సాక్షి, హైదరాబాద్: హరియాణాలో జాట్‌ల ఆందోళనలతో వివిధ రాష్ట్రాల నుంచి ఢిల్లీ వైపు వెళ్లే పలు రైళ్లు రద్దయ్యాయి. ఆదివారం రాత్రి బయల్దేరాల్సిన హైదరాబాద్-హజరత్ నిజాముద్దీన్ దక్షిణ్ ఎక్స్‌ప్రెస్, సోమవారం బయల్దేరే హైదరాబాద్-న్యూఢిల్లీ తెలంగాణ ఎక్స్‌ప్రెస్, తిరుపతి-హజరత్ నిజాముద్దీన్ ఏపీ సంపర్క్ క్రాంతి ఎక్స్‌ప్రెస్‌లను దక్షిణ మధ్య రైల్వే రద్దు చేసింది. ఆదివారం బయల్దేరిన విశాఖపట్నం-కాజీపేట హజరత్ నిజాముద్దీన్ లింక్ ఎక్స్‌ప్రెస్‌ను కాజీపేట్‌లో నిలిపేశారు.