. ఏర్పాట్లు పరిశీలించిన విప్‌ జైనాలో నిర్వహించే గ్రామసభలో పాల్గొనడానికి మంత్రులు వస్తున్న నేపథ్యంలో ఏర్పాట్లను ఎస్పీ అశోక్‌ కుమార్‌తో కలిసి ప్రభుత్వ విప్‌ అడ్లూరి లక్ష్మణ్‌కుమార్‌ పరిశీలించారు. పర్యటనను విజయవంతం చేయండి కథలాపూర్‌ మండలం కలిగోట సూరమ్మ ప్రాజెక్టు సందర్శనకు వస్తున్న మంత్రుల పర్యటనను విజయవంతం చేయాలని ప్రభుత్వ విప్‌ ఆది శ్రీనివాస్‌ కోరారు. మంత్రుల పర్యటన నేపథ్యంలో తీసుకోవాల్సిన జాగ్రత్తలపై అధికారులతో చర్చించారు. బుధవారం మధ్యాహ్నం 2:30గంటలకు సూరమ్మ ప్రాజెక్టును సందర్శిస్తారని తెలిపారు. మహిళల సంక్షేమమే ప్రజాపాలన లక్ష్యంజగిత్యాల: మహిళల సంక్షేమమే కాంగ్రెస్‌ పార్టీ లక్ష్యమని ఎమ్మెల్సీ జీవన్‌రెడ్డి అన్నారు. రేషన్‌కార్డులో పేరు లేని వారు ఆందోళన చెందవద్దన్నారు. జిల్లాకేంద్రంలోని 19వ వార్డులో నిర్వహించిన ప్రజాపాలన కార్యక్రమంలో పాల్గొన్నారు. ఉచిత బస్సు ప్రయాణం, రూ.500కే గ్యాస్‌, 200 యూనిట్ల వరకు ఉచిత విద్యుత్‌ అందిస్తున్నట్లు పేర్కొన్నారు. ఇందిరమ్మ ఇళ్లను అర్హులందరికీ అందేలా చూస్తామని హామీ ఇచ్చారు. టీపీసీసీ సెక్రటరీ బండ శంకర్‌, కాంగ్రెస్‌ రూరల్‌ మండల అధ్యక్షుడు రాజేందర్‌, అర్బన్‌ అధ్యక్షుడు గంగాధర్‌ పాల్గొన్నారు. ఉద్యోగ భద్రత కల్పించాలని ఆందోళనజగిత్యాల: తమకు ఉద్యోగ భద్రత కల్పించాలని, సమస్యలు పరిష్కరించాలని కోరుతూ ఆశావర్కర్లు జిల్లాకేంద్రంలోని న్యూబస్టాండ్‌ వద్ద మానవహారంగా ఏర్పడి ఆందోళన చేపట్టారు. అనంతరం కలెక్టరేట్‌కు పాదయాత్రగా వెళ్లి నిరసన వ్యక్తం చేశారు. రూ.18వేల ఫిక్స్‌డ్‌ వేతనాన్ని నిర్ణయించి ఉద్యోగ భద్రత కల్పించాలన్నారు. గతంలో ఇచ్చిన హామీ ప్రకారం రూ.50 వేలు చెల్లిస్తూ ఉత్తర్వులు జారీ చేయాలన్నారు. ఆదివారం, పండుగలకు సెలవులు ఇవ్వాలని కోరారు. పనిభారం తగ్గించాలని, పారితోషికం లేని పనులు చేయించకూడదని కోరారు. మూడేళ్ల లెప్రసీ సర్వే పెండింగ్‌ డబ్బులు చెల్లించాలన్నారు. కార్యక్రమంలో యూనియన్‌ జిల్లా గౌరవ అధ్యక్షురాలు ఇందూరు సులోచన, అధ్యక్షురాలు ఆత్మకూరు లత, ప్రేమలత, జ్యోతి, జీవలక్ష్మీ, వసంత, పద్మ పాల్గొన్నారు. వాహనాలను జాగ్రత్తగా నడపాలిజగిత్యాల: ప్రతిఒక్కరూ వాహనాలను జాగ్రత్తగా నడపాలని డీటీవో శ్రీనివాస్‌ అన్నారు. రోడ్డు భద్రత మాసోత్సవాల్లో భాగంగా జిల్లాకేంద్రంలో డ్రైవర్లకు అవగాహన కల్పించారు. ట్రాఫిక్‌ నిబంధనలు తప్పనిసరిగా పాటించాలని సూచించారు. సాంస్కృతిక కార్యక్రమాలు, పాటలతో ప్రజలను చైతన్యపర్చారు. కార్యక్రమంలో ఆర్టీఏ సిబ్బంది పాల్గొన్నారు.

