కావ్యశ్రీ- నిఖిల్‌ మళయక్కల్‌.. స్మాల్‌ స్క్రీన్‌పై జంటగా నటించిన వీరు రియల్‌ లైఫ్‌లోనూ ప్రేమించుకున్నారు. కలిసి షాపింగ్‌కు, షికార్లకు వెళ్లేవారు. యూట్యూబ్‌లో కూడా కలిసే వ్లాగ్‌ వీడియోలు చేసేవారు. తర్వాతేమైందో కానీ ఉన్నట్లుండి విడిపోయారు. నిఖిల్‌ పేరెత్తితేనే కావ్య ముఖం మాడిపోయేది.కావ్య.. నిఖిల్‌ మధ్య దూరంబిగ్‌బాస్‌ షోలో నిఖిల్‌ (Nikhil Maliyakkal).. ఈ జన్మకు నువ్వే నా భార్యవు అని కావ్యనుద్దేశించి పరోక్షంగా కామెంట్స్‌ చేస్తే చిరాకుపడిపోయింది. ఇలాంటి మోసగాళ్లను నమ్మొద్దంటూ నిఖిల్‌ పేరెత్తకుండానే అతడిపై సెటైర్లు వేసింది. అలా కావ్య (Actress Kavyashree) అతడిపై పీకలదాకా కోపం పెంచుకుంది. బ్రేకప్‌ను వెనక్కు తీసుకునే ఉద్దేశమే లేదని తన మాటలతో కరాఖండిగా చెప్పేసింది. దీంతో నిఖిల్‌ కూడా సైలెంటయిపోయాడు. తాజాగా కావ్యశ్రీ పెళ్లిపై ఆసక్తికర కామెంట్స్‌ చేసింది. పెళ్లే చేసుకోనుడ్రీమ్‌ బాయ్‌ ఎలా ఉండాలనుకుంటున్నారన్న ప్రశ్నకు.. అతడు నన్ను బాగా చూసుకోవాలి. నాపై ఎక్కువ శ్రద్ధ తీసుకోవాలి. అంత​కుమించి పెద్దగా ఏమీ లేదు అని తెలిపింది. ప్రేమ పెళ్లి చేసుకుంటారా? పెద్దలు కుదిర్చిన సంబంధం చేసుకుంటారా? అన్న ప్రశ్నకు.. అసలు పెళ్లే చేసుకోనంది. మీకు ఇరిటేషన్‌ అనిపించిన వ్యక్తి ఎవరైనా ఉన్నారా? అంటే ఇంతకుముందు ఓ వ్యక్తి ఉండేవారు కానీ ఇప్పుడైతే అలా ఎవరూ లేరని తెలిపింది. జీవితంలో నేర్చుకున్న పెద్ద గుణపాఠం ఏంటన్న ప్రశ్నకు.. ఎవరినీ మోసం చేయకూడదు, ఎవరినీ బాధపెట్టకూడదు అని నేర్చుకున్నానంది.చదవండి: ఆ సినిమా చూస్తుంటే చేదు గతం కళ్లముందుకు..: టాలీవుడ్‌ హీరోయిన్‌

నిఖిల్‌ మళయక్కల్‌.. గోరింటాకు సీరియల్‌తో బాగా ఫేమస్‌ అయ్యాడు. ఇదే ధారావాహికలో అతడికి జోడీగా నటించింది కావ్య శ్రీ. సీరియల్‌ ఎంత పాపులర్‌ అయిందో కానీ, వీరి జోడీ అంతకంటే ఎక్కువ క్లిక్‌ అయింది. ఇంకేముంది.. ప్రతి ఫంక్షన్‌లోనూ, షోలోనూ, ఈవెంట్‌లోనూ జంటగా మెరిసేవారు. కలిసి యూట్యూబ్‌ ఛానల్‌ కూడా ప్రారంభించారు. ఇద్దరి మధ్య దూరంవీళ్ల యవ్వారం చూసిన జనాలు ఈ ఇద్దరూ ప్రేమించుకుంటున్నారని భావించారు. ఇదే ప్రశ్న ఓసారి నిఖిల్‌కు ఎదురైతే.. కావ్య మంచి అమ్మాయి.. పెళ్లి అని జరుగుతున్న ప్రచారంలో నిజం లేదు. కానీ భవిష్యత్తు ఎలా ఉంటుందో చెప్పలేమని తమ ప్రేమ నిజమేనని హింటిచ్చాడు. తర్వాత ఏమైందే ఏమో తెలియదుగానీ ఇద్దరి మధ్య దూరం పెరిగింది. యూట్యూబ్‌ వీడియోలు చేయడం ఆపేశారు. కొట్టినా, తిట్టినా పడతా..