అనంతపురం రూరల్‌ : పీవీకేకే ఇంజినీరింగ్‌ కళాశాలలో ఈ నెల 9న ప్రముఖ సాఫ్ట్‌వేర్‌ కంపెనీ అసెంచర్‌ క్యాంపస్‌ ఇంటర్వ్యూలు చేపడుతున్నట్లు ప్రిన్సిపాల్‌ సంతోష్‌కుమార్‌రెడ్డి  ప్రకటనలో తెలిపారు. బీటెక్, డిగ్రీలో 60 శాతం మార్కులతో ఉత్తీర్ణులైన విద్యార్థులు ఇంటర్వ్యూలకు హాజరు కావాలని కోరారు. ఇతర కళాశాలల విద్యార్థులు కూడా హాజరుకావచ్చునని పేర్కొన్నారు.


 అనంతపురం అర్బన్‌ : ‘ఖరీఫ్‌ పంటల సాగుని పురస్కరించుకుని ప్రభుత్వ ఆధ్వర్యంలో ఈ నెల 9న జిల్లా కేంద్రంతో పాటు అన్ని నియోజకవర్గాల్లో ఏరువాక పౌర్ణమి కార్యక్రమం జరుగుతుంది. వ్యవసాయ, దాని అనుబంధ శాఖల అధికారులు సమన్వయంతో పనిచేసి జయప్రదం చేయాలి.’ అని  జేసీ–2 సయ్యద్‌ ఖాజా మొహిద్దీన్‌  అధికారుకులను ఆదేశించారు.  బుధవారం కలెక్టరేట్‌లోని మినీ కాన్ఫరెన్స్‌ హాల్‌లో వ్యవసాయ శాఖ జేడీ శ్రీరామ్మూర్తితో కలిసి వ్యవసాయ, దాని అనుబంధ శాఖల అధికారులతో ఏరువాక పౌర్ణమిపై ఆయన సమావేశం నిర్వహించారు. ఈ సందర్భంగా జేసీ–2 మాట్లాడుతూ వివిధ శాఖల్లోని ఆధునిక సాంకేతిక పరిజ్ఞానం రైతులకు చేరేలా స్టాల్స్‌ని ఏర్పాటు చేయాలన్నారు. రైతులకు అవసరమైన పరిజ్ఞానంతో పాటు వారికి ఉన్న పథకాలు, రాయితీలు అర్థమ్యేలా వివరించాలన్నారు. కార్యక్రమంలో పశుసంవర్ధక శాఖ జేడీ జి.సన్యాసిరావు, పట్టుశాఖ జేడీ అరుణకుమారి, ఆత్మా పీడీ నాగన్న, ఏపీఎంఐపీ పీడీ వెంకటేశ్వర్లు, మత్స్యశాఖ డీడీ హీరానాయక్, తదితరులు పాల్గొన్నారు.


 అనంతపురం అర్బన్‌ : ముఖ్యమంత్రి చంద్రబాబు నాయుడు ఈనెల 9న జిల్లా పర్యటనకు విచ్చేస్తున్నట్లు తెలుస్తోంది. అధికారికంగా పర్యటన షెడ్యూల్‌ గురువారం విడుదల కానుంది. ఈ నెల 9న ప్రభుత్వం ఏరువాక పౌర్ణమి కార్యక్రమాన్ని ప్రారంభిస్తుండగా, ఈ కార్యక్రమాన్ని రాయదుర్గం నియోజకవర్గంలో సీఎం ప్రారంభిస్తారని అధికార వర్గాలు తెలిపాయి. అంతే కాకుండా ఇటీవల ప్రకటించిన ఇన్‌పుట్‌ సబ్సిడీకి సంబంధించి చెక్‌ను ఏరువాక పౌర్ణమి కార్యక్రమంలో సీఎం విడుదల చేస్తారని తెలుస్తోంది. సీఎం పర్యటన ఖరారు కావడంతో ఏరువాక కార్యక్రమ నిర్వహణకు స్థల ఎంపిక, బహిరంగ సభ ఏర్పాట్లపై జిల్లా యంత్రాగం బుధవారం సాయంత్రం రాయదుర్గంలో పర్యటించింది.