ఉద్యోగంలో చేరిన నాటినుంచి విరమణ పొందే వరకు ప్రతీ ప్రయాణికుడిని సురక్షితంగా గమ్యస్థానానికి చేర్చిన ఆర్టీసీ రిటైర్డ్‌ ఉద్యోగులకు అధిక పింఛన్‌ అందని ద్రాక్షలా మారింది. డిమాండ్‌ నోటీసు మేరకు ఈపీఎఫ్‌వో అడిగిన సొమ్ము చెల్లించిన తర్వాత కొందరి దరఖాస్తులు తిరస్కరణకు గురయ్యాయి. మరికొందరివి 1995 నాటి నుంచి వివరాలు కావాలని మెలిక పెట్టారు. ఉద్యోగ విరమణ తర్వాత అధిక పింఛన్‌ ఏమోగానీ.. ఏరియర్స్‌ కూడా రావడం లేదని ఆవేదన వ్యక్తం చేస్తున్నారు. ఇప్పటివరకు ఉమ్మడి కరీంనగర్‌ జిల్లాలోని 11 డిపోల పరిధిలో సుమారు 4,800 మంది రిటైర్డ్‌ అయ్యారు. – హుజూరాబాద్‌– వివరాలు 8లోu

● పసుపు పంటకు గ్యారంటీ రేటు ఉండాలి ● పసుపు బోర్డు కోసం ఎమ్మెల్సీ కవిత ఎంతో కృషి చేశారు ● కోరుట్ల ఎమ్మెల్యే సంజయ్‌కుమార్‌ మెట్‌పల్లి: పట్టణంలో పెండింగ్‌లో ఉన్న అభివృద్ధి పనులు పూర్తయ్యేలా చర్యలు తీసుకోవాలని ఎమ్మెల్యే కల్వకుంట్ల సంజయ్‌ సూచించారు. చైర్‌పర్సన్‌ రాణవేని సుజాత అధ్యక్షతన మంగళవారం మున్సిపల్‌ కార్యాలయంలో పాలకవర్గ చివరి సాధారణ సమావేశం నిర్వహించారు. ముందుగా కౌన్సిలర్లు వార్డుల్లో నెలకొన్న సమస్యలను సమావేశం దృష్టికి తీసుకొచ్చారు. వాటిని పరిష్కరించాలని ఎమ్మెల్యే అధికారులను ఆదేశించారు. మొత్తం 40 అంశాలను ప్రవేశపెట్టగా.. వాటికి కౌన్సిలర్లు ఏకగ్రీవంగా ఆమోదం తెలిపారు. పాలకవర్గం పదవీ కాలం ముగియనుండడంతో చైర్‌పర్సన్‌, ఇతర కౌ న్సిలర్లు, కో–ఆప్షన్‌ సభ్యులను ఎమ్మెల్యే, అధి కారులు సన్మానించారు. పసుపుబోర్డు ఏర్పాటును స్వాగతిస్తున్నాంజగిత్యాల: నిజామాబాద్‌లో పసుపు బోర్డు ఏర్పాటును స్వాగతిస్తున్నామని, కేంద్ర ప్రభుత్వానికి అభినందనలు అని కోరుట్ల ఎమ్మెల్యే సంజయ్‌ కుమార్‌ అన్నారు. అయితే పసుపు పంటకు గ్యారంటీ రేటు నిర్ణయించాలని సూచించారు. జిల్లాకేంద్రంలోని పార్టీ కార్యాలయంలో విలేకరులతో మాట్లాడారు. 2014లో అప్పటి ఎంపీగా ఉన్న కవిత పసుపుబోర్డు గురించి కేంద్రమంత్రి నిర్మల సీతారామన్‌కు లేఖ రాశారని, కేరళ, అసోం ముఖ్యమంత్రులు, కేంద్రమంత్రులను కలిసి తీవ్రమైన కృషి చేశారని పేర్కొన్నారు. ఎంపీ అర్వింద్‌ పసుపు బోర్డు ఏర్పాటుకుముందు స్పైస్‌ బోర్డు పసుపుబోర్డు కంటే మెరుగైందని చెప్పారని గుర్తు చేశారు. ఎంపీగా అర్వింద్‌ చేసిందేమీ లేదన్నారు. స్థానిక షుగర్‌ ఫ్యాక్టరీ పునరుద్ధరణకు రాష్ట్ర ప్రభుత్వంతో కొట్లాడుతామన్నారు. రాష్ట్ర ప్రభుత్వం గ్రామసభలు పెట్టి అలజడి సృష్టిస్తోందని, రేషన్‌కార్డులు, కులగణన, ప్రజాపాలన పేరిట దరఖాస్తులు స్వీకరించిందని, ఇప్పు డు మళ్లీ తీసుకోవడమేంటని ప్రశ్నించారు. జెడ్పీ మాజీ చైర్‌పర్సన్‌ దావ వసంత మాట్లాడుతూ ఎమ్మెల్సీ కవిత ఫొటోలను మార్పింగ్‌ చేయడాన్ని ఖండించారు. ఈ విషయంలో సుమోటోగా స్వీకరించి కేసు పెట్టాలన్నారు. పార్టీ పట్టణ అధ్యక్షుడు గట్టు సతీశ్‌, కౌన్సిలర్‌ దేవేందర్‌నాయక్‌, మల్లేశం పాల్గొన్నారు.

