ఆదిలాబాద్: కెరమెరిలో సబ్ ఇన్స్పెక్టర్గా పోస్టింగ్ పొందిన ఎస్ఐ శ్రీధర్ది ఆత్మహత్యే' అని ఏఎస్పీ రాధిక వెల్లడించారు. మంగళవారం ఆమె ఆదిలాబాద్లో మీడియాతో మాట్లాడారు. ఒత్తిడికి లోనై శ్రీధర్ ఆత్మహత్య చేసుకున్నట్టు సూసైడ్ నోట్ లభ్యమైందని చెప్పారు. ఇదిలా ఉండగా, తమ తమ్ముడి మృతికి అధికారుల వేధింపులే కారణమని ఎస్ఐ శ్రీధర్ అన్న శ్రీకాంత్ ఆరోపించారు. కాగా, పోలీస్ క్వార్టర్స్‌ రివాల్వర్ మిస్ ఫైర్ అయి ఎస్ఐ శ్రీధర్ మంగళవారం ఉదయం మృతి చెందిన సంగతి తెలిసిందే.
 ( చదవండి: రివాల్వర్ మిస్ ఫైర్ : ఎస్ఐ మృతి)
 
 కెరమెరి పోలీస్ స్టేషన్‌లో సబ్‌ఇన్‌స్పెక్టర్‌గా పనిచేస్తున్న శ్రీధర్ రివాల్వర్‌ మిస్ ఫైర్ అయింది. ఈ ఘటన ఆదిలాబాద్ జిల్లాలో కెరమెరిలో చోటుచేసుకుంది. పోలీస్ క్వార్టర్స్‌లో నివసిస్తున్న ఎస్ఐ శ్రీధర్.. తన వద్ద ఉన్న సర్వీస్ రివాల్వర్‌ను శుభ్రం చేస్తున్న క్రమంలో గన్ మిస్ ఫైర్ రెండు బుల్లెట్లు తలలో దూసుకెళ్లాయి. గమనించిన కుటుంబసభ్యులు వెంటనే ఆసిఫాబాద్ ఆస్పత్రికి తరలించారు. ఆస్పత్రిలో చికిత్స పొందుతూ ఎస్‌ఐ మృతిచెందారు.