ఇ‍క నిన్నటి బిగ్‌బాస్‌ ఎపిసోడ్‌లో నిఖిల్‌ తన లవ్‌స్టోరీ చెప్తూ ఎమోషనలయ్యాడు. ఆరేళ్ల ప్రేమ.. విడిపోయామని నేను అనుకోవడం లేదు. బిగ్‌బాస్‌ అయిపోగానే నీ ముందు ప్రత్యక్షమవుతాను. నువ్వు కొట్టినా, తిట్టినా పడతాను కానీ నన్ను క్షమించు. నువ్వే నా భార్యవి.. పిచ్చిలేస్తే నిన్ను లేపుకెళ్లిపోతా.. అని ఏడుస్తూ చెప్పాడు. అయితే అతడి కన్నీళ్లకు కావ్య కరిగినట్లు లేదు. ఇలాంటివి చూసి మోసపోవద్దంటూ ఇన్‌స్టాగ్రామ్‌ స్టోరీలో ఓ పోస్ట్‌ చేసింది. మోసపోవద్దుమాస్కు వేసుకుని నటించేవాళ్లను చూసి మోసపోవద్దు. ఫేక్‌ మనుషులు పరిస్థితులకు తగ్గట్లుగా తమ అసలు రంగును బయటపెడుతుంటారు. ఆ మాస్కులు పూర్తిగా ఊడిపోయేవరకు ఎదురుచూడండి అని తన ఇన్‌స్టాగ్రామ్‌ స్టోరీలో ఓ కొటేషన్‌ను పోస్ట్‌ చేసింది. ఇది చూసిన అభిమానులు నిఖిల్‌- కావ్య మళ్లీ కలుస్తారా? లేదా? అని చర్చించుకుంటున్నారు.మరిన్ని బిగ్‌బాస్‌ వార్తల కోసం ఇక్కడ క్లిక్‌ చేయండి

ఆన్‌స్క్రీన్‌లో జంటగా కనిపించే సెలబ్రిటీలు రియల్‌ లైఫ్‌లో కూడా జోడీగా ఉంటే చూడాలని ముచ్చటపడుతుంటారు అభిమానులు. అలాగే చాలామంది రీల్‌ జంటగా మిగిలిపోకుండా రియల్‌ లైఫ్‌లోనూ పెళ్లి చేసుకుని చూపించారు. ఈ క్రమంలో బుల్లితెర జంట కావ్య-నిఖిల్‌కు ఎప్పుడూ ఓ ప్రశ్న ఎదురవుతూనే ఉంది. ఏ షోకి వెళ్లినా జంటగా వెళ్లే వీళ్లిద్దరూ వైవాహిక జీవితంలోకి ఎప్పుడు అడుగుపెడతారని ప్రశ్నిస్తున్నారు. నిజమైన దంపతులుగా చూడాలని ఉందని అభిమానులు తహతహలాడుతున్నారు. తను నాకు ఫ్రెండ్‌గా దొరకడమే గ్రేట్‌ ఈ క్రమంలో పెళ్లిపై పెదవి విప్పాడు నటుడు నిఖిల్‌. తాజాగా ఓ ఇంటర్వ్యూలో ఆయన మాట్లాడుతూ.. 