ఎన్టీపీసీ సంస్థ 2024–25 ఆర్థిక సంవత్సరంలో 350 బిలియన్‌ యూనిట్ల విద్యుదుత్పత్తి చేసి, లక్ష్యాన్ని చేరుకుంది. 8లోuఈ దుకాణంలో కూర్చున్న వ్యక్తి పేరు దాచుపల్లి రాజమౌళి. ఆర్టీసీ రిటైర్డ్‌ మెకానిక్‌. స్వస్థలం హుజూరాబాద్‌. 20 ఏళ్లు ఉద్యోగం చేశాడు. పనిచేసే సమయంలోనే అధిక పింఛన్‌ కోసం దరఖాస్తు చేశాడు. రిటైరయ్యాక ముగ్గురు ఆడపిల్లల భవిష్యత్‌ కోసం ప్రణాళిక రూపొందించుకున్నాడు. ఉద్యోగ విరమణ పొంది, ఐదేళ్లు దాటినా అధిక పింఛన్‌ రావడం లేదు. ఆరోగ్యం సహకరించకున్నా కుటుంబ పోషణ కోసం కిరాణం నడుపుతున్నాడు.

జగిత్యాల: ప్రభుత్వం అమలు చేయబోయే పలు సంక్షేమ పథకాలకు లబ్ధిదారులను ఎంపిక చేసేందుకు మంగళవారం నుంచి ప్రారంభించిన గ్రామ, వార్డుసభలు పలు చోట్ల గందరగోళంగా సాగాయి. లబ్ధిదారుల ఎంపికకు వారంరోజులుగా క్షేత్రస్థాయిలో చేసిన సర్వే తుది దశకు చేరుకుంది. ఈ నెల 24 వరకు చేపట్టే సభల్లో సర్వేను పరిగణనలోకి తీసుకుని ఇందిరమ్మ ఇళ్లు, రేషన్‌ కార్డులు, ఇందిరమ్మ ఆత్మీయ భరోసాకు అర్హుల వివరాలను ప్రకటించనున్నారు. వారందరికి ఈనెల 26 నుంచి ఆయా పథకాలను వర్తింపచేయడానికి అధికారులు ఏర్పా ట్లు చేస్తున్నారు. మొదటి రోజు జరిగిన సభల్లో చాలాచోట్ల గందరగోళం నెలకొంది. ప్రజాప్రతినిధు ల ఒత్తిళ్లతో పథకాలకు అనర్హులను ఎంపిక చేస్తున్నారని అధికారులపై ఆగ్రహం వ్యక్తం చేశారు. ము ఖ్యంగా ఇళ్లు ఉన్న వారిని ‘ఇందిరమ్మ ఇళ్ల లబ్ధిదా రు ల జాబితాలో చేర్చారని మండిపడ్డారు. రైతు రు ణ మాఫీ తమకు రాలేదని పలువురు రైతులు అధి కా రులను నిలదీశారు. మొత్తానికి సభల్లో అనర్హుల ను ఎంపిక చేస్తున్నారని అభ్యంతరాలు వ్యక్తమవుతుండడంతో లబ్ధిదారుల జాబితాను పకడ్బందీ గా రూ పొందించాలని ఉన్నతాధికారులు నిర్ణయించారు. పారదర్శకంగా లబ్ధిదారుల ఎంపిక: కలెక్టర్‌ కోరుట్ల: ప్రజాపాలనలో భాగంగా ప్రజలు చేసుకున్న దరఖాస్తుల్లో లబ్ధిదారులను పారదర్శకంగా ఎంపిక చేస్తామని, ఇందుకోసం వార్డు, గ్రామ సభలు నిర్వహిస్తున్నామని కలెక్టర్‌ బి.సత్యప్రసాద్‌ అన్నారు. కోరుట్ల పట్టణంలోని రెండో వార్డులో నిర్వహించిన సభలో పాల్గొని అధికారులకు పలు సూచనలు చేశారు. పట్టణంలోని 1, 2, 3, 9, 10, 11, 17, 18, 19, 25, 27, 28 వార్డుల్లో మంగవారం వార్డు సభలు నిర్వహించారు. కార్యక్రమంలో మున్సిపల్‌ చైర్‌పర్సన్‌ అన్నం లావణ్య, కమిషనర్‌ బట్టు తిరుపతి, కౌన్సిలర్లు, అధికారులు పాల్గొన్నారు. అర్హులకే పథకాలు మేడిపల్లి: సంక్షేమ పథకాలకు అర్హులనే ఎంపిక చేస్తామని కలెక్టర్‌ ప్రకటించారు. మండలంలోని దమ్మన్నపేటలో నిర్వహించిన గ్రామసభలో పాల్గొన్నారు. ఇందిరమ్మ ఆత్మీయ భరోసా, రైతు భరోసా, కొత్త రేషన్‌కార్డులు, ఇందిరమ్మ ఇళ్లు వంటి పథకాల అమలు సరళిని పరిశీలించారు. క్షేత్రస్థాయి సర్వేలో ఎంపిక చేసిన వారి జాబితాను అధికారులు గ్రామసభ ముందు ఉంచారు. ఆ జాబితాను పరిశీలించిన కలెక్టర్‌ మాట్లాడుతూ గ్రామసభ ఆమోదంతో అర్హులకు పథకాలు వర్తింపజేస్తామన్నారు. పేర్లు లేనివారు ఆందోళన చెందవద్దని, దరఖాస్తు చేసుకోవచ్చని పేర్కొన్నారు. కార్యక్రమంలో కోరుట్ల ఆర్డీవో జివకర్‌ రెడ్డి, తహసీల్దార్‌ వసంత, అధికారులు పాల్గొన్నారు.