 హైదరాబాద్ : నీట్' పై కేంద్ర ప్రభుత్వం ఆర్డినెన్స్ ఇచ్చిన నేపథ్యంలో ఎంసెట్ -2 (2016) పరీక్ష నిర్వహించాలని నిర్ణయించిన తెలంగాణ ప్రభుత్వం నిర్ణయించింది. ముఖ్యమంత్రి కేసీఆర్ ఆదేశాల మేరకు ఎంసెట్-2 షెడ్యూల్ను రాష్ట్ర ప్రభుత్వం ఖరారు చేసింది. దీంతో ఎంబీబీఎస్, బీడీఎస్ ప్రవేశాలకు మరో పరీక్ష నిర్వహించనుంది. ఇందుకు సంబంధించి వైద్య ఆరోగ్య శాఖమంత్రి లక్ష్మారెడ్డి బుధవారం సెక్రటేరియట్లోని తన చాంబర్లో ఉన్నతాధికారులతో సమావేశం అయ్యారు.
 ఈ సమావేశంలో వైద్య శాఖ ముఖ్య కార్యదర్శి రాజేశ్వర్ తివారీ, ఉన్నత విద్యా మండలి చైర్మన్ ప్రొఫెసర్ పాపిరెడ్డి,  కాళోజి హెల్త్ యూనివర్సిటీ వీసీ డాక్టర్. కరుణాకర్ రెడ్డి, ఎంసెట్ కన్వీనర్ రమణారావు తదితరులు పాల్గొన్నారు. ఈ నెల 28న ఎంసెట్-2కు నోటిఫికేషన్ వెలువడనుంది. జులై 9న తెలంగాణ మెడికల్ ప్రవేశ పరీక్ష నిర్వహించి, 14న ఫలితాలను విడుదల చేయనున్నారు. వచ్చేనెల 1వ తేదీ నుంచి ఆన్లైన్లో దరఖాస్తులు స్వీకరిస్తారు. అప్లికేషన్ల స్వీకరణకు జూన్ 7 చివరి తేదీ.
 
 *ఈ నెల 28న ఎంసెట్-2  నోటిఫికేషన్
 *వచ్చే నెల 1వ తేదీ నుంచి ఆన్ లైన్ అప్లికేషన్ల స్వేకరణ
 *అప్లికేషన్ల స్వీకరణకు ఆఖరు తేదీ 07-06-2016
 *రూ. 500/- ఫైన్ తో 14-06-2016 లోగా దరఖాస్తు చేసుకోవచ్చు
 *రూ. 1000/- ఫైన్ తో 21-06-2016 లోగా దరఖాస్తు చేసుకోవచ్చు
 *రూ. 5000/- ఫైన్ తో 28-06-2016 లోగా దరఖాస్తు చేసుకోవచ్చు
 *రూ. 10000/- ఫైన్ తో 06-07-2016 లోగా దరఖాస్తు చేసుకోవచ్చు
 *02-07-2016 నుంచి 07-07-2016 వరకు హాల్ టికెట్స్ డౌన్ లోడ్ చేసుకునే అవకాశం
 * జూలై 9న తెలంగాణ స్టేట్ ఎంసెట్-2 (2016) పరీక్ష
 *ఉదయం 10 గంటల నుంచి మధ్యాహ్నం 1.00 గంట వరకు
 *జూలై 9న ప్రిలిమినరీ కీ విడుదల
 *12వ తేదీ లోగా  ప్రిలిమినరీ కీ ఫై అభ్యంతరాలు తెలుపుకోవచ్చు
 *14న ర్యాంకుల ప్రకటన
 *రిజిస్ట్రేషన్ ఫీజుల వివరాలు: ఎస్సీ, ఎస్టీలకు రూ.250/,ఇతరులకు రూ. 500/-
 
  


 హైదరాబాద్: ఆంధ్రప్రదేశ్ ముఖ్యమంత్రి చంద్రబాబు నాయుడు ఈ నెల 9న ఢిల్లీ వెళ్లనున్నారు. ఢిల్లీ పర్యటనలో చంద్రబాబు పలువురు కేంద్రమంత్రులతో సమావేశం కానున్నారు. 10వ తేదీన చైనా ప్రతినిధులతో బృందంతో భేటీ అవుతారు.


 హైదరాబాద్: తెలంగాణ రాష్ట్ర తొలి శాసనసభ సమావేశం ఈ నెల 9న జరగనుంది. అదే రోజు అసెంబ్లీ స్పీకర్, డిప్యూటీ స్పీకర్లను ఎన్నుకుంటారు.
 
 ఈ నెల 2న ఆవిర్భంవించిన తెలంగాణ రాష్ట్రానికి కే చంద్రశేఖర రావు తొలి ముఖ్యమంత్రిగా ప్రమాణ స్వీకారం చేసిన సంగతి తెలిసిందే. ఆయనతో పాటు మరో 11 మంది కెబినెట్ మంత్రులు ప్రమాణ స్వీకారం చేశారు. తెలంగాణ స్పీకర్ పదవికి టీఆర్ఎస్ ఎమ్మెల్యే మధుసూదన్ రావు పేరు వినిపిస్తోంది.