'కావ్య చాలా మంచి అమ్మాయి, మెచ్యూర్డ్‌గా ఆలోచిస్తుంది. అలాంటి అమ్మాయి జీవిత భాగస్వామిగా వస్తే బాగుండని నాలాంటి ప్రతీ అబ్బాయి కోరుకుంటాడు. నిజం చెప్పాలంటే తను నాకు బెస్ట్‌ ఫ్రెండ్‌గా దొరకడమే గొప్ప. మీరంతా లవ్వు, గివ్వు అని ఎక్కడికో వెళ్లిపోతున్నారు. జనాలకు మేము జంటగా కనిపిస్తే ఇష్టం. అందుకే మేమిద్దరం కలిసే షోలు చేస్తాము. మేము పెళ్లి చేసుకుంటామా? లేదా? అన్నది మా చేతుల్లో లేదు. పెళ్లి గురించి ఆలోచించట్లే అది కాలమే నిర్ణయిస్తుంది. ఇప్పటికైతే పెళ్లి గురించి ఆలోచించడం లేదు. మా ఇంట్లో పెళ్లి గురించి తొందరపడటం లేదు. కాబట్టి ఇప్పట్లో దాని జోలికి వెళ్లను' అని చెప్పుకొచ్చాడు. ఇది చూసిన అభిమానులు.. త్వరలోనే మీరు బెస్ట్‌ ఫ్రెండ్స్‌ నుంచి బెస్ట్‌ రియల్‌ కపుల్‌గా ప్రమోషన్‌ పొందాలని కోరుకుంటూ కామెంట్లు చేస్తున్నారు. కాగా వీరిద్దరూ ప్రస్తుతం ఓ సీరియల్‌, వెబ్‌ సిరీస్‌ చేస్తున్నారు. చదవండి: విఘ్నేశ్‌ ఎల్‌ఐసీ.. సినిమా నుంచి తప్పుకున్న నయనతార?

బుల్లితెర ప్రేక్షకులకు కావ్యశ్రీ గురించి ప్రత్యేకంగా పరిచయం చేయనక్కర్లేదు. గోరింటాకు సీరియల్‌లో లీడ్‌ రోల్‌ చేస్తున్న కావ్య శ్రీ సోషల్‌ మీడియా ద్వారా అభిమానులతో నిత్యం టచ్‌లో ఉంటుంది. తాజాగా ఆమె బెంగళూరులోని తన డూప్లెక్స్‌ ఇంటిని చూపించింది. గ్రౌండ్‌ ఫ్లోర్‌లో హాల్‌, పూజా గది, మోడ్రన్‌ కిచెన్‌, డైనింగ్‌ హాల్‌, ఒక బెడ్‌ రూమ్‌ ఉన్నాయి. మొదటి అంతస్థులో ఒక హాల్‌తో పాటు మరో రెండు గదులున్నాయని పేర్కొంది. అందులో ఒకటి తన తండ్రి వాడుతుండగా మరొక గదిలో తనతో పాటు చెల్లె ఉంటుందని చెప్పుకొచ్చింది. హ్యాండ్‌ బ్యాగులంటే ఇష్టమైన కావ్య గదిలో 15 కంటే ఎక్కువ బ్యాగులు కనిపించాయి. పనిలో పనిగా తన బర్త్‌డేకు ఫ్రెండ్స్‌, ఫ్యాన్‌ పేజెస్‌ ఇచ్చిన కానుకలను చూపించింది. చదవండి: ఆ హీరోతో పీకల్లోతు ప్రేమలో అనన్య పాండే!


 చెన్నూరు: వైఎస్ఆర్ జిల్లా లో డెంగీతో ఆరేళ్ల చిన్నారి మృతి చెందింది. ఈ సంఘటన శుక్రవారం వైఎస్సార్ జిల్లా చెన్నూరు మండలం చిన్నమాసపల్లి గ్రామంలో వెలుగుచూసింది. వివరాలు.. గ్రామానికి చెందిన మాదినేని గిరిప్రసాద్, ఉమాదేవి దంపతులకు కావ్యశ్రీ(6) కుమార్తె. కాగా, గత మూడు రోజులుగా జ్వరం రావడంతో కడప ఆస్పత్రిలో చికిత్స అందిస్తున్నారు. అయితే, పరిస్థితి విషమించడంతో తిరుపతికి తరలించారు. తిరుపతిలో చికిత్స పొందుతూ గురువారం రాత్రి కావ్యశ్రీ మృతి చెందింది. డెంగీ తో బాలిక మృతిచెందినట్టు వైద్యులు నిర్ధారించారు.