జగిత్యాలఅగ్రికల్చర్‌: పంటల పెట్టుబడికి రాష్ట్రప్రభుత్వం అందించనున్న రైతుభరోసా సాయం కో సం జిల్లాలో చేపట్టిన సాగుభూముల సర్వే సోమవారంతో పూర్తయ్యింది. ఈనెల 15 నుంచి అధి కా రులు రెవెన్యూ గ్రామాల వారీగా వ్యవసాయ శా ఖ సమన్వయంతో క్షేత్రస్థాయిలో సర్వే చేపట్టారు. నివేదికను కలెక్టర్‌ ద్వారా ప్రభుత్వానికి పంపించారు. ఇందులో సాగుయోగ్యం కాని భూములు కే వలం 5,088 ఎకరాలుగా గుర్తించారు. అలాగే సా గుకు అనుకూలమైన భూములు 4,75,565 ఎకరా లుగా నిర్ధారించారు. ఈ లెక్కన జిల్లా రైతులకు రూ.285. 33 కోట్ల రైతుభరోసా అందనుంది. సాగుయోగ్యంకాని భూములు తీసివేయడం ద్వారా ప్రభుత్వానికి రూ.3.05 కోట్లు మిగిలే అవకాశం ఉంది. సాగు భూములు 4,75,565 ఎకరాలు జిల్లాలో సాగుకు పనికి రాని భూములు 5088.54 ఎకరాలుగా అధికారులు తేల్చారు. 299 రెవెన్యూ గ్రామాల్లో ఈ సర్వే నిర్వహించారు. జిల్లాలో మొత్తం భూవిస్తీర్ణం 4,80,653 ఎకరాలు ఉండగా.. సాగుకు ఉపయోగపడే భూమి 4,75,565 ఎకరాలుగా గుర్తించారు. సాగుయోగ్యం భూములను పరిశీలిస్తే... జగిత్యాలలో 178.15 ఎకరాలు, గొల్లపల్లిలో 817.17, కోరుట్లలో 450.25, మల్యాలలో 317.26, కథలాపూర్‌లో 299.04, ఇబ్రహీంపట్నంలో 80.22, కొడిమ్యాలలో 257.28, మెట్‌పల్లిలో 282.31, జగిత్యాల రూరల్‌లో 471.17, ఎండపల్లిలో 233.09, బుగ్గారంలో 140.16, పెగడపల్లిలో 162.09, బీర్‌పూర్‌లో 108.23, మేడిపల్లిలో 91.35, వెల్గటూర్‌లో 231.07, సారంగాపూర్‌లో 81.17, భీమారంలో 192.2, ధర్మపురిలో 162.20, మల్లాపూర్‌లో 201.13, రాయికల్‌లో 333 ఎకరాల చొప్పున ఉన్నట్లు నిర్ధారించారు. పకడ్బందీగా అధికారుల సర్వే సాగు భూములకు మాత్రమే రైతు భరోసా ఇస్తామని ప్రభుత్వం ప్రకటించిన విషయం తెల్సిందే. ఈ నెల 26నుంచి రైతుభరోసాను అమలు చేస్తామని ప్రకటించింది. ఈ పథకం కింద ప్రతి సీజన్‌లో ఎకరాకు రూ.6 వేల చొప్పున ఏడాదికి రూ.12వేలు ఇవ్వాలని నిర్ణయించింది. ఈ మేరకు కొండలు, గుట్టలు, రాళ్లు రప్పలు, రియల్‌ వెంచర్లు, లే అవుట్లు, రోడ్లు, గృహ, వాణిజ్య, మైనింగ్‌ భూములు, గోదాములు, ఫంక్షన్‌ హాళ్లు, పారిశ్రామిక అవసరాలకు ఉపయోగించే భూములు, వివిధ ప్రాజెక్టులకు సేకరించిన భూములను అధికారుల క్షేత్రస్థాయి సర్వేలో తొలగించారు. గ్రామ పంచాయతీ, మున్సిపాలిటీ, రెవెన్యూ రికార్డుల ఆధారంగా, విలేజ్‌ మ్యాప్‌ల ఆధారంగా, క్షేత్ర స్థాయికి వెళ్లి రైతు భరోసా సర్వే నిర్వహించారు. వరి పంటకు యూరియా చల్లుతున్న రైతు ప్రభుత్వానికి నివేదించాం ప్రభుత్వ ఆదేశాల మేరకు రైతు భరోసా సర్వే పూర్తి చేశాం. కలెక్టర్‌ ద్వారా పూ ర్తిస్థాయి నివేదికను ప్రభుత్వానికి పంపించాం. జిల్లాలో సాగుకుయోగ్యం కాని వి 5,088 ఎకరాలు ఉన్నట్లు గుర్తించాం. – రాంచందర్‌, జిల్లా వ్యవసాయాధికారి

