ప్రముఖ అమెరికన్ సింగర్‌, గ్రామీ అవార్డ్ విన్నర్‌ జస్టిన్ ‍టింబర్‌లేక్‌ అరెస్టయ్యారు. తప్పతాగి డ్రైవింగ్ చేయడంతో పోలీసులు అదుపులోకి తీసుకున్నారు. న్యూయార్క్‌ ఐలాండ్‌లోని సాగ్ హార్బర్‌లో అతన్ని అరెస్టు చేశారు. ఈ విషయాన్ని స్థానికి మీడియా ధృవీకరించింది. ప్రస్తుతం ఆయన పోలీసులు కస్టడీలోనే ఉన్నారు.ప్రస్తుతం ‍టింబర్‌లేక్‌ ఫర్గెట్ టుమారో పేరుతో గ్లోబల్ టూర్‌లో ఉన్నాడు. మార్చిలో ప్రారంభమైన కొత్త ఆల్బమ్ "ఎవ్రీథింగ్ ఐ థాట్ ఇట్ వాస్" ప్రమోషన్స్‌లో పాల్గొంటున్నారు. వచ్చే వారంలో చికాగో, న్యూయార్క్‌లోని కచేరీలను నిర్వహించనున్నారు. ఆ తర్వాత యూరప్‌లో టింబర్‌ లేక్‌ ప్రదర్శనలు ఈ నెలాఖరులో ప్రారంభం కానున్నాయి.కాగా.. టింబర్‌ లేక్ 2002లో సోలో రికార్డింగ్ వృత్తితో కెరీర్ ప్రారంభించాడు. ది సోషల్ నెట్‌వర్క్, ఫ్రెండ్స్ విత్ బెనిఫిట్స్ అవైన్ వంటి చిత్రాలలో కనిపించాడు. తన టాలెంట్‌ గానూ గ్రామీ అవార్డ్‌ దక్కించుకున్నారు.


 లాస్ ఎంజెల్స్: నేటి తరం, యువత తప్పకుండా తమ తల్లిదండ్రులతో ప్రేమగా నడుచుకోవాలని, వారికి విలువను ఇవ్వాలని ప్రముఖ హాలీవుడ్ సింగర్ టింబర్ లేక్ అన్నాడు. ఫ్యూచర్ సెక్స్/ లవ్ సౌండ్స్ ఆల్బంకు తొలిసారి టీన్ చాయిస్ అవార్డు-2016 పొందిన ఆయన మాట్లాడుతూ భావోద్వేగానికి లోనయ్యాడు. తనను ఎలా గౌరవించుకోవాలో తన తల్లిదండ్రులు నేర్పించారని.. ప్రతి వ్యక్తి నిర్మాణం అతడి ప్రవర్తనపైనే ఆధారపడి ఉంటుందని చెప్పాడు.
 
 'మీ గురించి, మీరు తీసుకునే నిర్ణయాల గురించి మీకు నేను ఒక విషయం చెప్పదలుచుకున్నాను. మీ 20 ఏళ్ల ప్రాయాన్ని వృధా చేయకండి. బయటకు వెళ్లండి. ఏది అసాధ్యమో దాన్నే చేయండి. మంచి బలమైన తరంగా ఎదగండి. మీ అమ్మనాన్నలతో ప్రేమగా ఉండండి. ఇదే విషయాన్ని నా కుమారుడు ఏదో ఒక రోజు తన జీవితంలో చూస్తాడు' అని చెప్పాడు. ఈ సందర్భంగా ప్రముఖ లెజండరీ బాక్సర్ మహ్మద్ అలీని ఆయన తలుచుకున్నాడు. ఒక వ్యక్తిగా ఎదగాలంటే అలీని చూసి నేర్చుకోవాలని అన్నారు.