ఏ దేశమేగినా ఎందుకాలిడినా తెలుగువాడు తన సత్తా చూపిస్తే మనకు సంతోషం వేస్తుంది. ప్రకాశం జిల్లా నుంచి తండ్రి హయాంలో వలస వెళ్లి ముంబైలో ఎన్నో కష్టాలు పడి టాప్‌ కమెడియన్‌గా ఎదిగిన నటుడు జాని లీవర్‌. అతను ఉంటే సినిమాకు ప్లస్‌ అనే పేరు సంపాదించాడు. మధ్యలో కొంతకాలం బ్రేక్‌ వచ్చినా రోహిత్‌ శెట్టి ‘గోల్‌మాల్‌ అగైన్‌’లో నటించి ఆ సినిమా హిట్‌లో భాగం అయ్యాడు. ప్రస్తుతం రోహిత్‌ శెట్టి రణ్‌వీర్‌ సింగ్‌తో కలిసి ‘సర్కస్‌’ అనే కామెడీ సినిమా తీస్తున్నాడు. ఈ సినిమాలో రణ్‌వీర్‌ సింగ్‌ డ్యూయెల్‌ రోల్‌ చేస్తున్నాడని భోగట్టా. తాజాగా రణ్‌వీర్‌ సింగ్‌ ఇన్‌స్టాగ్రామ్‌లో ఒక ఫొటో పెట్టి ‘జాని లీవర్‌ సర్కస్‌ టీమ్‌తో జాయిన్‌ అయ్యారు’ అని అనౌన్స్‌ చేశాడు. అందుకు నిదర్శనంగా వానిటీ వ్యాన్‌పై ‘ది ఒన్‌.. ది ఓన్లీ జాని లీవర్‌’ అని రాసి ఉన్న నోటీస్‌ ఫొటో పెట్టాడు. సాధారణంగా వానిటీ వ్యాన్‌పై అలా ప్రత్యేకమైన నోటీస్‌లు పెట్టారు. జాని లీవర్‌ ఆ సినిమాకు ఎంత ఇంపార్టెంటో చెప్పడానికి ఇలా పెట్టారు. జాని లీవర్‌ ఇంట్లో తెలుగు పిలుపులు నేటికీ వినపడతాయి. జాని లీవర్‌ పిల్లలు తండ్రిని ‘నాన్నా’ అనే పిలుస్తారు. అప్పుడప్పుడు జాని లీవర్‌ తన ఊరికి వచ్చి వెళుతుంటాడు. అన్నట్టు ఆయన నటించిన తెలుగు సినిమా మీకు గుర్తుందా? క్రిమినల్‌. అక్కినేని నాగార్జున, మనీషా కొయిరాల, రమ్యకృష్ణ ప్రధాన పాత్రలు పోషించిన ఈ సినిమాలో జాని లివర్‌ నటించాడు. (చదవండి: చాలా రోజుల తర్వాత.. సంతోషంగా ఉంది!)


 సుజయ్ ఘోష్ దర్శకత్వంలో యశ్‌చోప్రా  ఫిలిమ్స్ రెండేళ్ల కిందట విద్యాబాలన్  హీరోయిన్‌గా రూపొందించిన ‘కహానీ’  చిత్రానికి హాలీవుడ్ రీమేక్ త్వరలోనే  తెరకెక్కనుంది. ‘డైటీ’ పేరిట రీమేక్  చేయనున్న ఈ చిత్రానికి నీల్స్ ఆర్డెన్ ఓప్లెవ్ దర్శకత్వం వహించనున్నాడు. జోస్ రివెరా, రిచర్డ్ రీగన్ ఇందులో ప్రధాన పాత్రలు పోషించనున్నారు.
  ‘బ్యాంక్ చోర్’లో రియా చక్రవర్తి
  రితేష్ దేశ్‌ముఖ్ హీరోగా తెరకెక్కుతున్న ‘బ్యాంక్‌చోర్’ చిత్రంలో బెంగాలీ భామ రియా చక్రవర్తి హీరోయిన్ పాత్ర పోషించనుంది. ఎంటీవీలో అతి పిన్నవయస్కురాలైన వీజేగా కెరీర్ ప్రారంభించిన రియా... ‘మేరే డాడ్ కీ మారుతి’తో తెరంగేట్రం చేసింది. ఇప్పటికే ఆమె నటించిన ‘బాబూకీ జవానీ’, ‘సోనాలీ కేబుల్’ చిత్రాలు విడుదలకు సిద్ధంగా ఉన్నాయి. వరుస చిత్రాలతో ఈ బెంగాలీ భామ బాలీవుడ్‌ను ఊపేయగలదని సినీవర్గాల అంచనా.
 ఇండస్ట్రీలో దోస్త్ నహీ
 ఫిలిం ఇండస్ట్రీలో దోస్తీలు ఉంటాయే గానీ, దోస్తులు ఉండరని కమేడియన్ జానీ లీవర్ తన అనుభవసారాన్ని మీడియాతో పంచుకున్నాడు. తెలుగువాడైన జానీ లీవర్‌ది బాలీవుడ్‌లో ‘థర్టీ ఇయర్స్ ఇండస్ట్రీ’. ఇండస్ట్రీలో స్నేహితులెవరైనా ఉన్నారా అని ప్రశ్నిస్తే, ‘షూటింగ్‌లో కలుసుకునేటప్పుడు అందరూ దోస్తీగానే ఉంటారు. సాయం కావాలంటే అర్ధరాత్రి వేళలోనైనా నిస్సంకోచంగా కాల్ చేయవచ్చని చెబుతారు. నిజంగా ఎవరికైనా కాల్ చేస్తే, అర్ధరాత్రి కాల్ చేయమన్నా కదా! పొద్దున్నే ఎందుకు చేశావని ప్రశ్నిస్తారు’ అంటూ తనదైన శైలిలో చెప్పుకొచ్చాడు.