జగిత్యాల అగ్రికల్చర్‌: ఉమ్మడి కరీంనగర్‌ జిల్లాలో సాగు చేసిన వరి పంటను తొలి దశలోనే మొగి పురుగు, అగ్గి తెగులు, జింక్‌, సల్ఫైడ్‌ సమస్యలు వేధిస్తున్నాయని రైతులు పొలాస శాస్త్రవేత్తల దృష్టికి తీసుకెళ్లారు. ఈ మేరకు పొలాస వ్యవసాయ పరిశోధన స్థానానికి చెందిన శాస్త్రవేత్తలు బలరాం, రజనీకాంత్‌, సాయినాథ్‌, స్వాతి మంగళవారం జగిత్యాల, బుగ్గారం, ధర్మపురి మండలాల్లో పర్యటించి, పొలాలను పరిశీలించారు. రైతులకు పలు సూచనలు చేశారు. వరిలో మొగి పురుగు నివారణకు.. కార్టాఫ్‌ హైడ్రోక్లోరైడ్‌ 4జి గుళికలను ఎకరానికి 8 కిలోలు లేదా క్లోరాంథ్రనిలిఫ్రోల్‌ 0.4జి గుళికలను 4 కిలోల చప్పున చల్లుకోవాలని సూచించారు. అలాగే, అగ్గి తెగులు నివారణకు ఇసోఫ్రోథియోలిన్‌ 0.6 గ్రాముల మందును లీటర్‌ నీటికి కలిపి, పిచికారీ చేయాలన్నారు. వరిలో జింక్‌ లోప నివారణకు 2 గ్రాముల జింక్‌ సల్ఫేట్‌ను లీటర్‌ నీటిలో కలిపి, పిచికారి చేయాలని పేర్కొన్నారు. సల్ఫైడ్‌ దుష్ప్రభావాన్ని తగ్గించేందుకు.. మొక్క వేర్లకు గాలి తగిలేలా మురుగు నీటిని తీసి, మళ్లీ నీరు పెట్టాలని సూచించారు. ఈ దశలో కాంప్లెక్స్‌, అమ్మోనియం సల్ఫేట్‌ వంటి ఎరువులు వాడొద్దని చెప్పారు. పొలాలను పరిశీలించిన పొలాస వ్యవసాయ శాస్త్రవేత్తలు

ఎల్లారెడ్డిపేట(సిరిసిల్ల): నిద్ర లేవగానే అమ్మానాన్న కనిపించకపోవడంతో ఎనిమిదేళ్ల చిన్నారి ఆత్మహత్య చేసుకోవాలనుకున్నాడు.. విషయాన్ని తమ్ముడికి చెప్పడంతో భయపడి, చుట్టుపక్కల వారిని పిలవడంతో ప్రాణాపాయం తప్పింది. గ్రామస్తుల వివరాల ప్రకారం.. రాజన్నసిరిసిల్ల జిల్లా ఎల్లారెడ్డిపేట మండలం గుంటపల్లి చెరువు తండాకు చెందిన సంతోష్‌–స్వర్ణ దంపతులకు ఇద్దరు కుమారులు రిత్విక్‌, రిక్షిత్‌ ఉన్నారు. సంతోష్‌ బంధువులు సోమవారం రాత్రి ఘర్షణ పడ్డారు. తీవ్రంగా గాయపడ్డ వారిని స్వర్ణ ఎల్లారెడ్డిపేటలోని ఓ ప్రైవేట్‌ ఆస్పత్రికి తీసుకెళ్లింది. చికిత్స కొనసాగుతుండటంతో రాత్రి ఆస్పత్రిలోనే ఉంది. గ్రామ పంచాయతీ కార్యాలయంలో పని చేస్తున్న సంతోష్‌ మంగళవారం ఉదయం పిల్లలు నిద్ర లేవకముందే గ్రామసభపై ప్రచారం చేసేందుకు ఊళ్లోకి వెళ్లాడు. కాసేపటికి నిద్ర లేచిన పిల్లలు అమ్మానాన్న కనిపించకపోవడంతో భయపడ్డారు. అప్పటికే ఇంటి బయట ఆడుకుంటున్న చుట్టుపక్కల పిల్లలు మీ అమ్మ కనిపించడం లేదని తప్పుడు సమాచారం ఇవ్వడంతో ఆందోళనకు గురయ్యారు. ఇంట్లోకి వెళ్లిన రిత్విక్‌.. అమ్మానాన్న కనిపించడం లేదని.. తాను ఉరివేసుకుంటున్నానని తమ్ముడికి చెప్పాడు. వెంటనే స్టూల్‌ పైకి ఎక్కి, చీరతో ఫ్యాన్‌కు ఉరేసుకున్నాడు. రిక్షిత్‌ భయపడి, చుట్టుపక్కల వారికి తెలుపడంతో వచ్చి, రిత్విక్‌ను కాపాడారు. మండల కేంద్రంలోని ఓ ప్రైవేట్‌ ఆస్పత్రికి తరలించారు. ప్రస్తుతం ఆ చిన్నారికి ప్రాణాపాయం తప్పింది. అయితే, ఇద్దరు పిల్లల వయసు పదేళ్లలోపే ఉండటం, ఉరేసుకునేందుకు ప్రయత్నించడంపై పలు సందేహాలు వ్యక్తమవుతున్నాయి. తన కొడుకు ఉరివేసుకోవడంపై అనుమానం ఉందని చిన్నారి తండ్రి సంతోష్‌ తెలిపాడు. బాబు పూర్తిగా కోలుకున్న తర్వాత అసలు విషయం తెలుస్తుందని చెప్పాడు. తమ్ముడి అప్రమత్తతతో తప్పిన ప్రాణాపాయం ఆస్పత్రిలో కోలుకుంటున్న చిన్నారి ఘటనపై అనుమానాలు

జ్యోతినగర్‌(రామగుండం): ఎన్టీపీసీ సంస్థ 2024–25 ఆర్థిక సంవత్సరంలో 350 బిలియన్‌ యూనిట్ల విద్యుదుత్పత్తి చేసి, లక్ష్యాన్ని చేరుకుంది. మంగళవారం సంబంధిత వివరాలను అధికారికంగా వెల్లడించారు. ఎన్టీపీసీ విద్యుదుత్పత్తి లక్ష్యాన్ని 295 రోజుల్లోనే సాధించింది. ఇది గత ఆర్థిక సంవత్సరంతో పోలిస్తే 11 రోజులు ముందు. ఎన్టీపీసీ 76.5 గిగావాట్ల స్థాపిత సామర్థ్యాన్ని కలిగి ఉండగా.. 9.6 గిగావాట్ల పునరుత్పాదక సామర్థ్యంతో సహా 29.5 గిగావాట్ల సామర్థ్యం ఉంది. 2032 నాటికి 60 గిగావాట్ల పునరుత్పాదక ఇంధన సామర్థ్యాన్ని సాధించడానికి కంపెనీ ప్రణాళికలు సిద్ధం చేసింది. కొత్త వ్యాపారాల్లోకి అడుగు.. విద్యుదుత్పత్తితోపాటు ఎన్టీపీసీ ఈ–మొబిలిటీ, బ్యాటరీ నిల్వ, పంప్డ్‌ హైడ్రో నిల్వ, వేస్ట్‌ టు ఎనర్జీ, గ్రీన్‌ హైడ్రోజన్‌ సొల్యూషన్స్‌ వంటి వివిధ కొత్త వ్యాపారాల్లోకి కూడా అడుగుపెట్టింది. కేంద్ర పాలిత ప్రాంతాలకు విద్యుత్‌ పంపిణీ కోసం బిడ్డింగ్‌లో సైతం పాల్గొంది. ఎన్టీపీసీ సంస్థ దేశంలోని అతిపెద్ద ఇంటిగ్రేటెడ్‌ పవర్‌ యుటిలిటీగా నిలిచింది. దేశ విద్యుత్‌లో 1/4 వంతు అందిస్తోంది. థర్మల్‌, హైడ్రో, సోలార్‌, విండ్‌ పవర్‌ ప్లాంట్లతో దేశానికి విద్యుత్‌ సరఫరా చేస్తోంది. ఎన్టీపీసీ రామగుండంది ప్రధాన పాత్ర ఎన్టీపీసీ రామగుండం ప్రాజెక్టు దేశానికి విద్యుత్‌ అందించడంలో ప్రధాన పాత్ర పోషిస్తోంది. థర్మల్‌ విద్యుత్‌ 2,600 మెగావాట్లు, తెలంగాణ స్టేజ్‌–1లో 1,600 మెగావాట్లు, ఫ్లోటింగ్‌ సోలార్‌ 100 మెగావాట్లు, గ్రౌండ్‌ సోలార్‌ ప్రాజెక్టు 10 మెగావాట్ల విద్యుత్‌ అందిస్తోంది. తెలంగాణ స్టేజ్‌–2లో 2,400 మెగావాట్లతోపాటు ఫ్లోటింగ్‌ సోలార్‌ 56 మెగావాట్లు, 120 గ్రౌండ్‌ మౌంటెడ్‌ సోలార్‌ ప్రాజెక్టులు నిర్మాణంలో ఉన్నాయి. 2024–25లో 295 రోజుల్లోనే లక్ష్యాన్ని చేరిన ఎన్టీపీసీ

కరీంనగర్‌ కల్చరల్‌: కరీంనగర్‌లోని గాయత్రినగర్‌కు చెందిన ప్రముఖ కవి గంప ఉమాపతి గి డుగు రామ్మూర్తి పంతులు స్మా రక జాతీయ పురస్కారానికి ఎ ంపికయ్యారు. బుధవారం సుందరయ్య విజ్ఞాన కేంద్రం హైదరాబాద్‌లో అవార్డు అందుకోనున్నారు. సామాజిక అంశంలో.. ఎందుకిలా అనే పుస్తకం రాసిన ఆయనను ఈ పురస్కారానికి ఎంపిక చేసినట్లు గిడుగు రామ్మూర్తి ఫౌండేషన్‌ నిర్వాహకులు తెలిపారు. ప్రజలు అప్రమత్తంగా ఉండాలిజగిత్యాలక్రైం: మల్టీ లెవెల్‌ మార్కెటింగ్‌ స్కీంలతో ప్రజలు అప్రమత్తంగా ఉండాలని ఎస్పీ అశోక్‌ కుమార్‌ అన్నారు. విలాసవంతమైన వస్తువులిస్తామని, ప్లాట్లు రిజిస్ట్రేషన్‌ చేస్తామని, విదేశీ యాత్రలకు పంపుతామని మాయమాటలతో ఆఫర్లు పెట్టి ప్రజల నుంచి మొదటగా సభ్యత్వాలు స్వీకరిస్తారని, మరికొంతమందిని సభ్యులుగా చేర్పించే ప్రయత్నం చేస్తూ.. ఎంత ఎక్కువ మందిని సభ్యులుగా చేర్పిస్తే అంత అధిక మొత్తంలో డబ్బులు తిరిగొస్తాయని నమ్మించి సైబర్‌ నేరగాళ్లు మార్కెట్లోకి వస్తున్నారని తెలిపారు. సైబర్‌ నేరగాళ్లు వాట్సాప్‌, టెలిగ్రామ్‌, ఫేస్‌బుక్‌, ఇన్‌స్ట్టాగ్రామ్‌, యూట్యూబ్‌, లింక్స్‌, ఈమెయిల్‌, వెబ్‌సైట్‌, ఫోన్‌కాల్‌ ద్వారా ఆకర్షిస్తారని తెలిపారు. అన్ని జాగ్రత్తలు తీసుకున్నా మోసపోతే వెంటనే 1930 టోల్‌ ఫ్రీ నంబర్‌కు ఫోన్‌ చేయాలన్నారు. గల్ఫ్‌ పంపిస్తానని మోసం.. వ్యక్తికి జైలు మేడిపల్లి: దుబాయ్‌ పంపిస్తానని డబ్బులు తీసుకొని, మోసగించిన కేసులో ఓ వ్యక్తికి కోరుట్ల జ్యుడీషియల్‌ ఫస్ట్‌ క్లాస్‌ కోర్టు జైలుశిక్ష విధించింది. వివరాల్లోకి వెళ్తే.. నిజామాబాద్‌ జిల్లా పిప్పిరి మండలం బీంగల్‌ గ్రామానికి చెందిన ఏగోలం మనోజ్‌కుమార్‌ మేడిపల్లి మండలంలోని రాగోజిపేటకు చెందిన ఆరుగురిని దుబాయ్‌ పంపిస్తానన్నాడు. వారి వద్ద రూ.40 వేల చొప్పున తీసుకున్నాడు. తర్వాత వారిని దుబాయ్‌ పంపలేదు. బాధితుల్లో ఒకరైన రాపల్లి నగేశ్‌ ఇచ్చిన ఫిర్యాదు మేరకు పోలీసులు కేసు నమోదు చేశారు. సరైన ఆధారాలు కోర్టు సమర్పించినట్లు ఎస్త్సె శ్యాంరాజ్‌ తెలిపారు. నేరం రుజువు కావడంతో కోర్టు మనోజ్‌కుమార్‌కు మంగళవారం మూడేళ్ల జైలుశిక్షతోపాటు రూ.1,000 జరిమానా విధించిందని పేర్కొన్నారు. బైపాస్‌ రహదారుల భూసేకరణకు హైకోర్టు బ్రేక్‌మెట్‌పల్లిరూరల్‌: జాతీయ రహదారి–63 విస్తరణలో భాగంగా చేపట్టే బైపాస్‌ రహదారుల నిర్మాణానికి భూముల సేకరణపై హైకోర్టు మంగళవారం స్టే విధించింది. బైపాస్‌ రహదారుల నిర్మాణంతో విలువైన పంట భూములను కోల్పోయి తమకు ఉపాధి లేకుండా పోతుందని, వాటిని నిలిపివేయాలని కోరుతూ వెల్లుల్ల, మేడిపల్లి గ్రామాల రైతులు సార్ల శ్రీనివాస్‌, పొదేటి రాములు, నాగులపల్లి చిన్న గంగారెడ్డి, పెద్ద గంగారెడ్డి, పుడుకారం నారాయణరెడ్డి, నీలి గంగారెడ్డి, పుప్పాల నర్సయ్య, శ్రీగద్దె బ్రహ్మయ్య న్యాయవాది పోచయ్య ద్వారా హైకోర్టులో పిటిషన్‌ వేశారు. పరిశీలించిన కోర్టు భూసేకరణపై స్టే విధించినట్లు న్యాయవాది తెలిపారు. జాతీయ రహదారిని విస్తరించుకోవాలి తప్ప బైపాస్‌ కోసం భూసేకరణను చేపట్టవద్దని సూచించినట్లు పేర్కొన్నారు.

జగిత్యాల అగ్రికల్చర్‌: ఉమ్మడి కరీంనగర్‌ జిల్లాలో సాగు చేసిన వరి పంటను తొలి దశలోనే మొగి పురుగు, అగ్గి తెగులు, జింక్‌, సల్ఫైడ్‌ సమస్యలు వేధిస్తున్నాయని రైతులు పొలాస శాస్త్రవేత్తల దృష్టికి తీసుకెళ్లారు. ఈ మేరకు పొలాస వ్యవసాయ పరిశోధన స్థానానికి చెందిన శాస్త్రవేత్తలు బలరాం, రజనీకాంత్‌, సాయినాథ్‌, స్వాతి మంగళవారం జగిత్యాల, బుగ్గారం, ధర్మపురి మండలాల్లో పర్యటించి, పొలాలను పరిశీలించారు. రైతులకు పలు సూచనలు చేశారు. వరిలో మొగి పురుగు నివారణకు.. కార్టాఫ్‌ హైడ్రోక్లోరైడ్‌ 4జి గుళికలను ఎకరానికి 8 కిలోలు లేదా క్లోరాంథ్రనిలిఫ్రోల్‌ 0.4జి గుళికలను 4 కిలోల చప్పున చల్లుకోవాలని సూచించారు. అలాగే, అగ్గి తెగులు నివారణకు ఇసోఫ్రోథియోలిన్‌ 0.6 గ్రాముల మందును లీటర్‌ నీటికి కలిపి, పిచికారీ చేయాలన్నారు. వరిలో జింక్‌ లోప నివారణకు 2 గ్రాముల జింక్‌ సల్ఫేట్‌ను లీటర్‌ నీటిలో కలిపి, పిచికారి చేయాలని పేర్కొన్నారు. సల్ఫైడ్‌ దుష్ప్రభావాన్ని తగ్గించేందుకు.. మొక్క వేర్లకు గాలి తగిలేలా మురుగు నీటిని తీసి, మళ్లీ నీరు పెట్టాలని సూచించారు. ఈ దశలో కాంప్లెక్స్‌, అమ్మోనియం సల్ఫేట్‌ వంటి ఎరువులు వాడొద్దని చెప్పారు. పొలాలను పరిశీలించిన పొలాస వ్యవసాయ శాస్త్రవేత్తలు

బుగ్గారం(ధర్మపురి): షార్ట్‌సర్క్యూట్‌తో ఇల్లు దగ్ధమైన ఘటన ధర్మపురి పట్టణంలో చోటుచేసుకుంది. స్థానికుల కథనం ప్రకారం.. ధర్మపురి హనుమాన్‌ వాడకు చెందిన ఆకుల గంగన్న కుటుంబసభ్యులు ముంబయిలో ఉంటున్నారు. స్థానిక వీరి ఇంట్లో కొంతకాలంగా ఉత్తరప్రదేశ్‌కు చెందిన కూలీలు అద్దెకు ఉంటున్నారు. ఇటీవల వారు తమ స్వగ్రామానికి వెళ్లారు. ఈ క్రమంలో మంగళవారం మధ్యాహ్నం ఇంట్లో షార్ట్‌సర్క్యూట్‌ జరగడంతో సామగ్రి కాలిపోయింది. పొగ రావడాన్ని గమనించిన స్థానికులు ఫైర్‌ సిబ్బందికి సమాచారం ఇవ్వడంతో వచ్చి, మంటలు ఆర్పివేశారు. చొప్పదండి: షార్ట్‌సర్క్యూట్‌తో పత్తి దగ్ధమైన ఘటన చొప్పదండి పట్టణంలో చోటుచేసుకుంది. వివరాల్లోకి వెళ్తే.. పట్టణంలోని మార్కెట్‌ రోడ్డుకు చెందిన బండారి బీరయ్య అనే రైతు పత్తిని రేకుల షెడ్డులో నిల్వ ఉంచాడు. మంగళవారం షార్ట్‌సర్క్యూట్‌ జరగడంతో సుమారు 30 క్వింటాళ్ల పత్తి దగ్ధమైంది. ధరలు పెరుగుతాయని డీ–86 ఉప కాలువ సమీపంలో రేకుల షెడ్డు అద్దెకు తీసుకొని, పత్తి నిల్వ ఉంచామంటూ బీరయ్య దంపతులు రోదించారు.